ချူလာလောင်ကွန်းတက္ကသိုလ်
จุฬาลงกรณ์มหาวิทยาลัย | |
အရာနာမည် | Chulalongkorn University |
|---|---|
အိန်းဂလိချ် ဆောင်ပုဒ် | Knowledge with Virtue |
| တည်ထောင် | ၁၉၁၇ |
ပညာရီး နှီးနွယ်အဖွဲ့အစည်းတိ | Association of Southeast Asian Institutions of Higher Learning |
| ပါမောက္ခချုပ် | ပါမောက္ခ ပိရုမ် ကမလ်-ရတနကုလ်၊ အမ်.ဒီ. |
| ဘွဲ့ကြိုဦးရွီ | ၂၄,၈၅၁ |
| ဘွဲ့လွန်ဦးရွီ | ၉,၄၅၈ |
| တည်နီရာ | |
| အချိန်ပိုင်းကျောင်းသား ဦးရေ | ၃၇,၅၂၅ |
| အထိမ်းအမှတ် အရောင် | ပန်း |
| ဝဘ်ဆိုဒ် | chula.ac.th |
![]() | |
ချူလာလောင်ကွန်းတက္ကသိုလ် (ပါဠိ: စုဠာလင်္ကရဏ; အိန်းဂလိချ်: Chulalongkorn University) သည် အာသျှဒေသမား ထိပ်တန်းတက္ကသိုလ်တခုအဖြစ် ရပ်တည်ကေလည်းဟိရေ ထိုင်းနိုင်ငံ၏ ရှီးအကျဆုံးနန့် ခေတ်သစ်ပညာရီးစနစ်မာ ပထမဆုံး အဆင့်မြင့်ပညာ စတင်ဆည်းပူးရာနီရာဖြစ်တေ။
ထိုင်းနိုင်ငံ ဘန်ကောက်မြို့တော်မာ တည်ဟိပြီး "ချူလာ" ဟု အတိုကောက်ခေါ်ဝေါ်ကတ်တေ ဒေတက္ကသိုလ်ကြီးကို ၁၉၁၇ ခုနှစ်မာ ထိုင်းနိုင်ငံ၏ ဆဋ္ဌမမြောက် ရာမဘုရင် ဝဇိရာဝုဓက တည်ထောင်ခရေ။ ၄၅၆ ဧက ကျယ်ဝန်းသော ဒေတက္ကသိုလ်မာ မြက်ခင်းစိမ်းများ၊ မိုးမခပင်ကြီးများ၊ ရှီးဟောင်းအဆောက်အအုံတိနန့် ခေတ်မီအဆောက်အအုံတိလေ့ တည်ဟိရေ။
သမိုင်းကြောင်း
[တီးဖြတ်ပါ | အရင်းအမြစ်ကိုတီးဖြတ်ပါ]ထိုင်းနိုင်ငံ၏ ဆဋ္ဌမမြောက် ရာမဘုရင် ဝဇိရာဝုဓသည် ယင်း၏ခမည်းတော်ဖြစ်ရေ ပဉ္စမြောက် ရာမဘုရင် စုဠာလင်္ကရဏ (ချူလာလောင်ကွန်း) ကို ရည်ရွယ်လို့ ချူလာလောင်ကွန်းတက္ကသိုလ်ကို တည်ထောင်ခခြင်းဖြစ်တေ။ ၁၉၀၂ ခုနှစ်မာ ပဉ္စမြောက် ရာမဘုရင် စုဠာလင်္ကရဏသည် နန်းတော်မာ တော်ဝင်လူငယ်သင်တန်းကျောင်း (Civil Service Training School) ကို တည်ထောင်ခရေ ယင်းသည် ထိုင်းနိုင်ငံ၏ အဆင့်မြင့်ပညာရီးစီမံကိန်း၏ ပွေလာဦးပင်ဖြစ်တေ။ ၁၉ ရာစုမာ ထိုင်းနိုင်ငံ၏ ဗျူရိုကရေစီစနစ် ပြောင်းလဲရန် လိုအပ်လာပြီး ပဒေသရာဇ်စနစ်မှ ခေတ်မီနိုင်ငံအဖြစ် တည်ထောင်လိုရေ ဆန္ဒတိကြောင့် ဘုရင်စုဠာလင်္ကရဏသည် ဝန်ထမ်းလိ့ကျင့်ရီးကျောင်း (The Civil Service College) ကို တည်ထောင်လို့ တော်ဝင်နန်းတော်မာ တာဝန်ထမ်းဆောင်ဖို့ လူငယ်တိကို မွီးထုတ်ပီးခရေ။
ဒေစီမံကိန်း ကြီးထွားလာပြီးနောက် ဘုရင်ဝဇီရာဝုဓလက်ထက်မာ ဝန်ထမ်းလိ့ကျင့်ရီးကျောင်းကို ဘုရင်စုဠာလင်္ကရဏ ဝန်ထမ်းကောလိပ် (Civil Service College of King Chulalongkorn - CSCKC) ဟု နာမည်ပြောင်းလဲခရေ။ ရော့ခ်ကဖဲလား ဖောင်ဒေးရှင်း၏ အကူအညီနန့် ပညာရီးစနစ် ဖွံ့ဖြိုးတိုးတက်ယောင် လုပ်ဆောင်ခပြီးကေ ခေတ်နန့်လျော်ညီသော သင်ရိုးညွှန်းတမ်းတိကို ချမှတ်နိုင်ခရေ။
ဖခင်ဘုရင်ကြီး စုဠာလင်္ကရဏ နတ်ရွာစံပြီးကေ သားတော် ဝဇီရာဝုဓ နန်းတက်ရေအခါ ၁၉၁၇ ခုနှစ်မာ စုဠာလင်္ကရဏ ဝန်ထမ်းကောလိပ်ကို စုဠာလင်္ကရဏတက္ကသိုလ် (Chulalongkorn University) ဟု နာမည်ပြောင်းလဲကြောင်း ကြေညာခရေ။ အယင်ကထက် ပိုပြီးကေကောင်းမွန်သော ပညာရီးစနစ် ဖြစ်ပေါ်စီရန် လူတန်းစားမရွီး ခေတ်ပညာတိကို သင်ယူနှိုင်ယောင် စီစိုင်ခရေ။ ထိုင်းနိုင်ငံ ဘန်ကောက်မြို့ဟိ ခေတ်ပညာသင်ကြားနီသော ကျောင်းတိကို စုစည်းခပြီးကေ ဘုရင် ဝဇိရာဝုဓ ကိုယ်တိုင် ယင်း၏ ကိုယ်ပိုင်ငွီတိကို စိုက်ထုတ်ပနာ တက္ကသိုလ်အဖြစ် တည်ထောင်ခခြင်းဖြစ်တေ။
၁၉၄၃ ခုနှစ်မာ ဗိုလ်ချုပ် ပိုင်ဘွန်းက ဆီးပညာ၊ သွားဘက်ဆိုင်ရာ၊ ဆီးဝါးပညာနန့် တိရစ္ဆာန်ဆီးသိပ္ပံ မဟာဌာနတိကို ခွဲထုတ်ပနာ စုဠာလင်္ကရဏ ဆီးသိပ္ပံ တက္ကသိုလ်ဟု အမည်ပီးခကေလေ့ ဂုချိန်ခါ မဟီဒေါလ်တက္ကသိုလ်ဆိုပနာ သီးသန့်တက္ကသိုလ်တခု ဖြစ်လာခရေ။ နောက်ပိုင်းမာ ချူလာလောင်ကွန်းတက္ကသိုလ်မာ ဆီးပညာရပ်တိကို ပြန်ပနာသင်ကြားပီးခရေ။
