စီဝရပဋိဂ္ဂဟဏသိက္ခာပုဒ်
၅-စီဝရပဋိဂ္ဂဟဏသိက္ခာပုဒ်
[တီးဖြတ်ပါ | အရင်းအမြစ်ကိုတီးဖြတ်ပါ]၅၀၈။ ဘုန်းတော်ကြီးရေ မြတ်စွာဘုရားစွာ ရာဇဂြိုဟ်မြို့ ရှဉ့်နက်ရို့အား အစာကျွေးရာ ဖြိုက်ရေဝေဠုဝန်ကျောင်း၌ သီတင်းသုံး နေတော်မူသော အခါ ဥပ္ပလဝဏ်ဘိက္ခုနီမစွာ သာဝတ္ထိမြို့၌ နီ၏။
ယင်းခါ ဥပ္ပလဝဏ်ဘိက္ခုနီမစွာ စောစောသား၌ သင်္ကန်းကို ပြင်ဝတ်ပနာ သပိတ်သင်္ကန်းကို ယူလျက်သာဝတ္ထိမြို့ကို ဆွမ်းအလို့ငှါ ဝင်၏၊ သာဝတ္ထိမြို့၌ ဆွမ်းအလို့ငှါ လှည့်လည်ပြီးပနာ ဆွမ်းစားပြီးနောက်ဆွမ်းစားသာလယံမှ ဖဲခွါပြီးလတ်သော် နိသန့်စင်ရာအလို့ငှါ အန္ဓဝန်တောသို့ ချိုင်းကပ်၏၊ အန္ဓဝန်တောသို့သက်ဝင်ပြီးနောက် အပင်ရင်းတစ်ခု၌ နိသန့်စင်ရန် ထိုင်ရေ၊ ယင်းခါ ခိုးမှီငြမ်းပနာ ပြုပြီးရေခိုးသူရို့စွာ နွားကို သတ်ပြီးပနာ အမဲသားကို ယူကာ အန္ဓဝန်တောသို့ ဝင်ကုန်၏။
ခိုးသူကြီးရေ အပင်ရင်းတစ်ခု၌ နိသန့်စင်လျက် ထိုင်နီသော ဥပ္ပလဝဏ် ဘိက္ခုနီမကိုမြင်လတ်သော် "အဂယင့်လို့ ငါ၏ သားတိ ညီငယ်တိ မြင်ကတ်ပါမူ ဒေဘိက္ခုနီမကို ညှင်းဆဲကတ်လိ့မေ"ဟု ကြံစည်ပနာ အခြားလမ်းနန့် လားရေ၊ ယင်းခါ ခိုးသူကြီးရေ အမဲသားကျက်လတ်သော် ကောင်းမြတ်သော အမဲသားရို့ကို ယူပနာ ဖက်နန့် ထုပ်ပြီးကေ ဥပ္ပလဝဏ် ဘိက္ခုနီမ၏အနီး အပင်ရင်း၌ ဆွဲပြီးနောက် "အကြင်ရဟန်း ပုဏ္ဏားစွာ မြင်ရေ၊ (ယင့်သူအား) ပီးလှူအပ်ရေသာတည်း၊ ဆောင်ယူစီ"ဟုဆိုပနာ ဖဲလားရေ။
ဥပ္ပလဝဏ် ဘိက္ခုနီမစွာ သမာဓိမှ ထလတ်သော် ခိုးသူကြီးပြောဆိုရေ ဒေစကားကို ကြား၏၊ ယင်းခါ ဥပ္ပလဝဏ်ဘိက္ခုနီမစွာ ထိုအမဲသားကို ယူပနာ ဘိက္ခုနီမကျောင်းသို့ လားရေ၊ ဥပ္ပလဝဏ်ဘိက္ခုနီမစွာ ထိုညဉ့်ကုန်လွန်သော အခါ၌ အမဲသားကို စီရင်ပနာ အပေါ်ရုံ 'ဧကသီ' နန့် အထုပ်ကို ဖွဲ့ပြီးကေ အာကာကို ပျံတက်ပနာ ဝေဠုဝန်ကျောင်း၌ ရှီးရှုရပ်တည်လေ၏၊ ယင်းခါ မြတ်စွာဘုရားစွာရွာတွင်းသို့ ဆွမ်းအလို့ငှါ ဝင်တော်မူ၏၊ အသျှင်ဥဒါယီစွာ ကျောင်းစောင့်ကျန်ရစ်၏၊ ယင်းခါ ဥပ္ပလဝဏ်ဘိက္ခုနီမစွာ အသျှင်ဥဒါယီပါးကို ချိုင်းကပ်ပနာ အသျှင်ဥဒါယီအား-
