ကွန်ပျူတာ

ကွန်ပျူတာ

ခေတ်အဆက်ဆက်မှ ကွန်ပျူစွာတိနန့် ယင်းရို့ကဲ့သို့တွက်ချက်လုပ်ကိုင်ရေ စက်တိ

ကွန်ပျူတာ (အင်္ဂလိပ်: computer) ဆိုစွာမာ ထည့်သွင်းထားရေ ပရိုဂရမ် တနည်း အစီအစိုင်တကျ ညွှန်ကြားချက်တိအတိုင်း အချက်အလက်တိကို စီမံခန့်ခွဲပီးရေ ကိရိယာဖြစ်တေ။ ကွန်ပျူတာတိရေ ညွှန်ကြားချက်တိပေါ် မူတည်ပနာ ဂဏန်းသင်္ချာနန့်ယုတ္တိဗေဒ ဆိုင်ရာတွက်ချက်မှုတိကို အစီအစိုင်တကျ အလိုအလျောက် စွမ်းဆောင်နှိုင်ရေ။ ကွန်ပျူစွာတခုမာ အခြီခံအားဖြင့် အချက်အလက်တိကို သိမ်းဆည်းဖို့ မှတ်ဉာဏ်၊ ဂဏန်းသင်္ချာနန့် ယုတ္တိဆိုင်ရာ တွက်ချက်မှုတိ ပြုလုပ်ရေ အစိတ်အပိုင်းတခုနန့် ယင်းပိုင်တွက်ချက်မှုတိကို မှတ်ဉာဏ်အထဲ သိမ်းဆည်းထားရေ ညွှန်ကြားချက်တိအတိုင်း စီစိုင်ကွပ်ကဲပီးရေ အစိတ်အပိုင်းတခု ပါဝင်ရေ။ ကွန်ပျူတာအတွင်းကို အချက်အလက်တိ ထည့်သွင်းဖို့နန့် ကွန်ပျူတာမှ တွက်ချက်ပီးလိုက်သော အချက်အလက်တိကို သိမ်းဆည်းရန် ကွန်ပျူတာ အရံပစ္စည်းတိကို အသုံးပြုရေ။ ကွန်ပျူတာ၏ အတွက်အချက် အစိတ်အပိုင်းရေ အချက်အလက်တိကို ဖတ်ယူ၊ တွက်ချက်၊ သိမ်းဆည်းဖို့ ညွှန်ကြားချက်တိကို အစီအစိုင်တကျ တခုပြီးတခု ဆောင်ရွက်ရေ။ အခြီအနီထိန်း ညွှန်ကြားချက်တိက ထိုညွှန်ကြားချက်တိ၏ ဆောင်ရွက်ပုံ အစီအစိုင်ကို ပြောင်းလဲနှိုင်ရေ။

ပထမဆုံးသော အီလက်ထရောနစ် ကွန်ပျူတာတိစွာ ၂၀ ရာစု အလယ်ပိုင်းက စတင်ပေါ်ထွန်းခဲ့ရေ။ ယင်းရှီးဦးကွန်ပျူတာတိမာ အခန်းတခန်းစာမျှ ကြီးမားပြီး ခေတ်ပေါ်တကိုယ်ရီသုံး ကွန်ပျူတာ (personal computer-PC) ရာပေါင်းများစွာနန့် ညီမျှရေ စွမ်းအားကို သုံးစွဲခရေ။ ဒေနိခေတ်ပေါ် ကွန်ပျူစွာတိမာက ယင်းရှီးဦး ကွန်ပျူတာတိနန့် ခိုင်းနိူင်းပါက အဆ သန်းပေါင်းများစွာ ပိုပြီးကေ တွက်ချက်စွမ်းဆောင်နှိုင်ရေအပြင် အရွယ်အစား ပမာဏလည်း အဆပေါင်းများစွာ ငယ်ရေ။ တချို့ ကွန်ပျူတာတိစွာ အိတ်ဆောင် သယ်ယူလားနိုင်လောက်အောက် ငယ်ပြီး အားဖြည့်သွင်းရာမာလည်း ဓာတ်ခဲအသေးစားတိကိုပင် အသုံးပြုနှိုင်ရေ။ နည်းပညာခေတ်၏ ပြယုဂ်တိဖြစ်ရေ သဏ္ဌာန်အမျိုးမျိုးဟိရေ တကိုယ်ရီသုံး ကွန်ပျူတာတိကို လူအများစုက ကွန်ပျူတာဟု ခြုံငုံမှတ်ယူ ခေါ်ဝေါ်နိန်ကေလည်း အိတ်ဆောင်တေးခြင်းဖွင့်စက်တိကစပြီးကေ တိုက်ခိုက်ရီးလီယာဉ်တိ အထိလည်းကောင်း၊ ကစပ်စရာအရုပ်တိက စတင်ကာ စက်ရုပ် (Robot) တိ အဆုံးကေလည်းကောင်း ကွန်ပျူတာတိကို ထည့်သွင်းမြုပ်နှံထားစွာကို တွိရရေ။

