ဆရာတော်ဦးဥတ္တမရက်စွဲမှတ်တမ်း

ဆရာတော်ဦးဥတ္တမ

1879

• ၁၈၇၉ ခု၊ ဒီဇင်ဘာလ (၂၈) ရက်၊ (၁၂၄၁ ခု ပြာသိုလပြည့် ကျော် ၂ ရက်) တနင်္ဂနွီနိမာ ဖွားမြင်ခရေ။

1884

• ၁၈၈၄-ကျောင်းစတင်အပ်နှံသည်(ငါးနှစ်သား)

1885

• ၁၈၈၅-အစိုးရအဂ်လိပ်ကျောင်းတက်ဖို့ ပူဆာလို့ မရတွက်နန့် အိမ်ကထွက်ဗြီးကတ်ရေ၊ ယင့်တွက်တာကြောင့် အဂ်လိပ်ကျောင်းကို တတိယတန်းက တက်ခွင့်ရခရေ
• ၁၈၈၇-အိန္ဒိယကာလကတ္တားက အဂ်လိပ်ခရစ်ယာန်ဘုန်းတော်ကြီးစွာ မွီးဇပ်ရန် တောင်းခံလာရေ
• ၁၈၈၇-အိန္ဒိယသို့ လိုက်ဖို့ရာ တောင်းဆိုနီရေအတွက် မိဘတိက စိတ်မချရာတွက်နန့် ကျောင်းထုတ်ပစ်ခရေ

1907

• ၁၉၀၇ ခုနှစ်၊ ဖေဖော်ဝါရီလ (၄) ရက်နိမာ ဂျပန်နိုင်ငံသို့ လားရောက်ပညာဆည်းပူးရန် ရန်ကုန်မြို့က စင်ကာပူသို့ သင်္ဘောဖြင့် ထွက်ခရေ။
• ၁၉၀၇ ခုနှစ် မတ်လ (၇)ရက်နိမာ ဂျပန်နိုင်ငံ ယိုကိုဟားမားမြို့သို့ ရောက်ရေ။

1888

• 1888-အင်္ဂလိပ်စာ သင်ကြား လိုတွက်နန့် မိဘတိကို ပူဆာကတ်ရာ မရတွက်နန့် အိမ်က ထွက်ဗြီးခကတ်ရေ။

1895

• ၁၈၉၅ -မိဘတိက မောင်သျှင်ဝတ်ပီးအတွက်နန့် သျှင်ဥတ္တမဟု တွင်ရေ။

1898

• ၁၈၉၈-ဦးဥတ္တမကို ဆွေမျိုးတော်သူ ဘုံဘေဘားမား ကိုယ်စားလှယ် ဦးထွန်းအောင်ကျော်က ပဉ္ဇင်းဒါယကာပြုပနာ ရဟန်းခံ ပီးရေ။

1900

• ၁၉၀၀-ခုနှစ်မာ ဆရာတော်ဦးဥတ္တမဂျပန်ကို ရောက်ရေ။

1904

• ၁၉၀၄-ဝ၅ ခုနှစ်မာ နိုင်ငံအရွယ်အစားသေးငယ်၊ သမိုင်းမှာလည်း မထင်ရှား၊ ကိုယ်ခန္ခာအရွယ်အစားလည်း သေးငယ်ရေ ဂျပန်က အင်အားကြီးမားရေ ရုရှားကို အနိုင်ရလိုက်ခြင်းကို ဆရာတော်အနိန်နန့် အထူးစိတ်ဝင်စားခရေ။

1906

• ၁၉၀၆-ခုနှစ်ဂျပန်ကို ရောက်ဟိနီရေ တရုတ်တော်လှန်ရီးခေါင်းဆောင် ဒေါက်တာ ဆွန်ပက်ဆန်နန့် တွိ့ဆုံပြီး တရုတ်ပြည်လွတ်မြောက်ရီးကို ဆွီးနွီးခရေ။