"အသျှင်ဘုရား မြတ်စွာဘုရား အဇာမာပါနည်း"ဟု လျှောက်၏။
နှမ မြတ်စွာဘုရားစွာ ရွာတွင်းသို့ ဆွမ်းအလို့ငှါ ဝင်တော်မူ၏ဟု (ပြောရေ)။
အသျှင်ဘုရား ဒေအမဲသားကို မြတ်စွာဘုရားအား လှူပါလော့ဟု (လျှောက်၏)။
နှမ သင်ရေ မြတ်စွာဘုရားကို အမဲသားနန့် နှစ်သိမ့်စီအပ်ပြီ၊ အဂယင့်လို့ သင်ရေ ငါ့အား သင်းပိုင်ကို လှူပါမူ ငါ့ကိုလဲ့ သင်းပိုင်နန့် နှစ်သိမ့်စီရားဖြိုက် ရာ၏ဟု (ပြောရေ)။
အသျှင်ဘုရား အကျနော်ရို့ မာတုဂါမရို့ဆိုစွာ လာဘ်လာဘ ယှားပါးကတ်ပါကုန်၏၊ ဒေသင်္ကန်းစွာလည်း အကျွန်ုပ်၏ နောက်ဆုံးငါးထည်မြောက် သင်္ကန်းပါတည်း၊ အကျွန်ုပ်စွာ မလှူနှိုင်ပါဟု (လျှောက်၏)။
နှမ ဥပိုင်အနိန်နန့် ယောက်ျားစွာ ဆင်ကို လှူ ပြီးပနာ ခါးဖွဲ့ကြိုး၌ ငြိကပ်ရာပိုင်၊ ဒေအတူပင်သင်ရေ မြတ်စွာဘုရားအား အမဲသားကို လှူပြီးပနာ ငါ့အား သင်းပိုင်ကို မလှူရက်ဟု (ပြောရေ)။
ယင်းခါ ဥပ္ပလဝဏ် ဘိက္ခုနီမစွာ အသျှင်ဥဒါယီ အားဒမ ပြောအပ်ရေဖြိုက်ပနာ သင်းပိုင်ကိုလှူပြီးကေ ဘိက္ခုနီမကျောင်းသို့ လားရေ၊ ဘိက္ခုနီမရို့စွာ ဥပ္ပလဝဏ်ဘိက္ခုနီမ၏ သပိတ်သင်္ကန်းကိုလှမ်းယူကြလျက် ဥပ္ပလဝဏ် ဘိက္ခုနီမကို "အသျှင်မ အသျှင်မ၏ သင်းပိုင်စွာ အဇာမာနည်း"ဟုဆိုကတ်ကုန်၏။
ဥပ္ပလဝဏ် ဘိက္ခုနီမစွာ ဘိက္ခုနီမရို့အား ဒေအကြောင်းကို ပြောကြား၏၊ ဘိက္ခုနီမရို့စွာ"အသျှင်ဥဒါယီစွာ ဘိက္ခုနီမ၏ သင်္ကန်းကို အဇာကြောင့် ခံယူဘိသနည်း မာတုဂါမစွာ လာဘ်ယှားပါး၏"ဟု သရော်ကုန်၏၊ ရှုတ်ချကုန်၏၊ အပြစ်ပြ ပြောဆိုကတ်ကုန်၏။