သမိုင်း

Jacquard၏ ပထမဆုံး အစီစိုင်ဖြင့်စီခိုင်းရေ စက်ပစ္စည်းဟုဆိုနှိုင်သော ရက်ကန်းစက်

အယင်ခေါက်က ကွန်ပျူတာကို နာမည်တခု သတ်မှတ်ရန်အလွန် ခက်ခဲခရေ။ အဂုအချိန်မာ ကွန်ပျူတာကို နာမည်အမျိုးမျိုးဖြင့် သတ်မှတ်‌ခေါ်ဝေါ်ကတ်တေ။ အစောဆုံးတွက်ချက်မှုပစ္စည်းစွာ အရိုးထွင်းစာပုံစံဖြစ်နှိုင်ခြီဟိပြီး နောက်ပိုင်း မြီဆီဩဇာကောင်းခရေ လခြမ်းဒေသ(အဂု- အီရန်၊အီရတ်၊တူရကီ၊ဆီးရီးယားစရေဒေသတဝိုက်)က မှတ်တမ်းတိမာ အိမ်မွီးတိရစ္ဆာန်တိ၊ မျိုးစိတိ စစွာရို့ကို ရွီတွက်မှတ်တမ်းပြုရာမာသုံးသော ကျုတ်နစ်လုံးချေတိ၊ ကျုတ်နစ်ဒုချွန်ချေတိပါဝင်ကတ်ပြီး ယင်းပစ္စည်းချေတိကို မဖုတ်ရသိမ့်ရေ ဘိတ်ဘူးတိမာအလုံပိတ်ထည့်ထားကတ်တေ။ တရုတ်ပြည်ပိုင် အရှိအာသျှမာ ရွီတွက်ရာမာသုံးသော မျိုင်းဖျောင့်တိနန့်လဆွဲခြစ်မှတ်သားခြင်း(ဥပမာ- , , )စွာလေ့ တွက်ချက်မှုသဖော နမူနာတခုဖြစ်တေ။

တွက်ချက်မှုပိုင်းအတွက် မူလအစက တွက်ချက်ပီသီး(Abacus)တိကို အသုံးပြုခရေ။ ပီသီးသည် ပထမဆုံးဂဏန်းပေါင်းစက်ပင်ဖြစ်တေ။ ရိုမန်ပုံစံ ထိုတွက်ချက်ပီသီးစက်မျိုးကို ဘီစီ ၂၄၀၀ခန့်က ဘာဘီလုံခေတ်(Babylonia)မာသုံးသော ပစ္စည်းတိကတဆင့်တီထွင်ခကတ်တေ။ ဂရိပုံစံပီသီးတွက်စက်ကို ဘီစီ ငါးရာစုခန့်၊ တရုတ်ပုံစံပီသီးတွက်စက်ကို ဘီစီ နှစ်ရာစုခန့်မာ သုံးခကြောင်း သက်သီအထောက်အထားတိကတဆင့် သိရရေ။

အလယ်ခေတ်အရောက်မာ ဥရောပ သင်္ချာ နန့် အိန်ဂျန်နီယာ ပညာသျှင် Wilhelm Schickard က ၁၆၂၃ခုနှစ် မာ ပထမဆုံး စက်ပစ္စည်းနန့်တွက်ချက်သောဂဏန်းပေါင်းစက်(Calculators) တခုကို တည်ဆောက်ခရေ။ ယကေလေ့သော့ဂုခေတ်မာ ယင်း ကိရိယာDevice ကို (Calculators) ဟုခေါ်ဆိုလို့ မရတော့ပါ၊၊ ဇာကြောင့်ဆိုကေ ယင်းကိရိယာစွာ Programme ပါဝင်ခြင်းမဟိရေကြောင့်ဖြစ်တေ။ ၁၈၀၁ ခုနှစ် မာ Joseph Marie Jacquard စွာ Textile ရက်ကန်းစက်ကို အခြီခံပြီး Punched Paper Cards Series ကို အသုံးပြုပြီးကေ သူ၏ ရက်ကန်းစက်ကို အလိုအ‌လျောက် အလုပ်လုပ်စီခရေ။ Jacquard ၏ ရက်ကန်းစက်မှ ရလဒ်စွာ ဖြစ်ပေါ်တိုးတက်လာစီဖို့အတွက် အကြောင်းရင်း တရပ်ဖြစ်တေ။ ၁၈၃၇ ခုနှစ် မာ Charles Babbage စွာ Programmable Mechanical Computer ကို စတင် Design ရီးဆွဲခရေ။ Analytical Engine လို့နာမည်ပီးခရေ။ ၁၈၉၀ ခုနှစ် အရောက်မာ US Census က Punched Card အတွက် ကြီးမားရေ Scale Automated Data Processing စွမ်းဆောင်ရည်ဟိအောင် Tabulating Machines ကို Herman Hollerith က Designed ရီးဆွဲခရေ။ Computing Tabulating Recording Corporation ( ဂုချိန်ခါ IBM ဖြစ်လာရေ ) က ထုတ်လုပ်ခရေ။ ၁၉ ရာစု အားလုံးအရောက်မာ IBMတိစွာ အသုံးဝင်သောအရာတခုဖြစ်လာခရေ။ ယင်းရေ လူရို့အတွက်လိုအပ်ဗျာယ်ဟိ‌နိန်စွာကို သက်သီပြလိုက်ခြင်းဖြစ်တေ။ ဇာကြောင့်ဆိုကေ Punched Card, Boolean Algebra], The Vacuum Tube (Thermionic Value) နန့် Teleprinter တိ ပေါ်ပေါက်လာခရေကြောင့်ဖြစ်တေ။ ၂၀ ရာစု အတောအတွင်းမာ သိပ္ပံပဝါရေ များစွာတိုးတက်မှုဟိလာခပြီး Analog Computer တိလေ့ တိုးတက်ပေါ်ပေါက်ခရေ။ ယကေလေ့သော့ ယင်း Analog Computer တိစွာ Programmable မဖြစ်ရေအပြင် အဂုခေတ် Digital တိဧ့ တိကျသော စွမ်းဆောင်ရည်တိလေ့ ပါဝင်ခြင်းမဟိသိမ့်ပါ၊၊