1907

• ၁၉၀၇- နှစ်တွင်ဗမာပြည်သို့ ပြန်လာပြီးကေ ရန်ကုန်က စင်္ကာပူ၊ ယင့်ကတဆင့် ဂျပန်သို့ ကြွရောက်ခပြီးကေ ဂျပန်ဘာသာစကားကို တစ်နှစ်ခန့် သင်ယူခရေ။
• ၁၉၀၇-ခုနှစ် ၊ ဇန်နဝါရီလ-၁ရက်မာ ဂျပန်နိုင်ငံသို့ ထွက်ခွာလားရေ။ ဂျပန်နိုင်ငံမာ အနောက် ဟွန်ဂွန်ဂျီ ဘုရားကျောင်းအကြီးအမှုူး(Abbot of Western Hongonji Temple) မင်းသားကြီး ကိုဇင်အိုတာရီနန့်အတူ နီပြီးကေ ကစ်စတိုမြို့ဟိ နိရှိဟွန်မွန်ဂျီ အမည်ဟိ ဗုဒ္ဓဘာသာတက္ကသိုလ်မာ ပါဠိပါမောက္ခအဖြစ် ဆောင်ရွက်ခရေ။

1909

• ၁၉၀၉ ခုနှစ်တွင် ဆရာတော်စွာ ဒေါက်တာဆွန်ယက်ဆင်၏ ပင့်လျှောက်မှုကြောင့် တိုကျိုတက္ကသိုလ်က ခွင့်သုံးလယူကာ တရုတ်နိုင်ငံသို့ လိုက်ပါလားခ ရေ။

1910

• ၁၉၁၀- မြန်မာပြည်သို့အပြန်မာ ကိုရီးယား၊ မန်ချူးရီးယားပြည်၊ ရို့အာသာမြို့၊ တရုတ်ပြည်၊ အာနမ်ပြည် (ကမ္ဘောဒီးယား)၊ ထိုင်း၊ သီဟိုဠ်ကျွန်း (သီရိလင်္ကာ)၊ အိန္ဒိယနိုင်ငံရို့ကို ခရီးဆက်ပြီး လေ့လာခရေ။
• ၁၉၁၀-အင်ဒိုချိုင်းနားဆီးရုံမှာ မြင်ကွင်းမင်းသားကြီးနန့် တွိ့ဆုံခပြီး အိန္ဒိယနိုင်ငံသို့ လားရောက်ကာ သီပေါမင်းနန့် တွိ့ဆုံဖို့ ကြိုးစားခရေ။

1911

• ၁၉၁၁ ခုနှစ်မာ ရန်ကုန်မြို့သို့ ပြန်ပနာ ဆိုက်ရောက်တော်မူရေ။
• ၁၉၁၁ -ခုနှစ်တွင် မြန်မာပြည်သို့ရောက်ဟိရေ။ မြန်မာနိုင်ငံသို့ ပြန်ကြွပြီးနောက် ဆရာတော် ဦးဥတ္တမစွာ ခရီးလှည့်ကာ ဝံသာနုရက္ခိတ ခေါ် အမျိုးဂုဏ်စောင့်ထိန်းရီး၊ တိုင်းပြည်ချစ်စိတ်အကြောင်း ဟောပြောကာ “ဝံသာနု” အသင်းတိ တတိုင်းပြည်လုံးအနှံ့ ဦးဆောင်စည်းရုံး ဖွဲ့စည်းခရေ။
• ၁၉၁၁ ခုနှစ်မှ အစပြုပနာ ကလောင်ကိုကိုင်ပြီးကေ တရားဟောစင်မြင့်ပေါ်တက်ပနာ မြို့ပြကနိန် ကျေးစွန်ရွာဖျားအထိ မြန်မာ့လွတ်လပ်ရီး ကိုလိုနီဆန့်ကျင်ရီးအတွက် စည်းရုံးလှုံ့ဆော်ခရေ။
• ၁၉၁၁-ခုနှစ်တွင် ရန်ကုန်သို့ ပြန်ရောက်ပြီးကေ YMBA (ခေါ် )ဗုဒ္ဓဘာသာကလျာဏယုဝအသင်းတွင် စိတ်အားထက်သန်စွာ ဝင်ရောက် ကူညီလုပ်ဆောင်ခရာ အစိုးရစုံထောက်တိက တကောက်ကောက်လိုက်ကတ်လီရေ။

1912

• ၁၉၁၂- ခုနှစ် ဆရာတော် ဦးဥတ္တမစွာ မြန်မာပြည်အနှံ့ အတော်အသင့် နိုင်ငံရီးတရားတိ ဟောပြောတော်မူ ခပြီးနောက်မာ ဂျပန်ပြည်သို့ နောက်တစ်ခေါက်ပြန်ကြွလားပြန်ရေ။
• ၁၉၁၂-ခုနှစ်တွင် ဂျပန်ပြည်သို့ ဒုတိယအကြိမ် ပြန်ပနာ ကြွချီရေ။ ယင့်ခရီးမာ ညီမရင်းဖြစ်သူ မအိမ်စိုးနန့် လူငယ်သုံးဦးကို ဂျပန်တွင်ပညာသင်ရန် ခေါ်ဆောင်လားခရေ။
• ၁၉၁၂ -ခု မေလမာ ဂျပန်ပြည်မှ မြန်မာပြည်သို့ ဂျပန်ပြည်တိုးတက်ပြောင်းလဲမူနန့် နီထိုင်မူပုံစံစရိုက်အကြောင်း စာသုံးစောင်ပေးပို့ခရေ။