ယင်းခါ ထိုဘိက္ခုနီမရို့စွာ ရဟန်းရို့အား ဒေအကြောင်းကို လျှောက်ကတ်ကုန်၏၊ အလိုနည်းသောရဟန်းရို့စွာ "အသျှင်ဥဒါယီစွာ ဘိက္ခုနီမ၏ သင်္ကန်းကို အဇာကြောင့် ခံယူဘိသနည်း"ဟုသရော်ကုန်၏၊ ရှုတ်ချကုန်၏၊ အပြစ်ပြ ပြောဆိုကတ်ကုန်၏၊ ယင်းခါ ထိုရဟန်းရို့စွာ အသျှင်ဥဒါယီကိုအများကြီးသော အကြောင်းနန့် သရော်ပြစ်တင်ကတ်ပြီးကေ မြတ်စွာဘုရားအား ဒေအကြောင်းကို လျှောက်ကတ်ကုန်၏။ပ။
"ဥဒါယီ သင်ရေ ဘိက္ခုနီမ၏ သင်္ကန်းကို ခံယူရေဟူစွာ မှန်သလော"ဟု စိစစ် မီးမြန်းတော်မူ၏။
မှန်ပါရေ မြတ်စွာဘုရားဟု (လျှောက်၏)။
ဥဒါယီ သင်နန့် အမျိုးတော်သလော၊ ဆွီမျိုးမတော်စပ်သလောဟု (မေးတော်မူရာ)။
မြတ်စွာဘုရား ဆွီမျိုးမတော်စပ်ပါဟု (လျှောက်၏)။
(မဂ်ဖိုလ်မှ) အချည်းနှီးဖြိုက်ရေ ယောက်ျား ဆွီမျိုးမတော်စပ်သော ယောက်ျားစွာ ဆွီမျိုးမတော်စပ်သော မိမ၏ သင့်တင့်စွာကိုလိ့ကောင်း၊ မသင့်တင့်စွာကိုလိ့ကောင်း၊ ရှိစွာကိုလိ့ကောင်း၊ မဟိစွာကိုလိ့ကောင်း မသိနှိုင်၊ (မဂ်ဖိုလ်မှ) အချည်းနှီးဖြိုက်ရေ ယောက်ျား ထိုသင်ရေ ဆွီမျိုးမတော်စပ်သော ဘိက္ခုနီမ၏ လက်မှ သင်္ကန်းကို ခံယူဘိ၏၊ (မဂ်ဖိုလ်မှ) အချည်းနှီးဖြိုက်ရေ ယောက်ျား ဒေ (သင်ပြုမိသောအမှု) စွာ မကြည်ညိုသေးသော သူရို့အား ကြည်ညိုစီခြင်းငှါလိ့ကောင်း။ပ။
ရဟန်းရို့ ဒေပိုင်ဆိုကေ ဒေသိက္ခာပုဒ်တော်ကို ပြကတ်ကုန်လော့။
ပထမပညတ်သိက္ခာပုဒ်နန့် အနုပညတ်သိက္ခာပုဒ်
[တီးဖြတ်ပါ | အရင်းအမြစ်ကိုတီးဖြတ်ပါ]၅၀၉။ "အကြင် ရဟန်းစွာ ဆွီမျိုးမတော်စပ်သော ဘိက္ခုနီမ၏ လက်မှ သင်္ကန်းကိုခံယူငြားအံ့၊ (ထိုရဟန်းအား) နိဿဂ္ဂိပါစိတ်အာပတ် သင့်၏" ဧပိုင် (ပြကတ်ကုန်လော့ဟု မိန့်တော်မူ၏)။
ဒေပိုင်ဆိုကေ မြတ်စွာဘုရားစွာ ရဟန်းရို့အား ဒေသိက္ခာပုဒ်ကို ပညတ်တော်မူ၏။
၅၁၀။ ယင်းခါ ရဟန်းရို့စွာ တွီးတောမှု 'သံသယကုက္ကုစ္စ' ဖြိုက်ကတ်ပနာ ဘိက္ခုနီမရို့၏ ဖ'ဖလှယ်' သော သင်္ကန်းကို မခံယူကတ်ကုန်။