အစောပိုင်းကွန်ပျူတာ၏ လက္ခဏာတိ
တီထွင်ရေကာလ
နည်းပညာ
လည်ပတ်မှု
အချက်အလက်ထည့်သွင်းမှု
အချက်အလက်ထုတ်ယူမှု
မှတ်ဉာဏ်
ပရိုဂရမ်ရီးသားခြင်း
အရွယ်အစား
အပြင်းနှုန်း
ယုံကြည်စိတ်ချရမှု
အသုံးပြုမှု
ထင်ရှားသော နမူနာတိ

ပရိုဂရမ်

ခေတ်ထက်ကွန်ပျူတာတိနန့် တခြားသော စက်ကိရိယာတိ၏ အဓိကကွာခြားချက်မာ ခေတ်ပေါ် ကွန်ပျူတာတိ၏ ညွှန်ကြားချက်တိကို လိုအပ်ပိုင် ပြောင်းလဲပြင်ဆင် ရီးသားနိုင်ခြင်း ဖြစ်တေ။ တနည်းအနိန်နန့်ဆိုရကေ (ခေတ်ပေါ်)ကွန်ပျူတာတိကို စိတ်ကြိုက် ညွှန်ကြားချက်တိ ပီးပြီးကေ လိုရာကို ဆောင်ရွက်စီနှိုင်ရေ။ ဗွန်နူမန် (von Neumann) တည်ဆောက်ပုံစနစ်ကို အခြီခံသော ခေတ်ထက်ကွန်ပျူတာ အများစုမာ ကွန်ပျူတာ ညွှန်ကြားချက်တိကို ကွန်ပျူတာ ဘာသာစကားတိသုံးလို့ ရီးသားခိုင်းစီနှိုင်ရေ။

ကွန်ပျူတာပရိုဂရမ်ဆိုစွာမာ အမှန်တော့ခါ ညွှန်ကြားချက်တိ အစုအဝေးကြီးလှောက်ရာ ဖြစ်တေ။ တချို့ပရိုဂရမ်တိမာ ညွှန်ကြားချက် စိကေချေလှောက်သာ ပါဝင်နီနိုင်ပိုင် browser၊ စာစီစာရိုက် စရေပိုင် ပရိုဂရမ်တိမာ ညွှန်ကြားချက်ပေါင်း သန်းချီလို့လည်း ပါဝင်နီနှိုင်ရေ။ ခေတ်ထက်ကွန်ပျူတာတိစွာ စက္ကန့်ပိုင်းလှောက်အချိန်အထဲ ညွှန်ကြားချက်တိ သန်းထောင်ချီလို့ ဆောင်ရွက်တွက်ချက်နှိုင်ဗျာယ် အမှားအယွင်းလည်း မဟိသလောက်ပင် ဖြစ်တေ။ ညွှန်ကြားချက်တိ သန်းပေါင်းများစွာ ပါဟိရေ ပရိုဂရမ် အကြီးစားတိကို ပရိုဂရမ်မာ မြောက်မြားစွာသုံးလို့ နှစ်ပေါင်းများစွာ အချိန်ယူကာ ရီးသားရပြီး ဆောင်ရွက်ရဖို့ လုပ်ငန်း၏ ဗလဗွီသတ်မှုပေါ် မူတည်ပနာ အမှားအယွင်းတိ ပါစမြဲပင် ဖြစ်တေ။