1914

• ၁၉၁၄ခုနှစ်မာ တတိယအကြိမ်အဖြစ် ဂျပန်ပြည်သို့ လားရောက်ခပြန်ရေ။
• ၁၉၁၄ -ဂျပန်ပြည်အတ္ထုပတ္တိ စာအုပ်ကို ထုတ်ဝီဖြန့်ချီ ခရေ။
• ၁၉၁၄-သူရိယခေါင်းစီးပိုင်းမာ ဝံသာနုရက္ခိတတရား မြန်မာတိ စောင့်စည်းရီး ဆောင်းပါးတိကို ရီးသားခရေ။

1917

• ၁၉၁၇ ခုနှစ်မာ မြန်မာပြည်သို့ ပြန်လာပြီးကေ ယင့်နှစ် ဖေဖော်ဝါရီလ (၄) ရက်နိ ရန်ကုန်က စင်ကာပူမြို့သို့ သင်္ဘောစီးပနာ ထွက်ခွာရေ။

1919

• ၁၉၁၉ -ဦးဥတ္တမစွာ တက္ကသိုလ်က ခွင့်သုံးလယူပြီးကေ ဒေါက်တာဆွန်ယက်ဆင်နန့်အတူ ဂျပန်က ကိုးရီးယား၊ ကိုရီးယားက ဆိုက်ပန်၊ ဆိုက်ပန်က မန်ချူးကိုး၊ မန်ချူးကိုးက ကျိဖု၊ ကျိဖုက ရှန်ဟိုင်း၊ ရှန်ဟိုင်းက အမွိုင်မြို့ အသီးသီးသို့ ခရီးလှည့်လည် လားလာခလီရေ။
• ၁၉၁၉ ခုနှစ် မာ ဂျပန်က ပြန်လာရေအခါ ဆရာတော်စွာ သူရိယသတင်းစာမာ ခေါင်းကြီးပိုင်းမာလည်းကောင်း၊ ဝံသာနုရက္ခိတတရားကို မြန်မာတိစောင့်စည်းရီး ဆောင်းပါးတိကိုလည်းကောင်း ရီးသားရေ။
• ၁၉၁၉- ခုနှစ်တွင် ဗမာပြည်သို့ ပြန်ပနာကြွရောက်လှုာပီး သူရိယသတင်းစာတိုက်မာ သီတင်းသုံးကာ “ဂျပန်ပြည်အကြောင်း” စာအုပ်တစ်အုပ် ရီးသားထုတ်ဝီခရေ။

1920

• ၁၉၂၀-ခုနှစ်မာ ယင့်ခါက မြန်မာပြည် ဘုရင်ခံဆာရယ်ဂျီနယ်ကရက်ဒေါက် မြန်မာပြည်က ထွက်လားလိုက်ပါဆိုရေ စာတစ်စောင်ကို ရီးသားပီးပို့လိုက်ရေ။
• ၁၉၂ဝ- ပြည့်နှစ်၊ ဒီဇင်ဘာလမာ ဦးဥတ္တမ နိုင်ငံရီး မျိုးစေ့ချပီး ခရေ အဟုန်ကြောင့် တက္ကသိုလ်ကျောင်း သားတိ သပိတ်စတင်မှောက်ကတ်ရေ။ ဆရာတော် ဦးဥတ္တမစွာ ရန်ကုန်တက္ကသိုလ် ကျောင်းသားတိ သပိတ်မှောက်ကြောင်းကို ကြားသိစွာနန့် တစ်ပြိုင်နက် မီရာ သင်္ဘောနန့် ကာလကတ္တားမြို့က ရန်ကုန်မြို့သို့ ကြွရောက်လာခလီရေ။
• ၁၉၂၀- မတ်လ (၂၃) ရက်နိက ဖျာပုံခရိုင်၊ ဒေးဒရဲမြို့နယ်၊ ဆူးကလပ်ကျေးရွာမာ “လိပ် အခွံခွါမေ” ဆိုရေခေါင်းစဉ်နန့် တရားဟောပြောအတွက်နန့် အလုပ်ကြမ်းနန့် ထောင်ဒဏ် (၁၂) လ အပြစ်ပီးခံရရေ။