ဘိက္ခုနီမရို့စွာ "အဇာကြောင့် အသျှင်ရို့စွာ ငါရို့၏ ဖသော သင်္ကန်းကို မခံယူကုန်ဘိသနည်း"ဟု သရော်ကုန်၏၊ ရှုတ်ချကုန်၏၊ အပြစ်ပြ ပြောဆိုကတ်ကုန်၏။ ရဟန်းရို့စွာ သရော်ရှုတ်ချ အပြစ်ပြ ပြောဆိုကတ်သော ထိုဘိက္ခုနီမရို့၏ စကားကို ကြားကတ်ရေသာတည်း။
ယင်းခါ ထိုရဟန်းရို့စွာ မြတ်စွာဘုရားအား ဒေအကြောင်းကို လျှောက်ကတ်ကုန်၏၊ ယင်းခါမြတ်စွာဘုရားစွာ ဒေအကြောင်းအရာကြောင့် တရားစကားကို ဟောပြောတော်မူပြီးကေ ရဟန်းရို့ကို"ရဟန်းရို့ ရဟန်း၊ ဘိက္ခုနီမ၊ သိက္ခမာန် မောင်သျှင်၊ မောင်သျှင်မဆိုရေ ဒေသီတင်းသုံးဖေါ် ငါးဦးရို့၏ဖသော သင်္ကန်းကို ခံယူခြင်းငှါ ခွင့်ပြုရေ"ဟု မိန့်တော်မူ၏။
ရဟန်းရို့ ဒေပိုင်ဆိုကေ ဒေသိက္ခာပုဒ်တော်ကို ပြကတ်ကုန်လော့။
၅၁၁။ "အကြင် ရဟန်းစွာ ဆွီမျိုးမတော်စပ်သော ဘိက္ခုနီမ၏ လက်မှ သင်္ကန်းကိုဖစွာမှ တပါး ခံယူငြားအံ့၊ (ထိုရဟန်းအား) နိဿဂ္ဂိ ပါစိတ်အာပတ် သင့်၏" ဧပိုင် (ပြကတ်ကုန်လော့ဟု မိန့်တော်မူ၏)။
သိက္ခာပုဒ်အဖွင့်
[တီးဖြတ်ပါ | အရင်းအမြစ်ကိုတီးဖြတ်ပါ]၅၁၂။ အကြင်ဟူစွာ အကြင်သို့ သဘောဟိရေ။ပ။
ရဟန်းဆိုရေ။ပ။ ဒေအရာမာ ဒေဉတ္တိစတုတ္ထကံနန့် ရဟန်းအဖြိုက်သို့ ရောက်သူကို "ရဟန်း"ဟုအလိုရှိအပ်၏။
ဆွီမျိုးမတော်စပ်သော ဆိုစွာ အမိဘက်မှသော်လိ့ကောင်း၊ အဖဘက်မှသော်လိ့ကောင်းခုနစ်ဆက်မြောက် ဘိုးဘေးအစုံထိတောင် မဆက်စပ်သော။
ဘိက္ခုနီမ ဆိုစွာ ဥဘတောသံဃာ၌ ပဉ္စင်းဖြိုက်ရေ မိမတည်း။
သင်္ကန်း ဆိုစွာ ခြီာက်မျိုးသော သင်္ကန်းရို့တွင် အယုတ်ဆုံးအနိန်နန့် ဝိကပ္ပနာလောက်သော သင်္ကန်းတစ်မျိုးမျိုးတည်း။
ဖစွာကလွဲကေဟူစွာ ဖခြင်းကို ထားပနာ။
ခံယူအံ့၊ အားထုတ်မှု ပယောဂကြောင့် ဒုက္ကဋ် (အာပတ်သင့်၏)။ ရခြင်းကြောင့် စွန့်ခြင်း (ဝိနည်းကံ) ဟိ၏။ သံဃာအားသော်လိ့ကောင်း၊ ဂိုဏ်းအားသော်လိ့ကောင်း၊ ပုဂ္ဂိုလ်အားသော်လိ့ကောင်းစွန့်ရဖို့။
ရဟန်းရို့ ဧပိုင် စွန့်ရဖို့။ပ။