ပရိုဂရမ် တည်ဆောက်ပုံ

စာလုံးအစောင်း

အကျယ်တဝင့် ဖော်ပြထားသောဆောင်းပါးများ - ကွန်ပျူတာ ပရိုဂရမ် နှင့် ကွန်ပျူတာ ပရိုဂရမ်ရီးခြင်း

ပုံမှန်ဆိုလို့ဟိကေ ကွန်ပျူတာညွှန်ကြားချက်တိမာ ရိုးယှင်းပါရေ။ နမူနာ ဂဏန်းတခုနန့် တခုပေါင်းခြင်း၊ အချက်အလက်တိကို တနီရာမှ တစ်နီရာသို့ ရွှိခြင်း၊ ကွန်ပျူတာနန့် တွဲဖက်သုံးကိရိယာတိကို အချက်ပြခြင်းရို့ ဖြစ်တေ။ ထိုညွှန်ကြားချက်တိကို ကွန်ပျူတာ၏ မှတ်ဉာဏ်မှ ဖတ်ယူပြီး ဖတ်ယူရဟိရေ အစိုင်အတိုင်း အတွက်အချက် အစိတ်အပိုင်းက တခုပြီးတခု ဆောင်ရွက်ရေ။ ယကေလေ့ အထူးညွှန်ကြားချက်တိကို သုံးလို့ ရှိကို ကျော်ပြီးကေလည်းကောင်း၊ နောက်ကို ဆုတ်ပနာလည်းကောင်း ပရိုဂရမ်အထဲဟိ အရာနီရာတိကို ဆောင်ရွက်ဖို့ ခိုင်းစီနှိုင်ရေ။ ယင်းပိုင်သော် ညွှန်ကြားချက်တိကို အဂုန်ညွှန်ကြားချက်တိဟု ခေါ်ရေ။ အဂုန်ညွှန်ကြားချက်တိကို သူ့မတိုင်မှီအရင် ညွှန်ကြားချက်တိကို တွက်ချက်ရဟိထားရေ ရလဒ်တိပေါ်မူတည်ပနာ အခြီအနီအလိုက် ခုန်ကျော်ဖို့လည်း ခိုင်းစီနှိုင်ရေ။ Many computers directly support subroutines by providing a type of jump that "remembers" the location it jumped from and another instruction to return to the instruction following that jump instruction.

တနည်းအားဖြင့် ပရိုဂရမ်တိကို တွက်ချက်ဆောင်ရွက်ခြင်းစွာ စာအုပ်တရွီကို ဖတ်စွာနန့် တူစွာ ပုံမှန်ဆိုလို့ဟိကေ စာအုပ်မားဟိ စာလုံး၊ စာကြောင်းတိကို အစီအစိုင်တကျ ဖတ်လေ့ဟိကတ်ကေလေ့ တခါတရီမာ နောက်ကို ပြန်လှန်ဖတ်ခြင်း၊ စိတ်မဝင်စားရေ စာပိုဒ်တိကိုလည်း ကျော်ဖတ်ခြင်းတိကို ပြုလုပ်တတ်ကတ်ရေ။ ယင်းနည်းတူစွာ ကွန်ပျူတာတိစွာလေ့ တခါတရီ ညွှန်ကြားချက်တိကို အခြီအနီပေါ်မူတည်ပနာ ရှိကျော်၊ နောက်ကျော် ထပ်ကာတလဲလဲ ဆောင်ရွက်တတ်ရေ။ ဒေချင့်တိကို ပရိုဂရမ်ဆောင်ရွက်မှု စီးဆင်းပုံ (flow of control) ဟုခေါ်ရေ။ ယင်းပိုင် ခုန်ပြန်ကျော်လွှားပြီး ညွှန်ကြားချက်တိကို ထပ်ကာတလဲလဲ ဆောင်ရွက်နိုင်ခြင်းကြောင့် ကွန်ပျူတာတိစွာ လူသားတိ၏ ထိန်းကွပ်မှုမပါပဲနန့် အလိုအလျောက် လုပ်ငန်းဆောင်စွာတိကို ဆောင်ရွက်နိုင်ခြင်းဖြစ်တေ။