ချူလာလောင်ကွန်းတက္ကသိုလ်မှ ဘွဲ့ရဟိသူတိကို ထိုင်းဘုရင်ကိုယ်တိုင် ဘွဲ့လက်မှတ်ပီးအပ်ချီးမြှင့်ရေ အစိုင်အလာကို သတ္တမမြောက် ရာမဘုရင် ပြဇာဓိပက လက်ထက်မာ စတင်ခရေ။
တက္ကသိုလ်နယ်မြီ
[တီးဖြတ်ပါ | အရင်းအမြစ်ကိုတီးဖြတ်ပါ]စုဠာလင်္ကရဏ တက္ကသိုလ်၏ တက္ကသိုလ်နယ်မြီအားလုံးသည် ဘန်ကောက်မြို့တော်မာ ဟိရေ။ အဆောက်အအုံများစွာာ ၁၉-ရာစုလက်ရာတိရာမက ဘုရင့်တက္ကသိုလ်ဖြစ်ရေအားလျှော်စွာ ခမ်းနားထည်ဝါရေ အဆောက်အအုံတိရာမက ခေတ်သစ်ဗိသုကာပညာသျှင်တိ၏ လက်ရာများစွာာဟိပါရေ။
ဌာနများ
[တီးဖြတ်ပါ | အရင်းအမြစ်ကိုတီးဖြတ်ပါ]၁၉၁၇-ခုနှစ်မာ ဝိဇ္ဇာသိပ္ပံမဟာဌာန (Arts and Sciences)၊ ပြည်သူ့စီမံခန့်ခွဲရီးမဟာဌာန (Public Administration)၊ အိန်ဂျန်နီယာမဟာဌာန (Engineering)နန့် ဆီးသိပ္ပံမဟာဌာန (Medicine) စရေ မဟာဌာန လေးခုသာဟိခကေလေ့သော့ ဂုချိန်ခါ ပညာရပ်ဆိုင်ရာ မဟာဌာနပေါင်း (၁၉)ခု၊ စိုက်ပျိုးရီးကျောင်း တကျောင်း၊ ကောလိပ် (၃)ခု၊ အင်စတီကျု (၁၀)ခုနန့် ဆရာအတတ်သင်ကျောင်း တကျောင်း ဟိပါရေ။
ကျောင်းဝင်ခွင့်
[တီးဖြတ်ပါ | အရင်းအမြစ်ကိုတီးဖြတ်ပါ]စုဠာလင်္ကရဏ တက္ကသိုလ်သည် ထိုင်းနိုင်ငံ၏ ထိပ်တန်း တက္ကသိုလ်တခု ဖြစ်တေ။ အထက်ကျောင်းတိမာ Top Ten ဝင်သူတိကိုသာ စုဠာလင်္ကရဏ တက္ကသိုလ်က ရွီးချယ် လက်ခံလိဟိရေ။ ကျောင်းသားတိအတွက် ကျောင်းဝင်ခွင့်ပုံစံကို အုပ်စု ၂ ခု ခွဲထားရေ။ ထိုင်းနိုင်ငံ မြောက်ပိုင်း ပြည်နယ်တိက ကျောင်းသားများအုပ်စုနန့် ထိုင်းနိုင်ငံ၏ အရာနီရာများ အုပ်စုရို့ ဖြစ်တေ။ ထိုင်းနိုင်ငံမြောက်ပိုင်းပြည်နယ်များစွာာ ဖွံ့ဖြိုးမှုအားနည်းအတွက်နန့် မြောက်ပိုင်းသားတိအတွက် ဝင်ခွင့်ပုံစံ၊ အရာနီရာတိက ကျောင်းသားများဝင်ခွင့်ပုံစံဆိုပနာ ခွဲခြာထားခြင်းဖြစ်တေ။ ယင်းပိုင် ခွဲခြာထားအတွက်နန့် ဖွံ့ဖြိုးမှုအတိုင်းအတာ ညီမျှလားလီရေလို့ ယုံကြည်ထားကတ်တေ။
ဝတ်စုံ