"အသျှင်ဘုရားရို့ အကျွန်ုပ်၏ ဒေသင်္ကန်းစွာ ဆွီမျိုးမတော်စပ်သော ဘိက္ခုနီမ၏ လက်မှဖစွာကလွဲကေ ခံယူအပ်အနိန်နန့် စွန့်ခြင်း (ဝိနည်းကံ) ဟိပါရေ၊ အကျွန်ုပ်စွာ ဒေ သင်္ကန်းကိုသံဃာအား စွန့်ပါ၏"ဟု။ပ။ ပီးရာ၏ဟု။ပ။ ပီးကုန်ရာ၏ဟု။ပ။ အသျှင့်အား ပီး ပါ၏ဟု (ပီးရဖို့)။
၅၁၃။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ခြင်းဟိပြီးကေ ဖစွာကလွဲကေ သင်္ကန်းကို ခံယူအံ့၊ နိဿဂ္ဂိပါစိတ်အာပတ် သင့်၏၊ ဆွီမျိုးမတော်စပ်သော ဘိက္ခုနီမ၌ ယုံမှားဟိပြီးကေ ဖစွာကလွဲကေ သင်္ကန်းကို ခံယူအံ့၊ နိဿဂ္ဂိပါစိတ်အာပတ် သင့်၏၊ ဆွီမျိုးမတော်စပ်သောဘိက္ခုနီမ၌ ဆွီမျိုး တော်စပ်ရေဟု ထင်မှတ်ခြင်းဟိပြီးကေ ဖစွာကလွဲကေ သင်္ကန်းကို ခံယူအံ့၊ နိဿဂ္ဂိပါစိတ်အာပတ် သင့်၏၊ တစ်ဖက် (ဘိက္ခုနီသံဃာ) ၌ ပဉ္စင်းဖြိုက်ရေ ဘိက္ခုနီမ၏လက်မှ ဖစွာကလွဲကေ သင်္ကန်းကို ခံယူအံ့၊ ဒုက္ကဋ်အာပတ် သင့်၏၊ အမျိုးတော်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ခြင်းရှိအံ့၊ ဒုက္ကဋ်အာပတ် သင့်၏၊ အမျိုးတော်သော ဘိက္ခုနီမ၌ ယုံမှားရှိအံ့၊ ဒုက္ကဋ်အာပတ် သင့်၏၊ အမျိုးတော်သော ဘိက္ခုနီမ၌ အမျိုးတော်ရေလို့ ထင်မှတ်ခြင်းရှိအံ့၊ အာပတ် မသင့်။
၅၁၄။ အမျိုးတော်သော ဘိက္ခုနီမ၌ အာပတ် မသင့်၊ ဝါကြီး စိကေသျှေ ထိုက်တန်သော ဝထုနန့်ဝါကြီးအတိကြီး ထိုက်တန်သော ဝထုကိုသော်လိ့ကောင်း၊ ဝါကြီးအတိကြီး ထိုက်တန်သော ဝထုနန့်အဖိုးစိကေသျှေ ထိုက်တန်သော ဝထုကိုသော်လိ့ကောင်း ဖအံ့၊ အာပတ် မသင့်၊ ရဟန်းစွာ အကျွမ်းဝင်အနိန်နန့် ခံယူအံ့၊ အခိုက်အတန့်ယူအံ့၊ သင်္ကန်းကလွဲကေ အခြားပရိက္ခရာကို ခံယူအံ့၊ အာပတ်မသင့်။ သိက္ခမာန်၏ မောင်သျှင်မ၏ (သင်္ကန်းကို ခံယူအံ့၊ အာပတ် မသင့်) ရူးသောရဟန်း အစလက်ဦးလွန်ကျူးသော ရဟန်းအား အာပတ် မသင့်။
ပဉ္စမ စီဝရပဋိဂ္ဂဟဏသိက္ခာပုဒ် ပြီး၏။