ဥပမာအနိန်နန့် လူတဦးရေ အိတ်ဆောင်ဂဏန်းတွက်စက်ကို သုံးလို့ ဂဏန်းနှစ်ခု ပေါင်းခြင်းစရေ အခြီခံဂဏန်းသင်္ချာတိကို ခလုပ်တခု၊ နှစ်ခု နှိပ်လို့ လွယ်လင့်တကူ တွက်ချက်နှိုင်ရေ။ ယကေလေ့ ၁မှ ၁၀⁠၀၀ကြားတွင်းက ဂဏန်းအားလုံးကို ဂဏန်းတွက်စက်ဖြင့် ပေါင်းလိုကေ ခလုပ်တိကို အကြိမ်ပေါင်းများစွာနှိပ်ဖို့ လိုအပ်ပြီး ခလုပ်တိ မှားယွင်းနှိပ်မိခြင်းတိ ဖြစ်နိုင်ပိုင် အချိန်ကုန်လူပင်ပန်းစရာပင် ဖြစ်တေ။ အခြားတစ်ဖက်မာမူ ကွန်ပျူတာတိကို ယင်းပိုင်ပေါင်းရန်ကို ညွှန်ကြားချက် စိကေချေလှောက်သုံးလို့ လွယ်လင့်တကူ ခိုင်းစီနှိုင်ရေ။

      mov #0, sum      ; sum ကို သုညလို့ သတ်မှတ်ပါ။
      mov #1, num      ; num ကို တလို့ သတ်မှတ်ပါ။
loop: add num, sum     ; num ကို  sum ထဲ ပေါင်းထည့်ပါ။
      add #1, num      ; num ကို တပေါင်းပါ။
      cmp num, #1000   ; num နန့် ၁၀⁠၀၀ ကို ခိုင်းနိူင်းပါ။
      ble loop         ; num <= 1000, 'loop' သို့ နောက်ပြန်လားပါ။
      halt             ; ပရိုဂရမ်ကို ရပ်ပါ။

အထက်ပါ ပရိုဂရမ်ကို စတင်လိုက်ကေ ကွန်ပျူတာက ထပ်ကာထပ်ကာ ပေါင်းတွက်ရဖို့ အပိုင်းကို လူအကူအညီ ကွပ်ကဲမှု မပါပဲနန့် အလိုအလျောက် တွက်ချက်ပီးပါဖို့။ ယင်းတွက်ချက်မှုရေ အမှားအယွင်းကင်းပိုင် ခေတ်ထက်ကွန်ပျူတာအများစုစွာ ထိုတွက်ချက်မှုကို တစက္ကန့်၏ အပုံတသန်းပုံ တပုံလှောက်အတွင်း ဆောင်ရွက်နှိုင်ပါလိမ့်မေ။

အလုပ်လုပ်ပုံတိ

ယေဘုယျသုံးမာ အဓိက လေးမျိုးမာ ဂဏန်း သင်္ချာ နန့် လော့ဂျစ် အစိတ်အပိုင်း (arithmetic and logic unit)၊ ထိန်းချူပ် အစိတ်အပိုင်း (control unit)၊ မှတ်ဉာဏ်(Memory Device) နန့် အသွင်း အထုတ် ကိရိယာ (I/O) များရို့ ဖြစ်တေ။ ယင်း အစိတ်အပိုင်း ရို့ကို ဝါယာကြိုးတိ အတွဲလိုက်ဖြစ်တေ ဘတ်စ် တိနန့် တွယ်အပ်ထားရေ။

ထိန်းချုပ် ဌာန

စာလုံးအစောင်း

အကျယ်တဝင့် ဖော်ပြထားသောဆောင်းပါး - စီပီယူ

ထိန်းချုပ် ဌာန (control unit, often called a control system or Central Processing Unit CPU) တနည်း စီပီယူ စွာ ကွန်ပျူတာ၏ အစိတ်အပိုင်း မျိုးစုံကို လမ်းဆောင်ရေ။ ယင်းစွာ ပရိုဂရမ် ၏ ညွှန်ကြားချက်တိကို တကြောင်းခြင်း ဖတ်ရှု ပြီး အဓိပ္ပာယ် ပြန်ရေ။ ထိန်းချူပ် ဌာနရေ အဆင့်မြင့်စွာတိမာ ယင်းညွှန်ကြားချက် အစိုင်တိကို မြန်ဆန်စီဖို့အတွက် ခုန်ကျော် ဖတ်ရှု ခြင်း လုပ်နိုင်ရေ။

ထိန်းချုပ်ဌာန ၏ အဓိက မာ ပရိုဂရမ် ကောင်တာ၊ နောက် ညွှန်ကြားချက် ကို ဇာနီရာမှ ဖက်ရှုဖို့စွာကို မှတ်သားထားရေ အထူး လှောင်ရာ ရာဂျစ်စတာ ရို့ဖြစ်တေ။

MIPS architecture ၏ ညွှန်ကြားချက် ကို ထိန်းချူပ် ဌာနမှ ဖတ်ရှုပုံ ဖော်ပြသော ပုံကြမ်း

ထိန်းချုပ် ဌာန၏ အလုပ်တိမာ နောက် စီပီယူတိမာ ကွာခြားနှိုင်ကေလည်း အခြီခံမာ အောက်ပါအတိုင်းဖြစ်တေ။