[တီးဖြတ်ပါ | အရင်းအမြစ်ကိုတီးဖြတ်ပါ]စုဠာလင်္ကရဏ တက္ကသိုလ်မာ တက်ရောက်ပညာသင်ကြားရရေ ကျောင်းသားများအနိန်နန့် ဆင်တူယူနီဖောင်းတိကို ဝတ်ဆင်ရလေ့ဟိပြီးး ကျောင်းသား၊ ကျောင်းသူတိကလည်း ဂုဏ်ယူစွာနန့် ဝတ်ဆင်ကတ်စွာပါ။ ထိုင်းနိုင်ငံမှ ကျောင်းသားများအနိန်နန့် အကျီအဖြူရောင်၊ ဘောင်းဘီရှည် နက်ပြာရောင်ကို ဝတ်ဆင်ရပြီး ကျောင်းသူတိအနိန်နန့် အကျီအဖြူရောင်၊ စကတ်အရှည် နက်ပြာရောင်ကို ဝတ်ဆင်ရပါရေ။ စကတ်အနိန်အထားတိုခကေ ပြစ်ဒဏ်ခံရလေ့ ဟိပါရေ။
အားကဇပ်ပြုလုပ်ချိန်များ၊ လက်တွိကွင်းဆင်းရရေ စာသင်ချိန်တိမာတော့ တီရှပ်အဖြူရောင်ကို ဝတ်ဆင်ခွင့်ပီးထားပါရေ။ နိုင်ငံတကာမှ ကျောင်းသား ကျောင်းသူတိအတွက်လေ့ ယူနီဖောင်းဝတ်ဆင်ရမှု မဟိပါမဲ့ ဝတ်စားဆင်ယင်မှုနန့် ပတ်သက်လို့ ကန့်သတ်ချက်တိကို ထားဟိရေလူပါရေ။
ပညာသင်ဆု
[တီးဖြတ်ပါ | အရင်းအမြစ်ကိုတီးဖြတ်ပါ]စုဠာလင်္ကရဏ တက္ကသိုလ်မာ တက်ရောက်ပညာသင်ကြားလိုရေ ကျောင်းသားများအနိန်နန့် ပညာတော်သင်ဆုများစွာကို လျှောက်ထားနှိုင်ကတ်ပါရေ။ ထူးခြားချက်အနိန်နန့် အာစီယံနိုင်ငံတိက ကျောင်းသားတိအတွက် ပညာတော်ဆုများစွာဟိရေပိုင် ဥရောပနိုင်ငံတိက ကျောင်းသားတိအတွက် ပညာတော်သင်ဆုအစီအစိုင်တိလေ့ဟိပါရေ။
မြန်မာနိုင်ငံမှ ကျောင်းသားတိအတွက် ဘာသာရပ် အသီးသီးမှ နိုင်ငံတကာဖွံ့ဖြိုးမှု လိလာရီး မဟာဘွဲ့သင်တန်းကို ဂျာမနီနိုင်ငံမှ ဟိန်းနရစ်ချ်ဘော ဖောင်ဒေးရှင်း၏ ပညာတော်သင်ဆု ထောက်ပံ့ပီးမှုအဖြစ် နှစ်စိုင်ပီးအပ်နီမှုတိလေ့ ဟိရေအတွက် မြန်မာကျောင်းသားများအနိန်နန့် စုဠာလင်္ကရဏ တက္ကသိုလ် ပညာတော်သင်ဆုတိကို လျှောက်ထားနှိုင်ဖို့ အခွင့်အရီးတိလေ့ဟိနီပါရေ။
စုဠာလင်္ကရဏ တက္ကသိုလ်မာ ဘာသာရပ်တိကို ထိုင်းဘာသာနန့် အဓိက သင်ကြား နိန်ရေ်လည်း အချို့ ဘာသာရပ်တိကိုတော့ အိန်းဂလိချ်ဘာသာတိနန့် သင်ကြားပါရေ။ အိန်းဂလိချ်ဘာသာဖြင့် သင်ကြားလတ် ပရိုဂရမ်ကို သင်ကြားလိုရေ ကျောင်းသားများအနိန်နန့် IELTS ရမှတ် ၅ ကျော်ဖို့လည်းလိုအပ် ပါရေ။
