စမ်းသပ်ခြင်း
စမ်းသပ်မှု (Script error: The function "langx" does not exist.) ဆိုစွာမာ အဆိုကတ်မ်းတခုကို ထောက်ခံရန် သို့မဟုတ် ခြီဖျက်ရန်၊ သို့မဟုတ် အယင်က မစမ်းဖူးသောအရာတခုဧ့ ထိရောက်မှု သို့မဟုတ် ဖြစ်နှိုင်ခြီကို ဆုံးဖြတ်ရန် ဆောင်ရွက်ရေ လုပ်ငန်းစဉ်တခု ဖြစ်တေ။ စမ်းသပ်မှုတိစွာ သီးသန့်အကြောင်းအချက်တခုကို ပြုပျင်ပြောင်းလဲလိုက်ရေအခါ ဇာရလဒ် ဖြစ်ပေါ်စွာကို သရုပ်ပြခြင်းနန့် အကြောင်းနန့်အကျိုး ဆက်စပ်မှုကို ထိုးထွင်းသိမြင်စီရေ။ စမ်းသပ်မှုတိစွာ ရည်မှန်းချက်နန့် အတိုင်းအတာအရ များစွာကွဲပြားကေလေ့ အရာထခါလုပ်ဆောင်နှိုင်ရေ လုပ်ငန်းစဉ်နန့် ရလဒ်တိကို ယုတ္တိကျကျ ခွဲခြမ်းစိတ်ဖြာခြင်းအပေါ် အမြဲမှီခိုရေ။ သဘာဝအတိုင်း စမ်းသပ်လိ့လာမှုတိ လည်း ဟိသိမ့်ရေ။
အချေတဦးစွာ အရာဝထုများ မြီပြင်ထက်တို့ ဇာပိုင်ကျရေကို နားလည်ရန် အခြီခံစမ်းသပ်မှုတိကို ပြုလုပ်နိုင်ပိုင်၊ သိပ္ပံပညာသျှင်အဖွဲ့တိစွာ ဖြစ်စိုင်တခုအပေါ် ယင်းရို့၏ နားလည်မှုကို တိုးမြှင့်ဖို့အတွက် နှစ်ပေါင်းများစွာ စနစ်တကျ စနည်းနာစစ်ဆီးမှုတိ ပြုလုပ်ရနှိုင်ရေ။ သိပ္ပံသင်ခန်းစာမာ ကျောင်းသားများ သင်ယူတတ်မြောက်ရီးအတွက် စမ်းသပ်မှုတိနန့် တခြားသော လက်တွိလုပ်ဆောင်မှုတိစွာ အလွန်အရေးကြီးရေ။ စမ်းသပ်မှုတိစွာ စာမိန်းပွဲရမှတ်တိကို တိုးတက်စီနှိုင်ပြီး၊ အထူးအနိန်နန့် အချိန်အကြာကြီး အသုံးပြုကေ ကျောင်းသားတဦးကို ယင်းရို့သင်ယူနိန်ရေ အကြောင်းအရာတိအပေါ် ပိုပြီးကေစိတ်ပါပါဝင်လှာစီရန် ကူညီပီးနှိုင်ရေ။[၁] စမ်းသပ်မှုတိစွာ (နမူနာ- အကြိုက်ဆုံးကိုယှာရန် ချောကလက်အမျိုးမျိုးကို မြည်းစမ်းကြေ့ခြင်းပိုင်ယှောင်) ပုဂ္ဂိုလ်ရီးနန့် တရားမဝင်သော သဘာဝနှိုင်းနိူင်းမှုတိကပင် (နမူနာ- အက်တမ်အောက်အမှုန်များအကြောင်း သတင်းအချက်အလက် ရှာဖွီတွိဟိရန် မျှော်လင့်နိန်ရေ သိပ္ပံပညာသျှင်တိစွာက ကြီးကြပ်ရေ သပွတ်အူလိုက်ကိရိယာများ လိုအပ်ရေ စမ်းသပ်မှုတိပိုင်ယှောင်) အလွန်အကျွံ ထိန်းချုပ်ထားရေ စမ်းသပ်မှုတိအထိ အမျိုးမျိုးကွဲပြားနှိုင်ရေ။ သဘာဝသိပ္ပံနန့် လူမှုသိပ္ပံရို့အကြား စမ်းသပ်မှုတိဧ့ အသုံးပြုပုံမာ သိသိသာသာ ကွဲပြားရေ။
စမ်းသပ်မှုတိမာ ပုံမှန်ဆိုလို့ဟိကေ တခုတည်းသော လွတ်လပ်သော ပြောင်းလဲနှိုင်ရေကိန်း (independent variable) လွဲပြီးကေ အရာပြောင်းလဲနှိုင်ရေကိန်းတိ၏ သက်ရောက်မှုတိကို အနည်းဆုံးဖြစ်ယောင် ဒီဇိုင်းထုတ်ထားရေ ထိန်းချုပ်မှုတိ ပါဝင်ရေ။ ယင်းစွာ ထိန်းချုပ်တိုင်းတာမှုတိနန့် အရာတိုင်းတာမှုတိအကြား နှိုင်းနိူင်းခြင်းကတဆင့် ရလဒ်တိ၏ ယုံကြည်စိတ်ချရမှုကို တိုးမြှင့်ပီးရေ။ သိပ္ပံဆိုင်ရေ ထိန်းချုပ်မှုတိစွာ သိပ္ပံနည်းကျ နည်းလမ်းဧ့ အစိတ်အပိုင်းတခု ဖြစ်တေ။ ကောင်းဘီယက်အားဖြင့်၊ စမ်းသပ်မှုတခုဟိ ပြောင်းလဲနှိုင်ရေကိန်း အားလုံးကို ထိန်းချုပ်ထားသင့်စွာ (ထိန်းချုပ်တိုင်းတာမှုတိဖြင့် ထည့်သွင်းစဉ်းစားထားရေ)။
ကိုးကား
[တီးဖြတ်ပါ | အရင်းအမြစ်ကိုတီးဖြတ်ပါ]- ↑ "An Analysis of Frequency of Hands-on Experience and Science Achievement" (1996). Journal of Research in Science Teaching 33 (1): 101–109. doi:. Bibcode: 1996JRScT..33..101S.