1. ပရိုဂရမ် ကောင်တာ ညွှန်ပြသော အခန်းမှ လာဖို့ ညွှန်ကြားချက် (instruction) ကုဒ်ကို ဖတ်ပါ။
2. ယင်းညွှန်ကြားချက် ကုဒ်ကို အဓိပ္ပာယ် ပြန်လို့ အမိန့်ပီးချက် (command) တိ တနည်း အရာစက်တိ၏ အဝင်လှိုင်း (signal) တိ အဖြစ် လုပ်ဆောင်ပါ။
3. ညွှန်ကြားချက် အသစ်ရီးပါ ပရိုဂရမ် ကောင်တာကို တခုမြင့်ပါ။
4. ညွှန်ကြားချက် ပါကေ မှတ်ဉာဏ်(Memory Device) အခန်းတိက အချက်အလက်တိကို ဖတ်ပါ။ များရေအားဖြင့် ယင်းဖက်ရှုရဖို့ အခန်းနံပါတ်ကို ညွှန်ကြားချက် ကုဒ် ထဲမာပင် သိမ်းဆည်းလိဟိရေ။
5. ညွှန်ကြားချက် စွာ အေအယ်လ်ယူ တနည်း အထူးစက်တိက လုပ်ဆောင်ချက်တိ လိုအပ်လျှင် ယင်းစက်အား မောင်းနှင်ပါ။
6. အေအယ်လ်ယူမှ အဖြေကို မှတ်ဉာဏ်(Memory Device)တွင်းသို့ ပြန်ပနာသိမ်းဆည်းပါ တနည်း ပရင့်တာ ပိုင် ပုံနှိပ်စက် တွင်းမာ ထုတ်ပါ။
7. အစ အဆင့် (၁) သို့ ပြန်လားပါ။

ဂဏန်းသင်္ချာ နန့် လော့ဂျစ်ဌာန

စာလုံးအစောင်း

အကျယ်တဝင့် ဖော်ပြထားသောဆောင်းပါးများ - Arithmetic logic unit နှင့် အေယ်လ်ယူ

ဂဏန်း သင်္ချာ နန့် လော့ဂျစ် အစိတ်အပိုင်း (Arithmetic and logic unit, ALU) ခေါ် အေအယ်လ်ယူ သည် ဂဏန်း သင်္ချာ နန့် လော့ဂျစ် ဆောင်ရွက်မှု အပိုင်း နှစ်ခု ကိုလုပ်ဆောင်ရေ။

ဂဏန်း သင်္ချာ လုပ်ဆောင်မှုမာ ALU သည် အခြီခံတိဖြစ်ရေ အပေါင်း၊ အနုတ်၊ အမြှောက်၊ အစား၊ တြီဂိုနိုမေတြီ ဖန်ရှင်တိ နန့် square root ရို့ လုပ်ဆောင်ရေ။ အချို့ လုပ်ဆောင်မှု တိမာ ကိန်းပြည့်တိတိုးတာ လုပ်ဆောင်နှိုင်ပြီး တချို့မာ တိကျမှု လျော့ကျနှိုင်ကေလည်း ဒဿမ ကိန်း (floating point) မှ ကိန်းစစ် (real number) တိအထိ လုပ်ဆောင်နှိုင်ရေ။ ယကေလေ့၊ ဇာ မဆို ဇာလောက်ပင် ခက်ခဲရေ အလုပ်ဖြစ်ပါစီ တဆင့်ခြင်း လွယ်ကူသော အဆင့်တိအဖြစ် ပြောင်းလဲစီခြင်းနန့် စွမ်းဆောင်နှိုင်ရေ။ ယင်းအတွက်နန့် ဇာ မဆို ဇာပိုင် ဂဏန်းသင်္ချာပြဿနာမဆို ဖြီယှင်းနှိုင်ပြီး ယင်းဧ့ အေယ်လ်ယူ က တိုက်ရိုက် ဖြီယှင်းလို့မရပါက အရိပ်ချသောနည်းနန့် ဖြီယှင်းနှိုင်ရေ။

အေယ်လ်ယူရေ ဂဏန်းတိကို နှိုင်းနိူင်းပြီး အဖြေကို လော့ဂျစ်များဖြစ်ရေ မှားမှန် တန်ဖိုး အဖြစ်လည်း အဖြေထုတ်နှိုင်ရေ။ လော့ဂျစ် လုပ်ဆောင်မှုတိမာ AND၊ OR၊ XOR နန့် NOT ရို့ဖြစ်တေ။ ယင်းရို့စွာ ခက်ခဲသော စဉ်းစား ဆင်ခြင်မှုတိ နန့် လော့ဂျစ် လုပ်ဆောင်မှုတိ အတွက် အသုံးဝင်ရေ။