ကျောင်းလခအနိန်နန့် သင်ယူတဲ့ ဘာသာရပ်အလိုက် စိကေချေကွဲပြားမှုတိဟိကေလေ့ အချိန်ပြည့်သင်တန်းကို တက်ရောက်မဲ့ ဘွဲ့ကြိုကျောင်းသားတိအတွက် စီမစ်စတာ (Semester) တခုလျှင် ဝိဇ္ဇာသိပ္ပံ၊ ဥပဒေ၊ စီးပွားရီး၊ နိုင်ငံရီးသိပ္ပံအစဟိရေ ဘာသာရပ်တိအတွက် ထိုင်းဘတ် ၁သောင်း ၄ထောင်ခန့်၊ ဆီးသိပ္ပံအပါအဝင် အိန်ဂျန်နီယာ ဘာသာရပ်တိအတွက် ထိုင်းဘတ် ၁သောင်း ၈ထောင်ခန့်၊ နိ်ုင်ငံတကာကျောင်းသားတိအတွက်ကတော့ ဝိဇ္ဇာသိပ္ပံ၊ ဥပဒေ၊ စီးပွားရီး၊ နိုင်ငံရီးသိပ္ပံ အစဟိရေ ဘာသာရပ်များ အတွက်ထိုင်းဘတ် ၅သောင်း ၉ထောင်ခန့်၊ ဆီးသိပ္ပံအပါအဝင် အိန်ဂျန်နီယာ ဘာသာရပ်များ အတွက် ထိုင်းဘတ် ၆သောင်း ၂ထောင်ခန့် ကုန်ကျမှာနီပါ။
ထူးခြားထင်ရှားသူတိ
[တီးဖြတ်ပါ | အရင်းအမြစ်ကိုတီးဖြတ်ပါ]စုဠာလင်္ကရဏ တက္ကသိုလ်မှ ဂုဏ်ထူးဆောင်ဘွဲ့ ပီးအပ်ခြင်းများ ဟိခပြီး၊ အမေရိကန် သမ္မတ နှစ်ဦးဖြစ်ရေ လင်ဒန် ဂျွန်ဆင်နန့် ဘီလ် ကလင်တန်ရို့အား ဂုဏ်ထူးဆောင်ဘွဲ့ ပီးအပ်ခပိုင် နိုဘယ်ငြိမ်းချမ်းဆုရှင် နယ်လ်ဆင် မင်ဒဲလား ကိုလေ့ ဂုဏ်ထူးဆောင်ဘွဲ့ ပီးအပ်ခပါရေ။
စုဠာလင်္ကရဏ တက္ကသိုလ်ကျောင်းသားဟောင်းများမာ ထင်ရှားသူတိမာ လက်ဟိ ထိုင်းနိုင်ငံဘုရင်ကြီး ဘူမိဗလ အဒူလျာဒက်၏ ခမည်းတော် မဟီတလ အတုလျေတေဇ၊ ထိုင်းနိုင်ငံမင်းသမီး မဟာ ချက်ကရီ သီရိဒုံ၊ အရှိတောင်အာသျှ စာရီးဆရာဆု (၂) ကြိမ်ရ ဝင်း လိုင်ယိုဗာရင်၊ ထိုင်းနိုင်ငံဘောလုံးသမား အကျော်အမော် ကီယာတီဆက်၊ ထိုင်းချေဂွေဗားရားဟု တင်စားကတ်သော ချစ် ဖူမီဆက် စသူရို့ ပါဝင်ရေ။
အဆင့်သတ်မှတ်ချက်
[တီးဖြတ်ပါ | အရင်းအမြစ်ကိုတီးဖြတ်ပါ]ကမ္ဘာ့အဆင့်သတ်မှတ်ချက်တိအရ (၂၀၁၄/၂၀၁၅ ခုနှစ်အတွက်) စုဠာလင်္ကရဏ တက္ကသိုလ်စွာ ကမ္ဘာမာ အဆင့်(၂၄၃) ဟိပြီး၊ အာသျှဒေသအထဲ အဆင့်(၅၃) ဟိရေ။