စူပါ ကွန်ပျူတာတိစွာ အေအယ်လ်ယူ များစွာပါယား တစ်ပြိုင်တည်းတည်း များစွာသော ညွှန်ကြားချက်တိကို လုပ်ဆောင်နှိုင်ရေ။ ကွန်ပျူတာမာ SIMD နန့် MIMD များပါကေ ဂျီပီယူ ခေါ် ရုပ်ပိုင်းဆိုင်ရာ လုပ်ဆောင်မှုတိမာ အေယ်လ်ယူက ဗက်တာ နန့် မတ်ထရစ် ရို့အတွက် ဂဏန်းသင်္ချာနည်းအဖြစ် ကူညီလုပ်ဆောင်ပီးရေ။

မှတ်ဉာဏ်(Memory Device)

စာလုံးအစောင်း

အကျယ်တဝင့် ဖော်ပြထားသောဆောင်းပါး - ကွန်ပျူတာ မှတ်ဉာဏ်

သံလိုက် ချက်မ မီမိုရီ မာ ၁၉၆၀ တိအထိ တချိန်က ကျော်ကြားခသော အဓိက ကွန်ပျူတာ မှတ်ဉာဏ်(Memory Device) ဖြစ်ပြီးကေ ဂုခေတ်မာ ဆီမီးကွန်ဓာတ်တာ မှတ်ဉာဏ် အဖြစ် ပြောင်းသုံးရေ

ကွန်ပျူတာ မှတ်ဉာဏ် တခုကို ဂဏန်းတိ ပို့သွင်း တနည်း ဖတ်ရှုနှိုင်ရေ အခန်းငယ် အတန်းတိ အဖြစ် မြင်နှိုင်ရေ။ အခန်းတိုင်းမာ လိပ်စာ (address) တခု ဟိပြီးး ဂဏန်းတလုံးသာ မှတ်ယူနှိုင်ရေ။ ကွန်ပျူတာကို အခန်းနံပါတ် ၁၃၅၇ မာ ဂဏန်း ၁၂၃ ရီးပါလို့လေ့ကောင်း၊ အခန်းနံပါတ် ၁၃၅၇ မှဂဏန်းကို အခန်းနံပါတ် ၂၄၅၆ မှဂဏန်း ဖြင့်ပေါင်းပနာ အခန်းနံပါတ် ၁၅၉၅ သို့ ရီးပါလို့လေ့ကောင်း ညွှန်ကြားနှိုင်ရေ။ ယင်းဂဏန်းမာ လက်တွိအားဖြင့် ဇာကိုမဆို ရည်ညွှန်းနှိုင်ရေ။ ဂဏန်းနံပါတ်တိရာမက ကွန်ပျူတာ ညွှန်ကြားချက် တိပင် ဂဏန်း အဖြစ် အလွယ်ချေ မှတ်ယူနှိုင်ရေ။ စီပီယူ အနိန်နန့် ယင်းဂဏန်းမာ ဇာ အကြောင်းဖြစ်တေဟု မခွဲခြားအတွက်နန့် ပရိုဂရမ်ရီးသူ အနိန်နန့် မှတ်ဉာဏ် ကို ဂဏန်းအဖြစ်ထားပြီးသား စွယ်စုံ သုံးနှိုင်ရေ။

ခေတ်ပေါ် ကွန်ပျုတာ အားလုံးနီးပါးကပင်တ်ဉာဏ်အခန်းတိ၏ သျှစ်ခုပါ ဘစ် (bit) တိကို ဘိုက် (byte) ခေါ် အစုအဖြစ် ထားဟိသိမ်းပီးရေ။ ဘိုက် တခုစွာ ၀မှ ၂၅၅ အထိ တနည်း -၁၂၈ မှ +၁၂၇ အထိ ၂၅၆ မျိုး မှတ်ယူနှိုင်ရေ။ ပိုပြီးကေကြီးရေ ဂဏန်းတိ ကိုမှတ်ယူဖို့ နောက် ဘိုက် တခု ထပ်ယူနှိုင်ရေ။ များသောအားဖြင့် ၂ ခု၊ ၄ ခု တနည်း ၈ ခု ရို့ဖြစ်ကတ်တေ။ အနှုတ် ဂဏန်းတိကို မှတ်ယူဖို့ Two's complement သင်္ကေတ ကို အသုံးပြုဖို့လိုအပ်ရေ။ ကွန်ပျုတာ တခုစွာ ဇာ အကြောင်းအရာမဆို ကိန်း ဖြစ်ရာဖော်ပြလို့ရပါက သိမ်းပီးထားနှိုင်ရေ။ ခေတ်ပေါ် ကွန်ပျုတာတိစွာ မီမိုရီ ဘိုက်ပေါင်း ဘီလီရမ် တနည်း ထရီလီရမ် အထိပင် ဟိကတ်တေ။

စီပီယူမာ အထူးပြုလုပ်ထားရေ ပင်မ မီမိုရီထက် များစွာ အယင့်ယင် ရီးဖတ်နှိုင်ရေ ရီဂျစ်စတာ မီမိုရီ ပါဟိရေ။ များသောအားဖြင့် စီပီယူ အမျိုးအစားပေါ် မှုတည်ပြီးကေ ရီဂျစ်စတာ မီမိုရီပေါင်း တရာမှ နှစ်ရာ အထိ ပါဟိရေ။ ရီဂျစ်စတာ မီမိုရီကို တနားတခါ အသုံးပြုရေ ဒေတာ တိကို ပင်မ မီမိုရီ သုံးဖို့မလိုပဲနန့် ဖတ်ရှုဖို့ သုံးရေ။

ကွန်ပျုတာ မီမိုရီမာ အဓိက နှစ်မျိုးရို့မာ random access memory ခေါ် RAM နန့် read-only memory ခေါ် ROM ရို့ ဖြစ်ကတ်တေ။ RAM ကို စီပီယူ အနိန်နန့် လိုအပ်ပိုင် ရီးနိုင်ဖတ်နှိုင်ကေလည်း ROM စွာ အပြီးရီးသွင်းထားပြီးသား စီပီယူ အနိန်နန့် မရီးသားနိုင်ပဲ ဖတ်ရုံသာ ဖတ်နှိုင်ရေ။ များသောအားဖြင့် RAM ဟိ မှတ်သားထားစွာတိကို ကွန်ပျုတာပိတ်စွာနန့် ပျက်လားရေ။ ROM ဟိ မှတ်သားထားစွာတိမာ ဆက်ပနာကျန်ဟိရေ။ ကွန်ပျုတာမာ ROM သည် BIOS ခေါ် အထူး ပရိုဂရမ် မှ စက်မောင်းစနစ် ကို hard disk drive မှ RAM ထက်တို့ တင်ဖို့ ကွန်ပျုတာဖွင့်တိုင်း သုံးရေ။

အသွင်းအထုတ် ကိရိယာတိ (Input/ Output)

I/O ခေါ် အသွင်း အထုတ် ကိရိယာတိစွာ ပြင်ပ အရာတိနန့် ကွန်ပျူတာ ရို့ သတင်း အချက်အလက် အပြန်အလှန် သယ်ယူရာ အစိတ်အပိုင်း ဖြစ်တေ။ ကွန်ပျူတာ၏ အသွင်း အထုတ် ပြုရာ ကိရိယာ ကို peripheral ဟု ခေါ်ရေ။ တယောက်သုံး ကွန်ပျူတာ တခုမာ အသွင်း ကိရိယာတိ ဖြစ်ရေ ကီးဘုတ်၊ မောက်စ် နန့် အထုတ် ကိရိယာတိ ဖြစ်ရေ မော်နီတာ၊ ပရင်တာ ရို့ ထုံးစံအားဖြင့် ပါရေ။

အရာ အကြောင်းအရာတိ

Hardware

Computer ၏ထိတွိကိုင်တွယ်နှိုင်ရေ အစိတ်အပိုင်းတိစွာ Computer Hardware တိဖြစ်တေ။

ဆော့ဖ်ဝဲလ်

NissanclaperComputer Hardware တိကိုအလုပ် ခိုင်းစီနှိုင်ဖို့အတွက် စီစိုင်ဖန်တီးထားရေ ညွှန်ကြားချက်တိ (Instructions) အမိန့်များ (Commands) စွာ ကွန်ပျူတာ ဆော့ဖ်ဝဲလ် များဖြစ်ကတ်တေ။ နမူနာတခုပြရကေ စီဒီချပ်သည် အမာထည်(Hardware) ဖြစ်ပြီးကေ၊ ယင်းစီဒီထဲဟိ တေးခြင်းတိ၊ ရုပ်ရှင်တိစွာ အပျော့ထည်(Software) တိဖြစ်ကတ်တေ။

Computer software

Operating System	Unix/BSD	UNIX System V, AIX, HP-UX, Solaris (SunOS), IRIX, List of BSD operating systems
	GNU/Linux	List of Linux distributions, Comparison of Linux distributions
	Microsoft Windows	Windows 95, Windows 98, Windows NT, Windows 2000, Windows XP, Windows Vista,Windows 7, Windows CE, Windows 8, Windows 10
	DOS	86-DOS (QDOS), PC-DOS, MS-DOS, FreeDOS
	Mac OS	Mac OS classic, Mac OS X
	Embedded and real-time	List of embedded operating systems
	Experimental	Amoeba, Oberon/Bluebottle, Plan 9 from Bell Labs
Library	Multimedia	DirectX, OpenGL, OpenAL
	Programming library	C standard library, Standard template library
Data	Protocol	TCP/IP, Kermit, FTP, HTTP, SMTP
	File format