1921

• ၁၉၂၁ -အာရောဂျံ ဒီပနီ စာအုပ်ကိုထုတ်ဝီဖြန့်ချီခရေ။
• ၁၉၂၁ -"ဂျပန်ပြည် ယောကျာ်း၊ မိန်းမများ" စာအုပ်ကိုထုတ်ဝီဖြန့်ချီခရေ။
• ၁၉၂၁-ခုနှစ်မာ ဒေးဒရဲမြို့နယ် ၊ ဆူးကလပ်နန့် တမာတကောကျေးရွာရို့မာ ဦးဥတ္တမဟောပြောခရေ နိုင်ငံရီးတရားတိစွာ ဥပဒေကို ချိုးဖောက်ရေလို့ ဆိုကာ အိန္ဒိယရာဇသတ်ကြီး ပုဒ်မ-၁၂၄(က)နန့် ၁၅၃(က) ရို့နန့် ဖမ်းဆီးပြီး မအူပင်ခရိုင်တရား ရုံးမာ အမှုစစ်ပြီး ထောင်ဒဏ်(၁)နှစ်နန့် (၈)လအလုပ်မဲ့ ထောင်ဒဏ် ချမှတ်ခြင်းခံရရေ။
• ၁၉၂၁ ခုနှစ် ဇူလိုင် (၁) ရက် (၂) ရက်မာ ဆရာတော်၏ ဝါယမစိုက်ထုတ်မှုကြောင့် သံဃာ့သမဂ္ဂီ အဖွဲ့ ပေါင်း (၃၀) ကျော်က ကိုယ်စားလှယ်တိ အစည်းအဝေးကို ရန်ကုန်မြို့မာ ကျင်းပနိုင်ခရေ။
• ၁၉၂၁- ခု မတ်လ (၃၁) ရက်နိမာ အစိုးရအား အကြည်ညိုပျက်အောင် တရားဟောပြောမှုလို့ ဆိုကာ ရာဇသတ်ကြီး ဥပဒေပုဒ်မ ၁၂၄ (က) အရ ဖျာပုံခရိုင်၊ ဒေးဒရဲမြို့နယ်၊ ကျောင်းကုန်းမြို့မာ ဖမ်းဆီးခံရလီရေ။

1922

• ၁၉၂၂ ခု ဇွန်လ (၂၆) ရက်နိ မအူပင်ထောင်က ပြန်ပနာလွတ်မြောက်လာခရေ။
• ၁၉၂၂ ဇူလိုင်လ (၂) ရက်နိ- ဂျူဗလီဟောမာ ထောင်က လွတ်မြောက်လာရေ ဆရာတော်ကို ကန်တော့ပွဲသဘင်ကျင်းပရာ လူတစ်သောင်းမက စည်ကားခရေ။ ယင်းပွဲမာ လယ်တီပဏ္ဍိတဆရာဦးမောင်ကြီးက ဆရာတော်အားဘုန်းတော်ဘွဲ့ မင်္ဂလာရတုနန့် ပူဇော်ခရေ။
• ၁၉၂၂ ဇူလိုင် (၁၅) (၁၆) ဂျူဗလီဟောအစည်းအဝီးမာ ဆရာတော် ဦးဥတ္တမက “ဒိုင်အာခီအုပ်ချုပ်ရီးစနစ်စွာ ဗျူရိုကရေစီအုပ်ချုပ်ရီး ဖြစ်တွက်နန့် ပြည်သူကို မတိုင်ပင်ဘဲ ဗျူရိုကရက်ရို့က စီမံအုပ်ချုပ်ရေ စနစ်ဖြစ်ရေလို့ ထောက်ပြခရေ။
• ၁၉၂၂-အိန္ဒိယပြည် ဂယာမြို့မာ ကျင့်ပရေ ကွန်ကရက်အသင်းကြီး၏ ညီလာခံသို့ တက်ရောက်ခရေ။

1923

• ၁၉၂၃ ဇူလိုင်လက စက်တင်ဘာလထိ ဉရောပနိုင်ငံတိ သို့ လှည့်လည်ပြီးကေ နိုင်ငံတကာဗဟုသုတ ယှာဖွီခရေ။
• ၁၉၂၃-ခုနှစ် ဇွန်လဆန်းက စတင်ပနာ အင်္ဂလန် ၊ ယင်းကတဆင့် ပြင်သစ် ၊ စပိန် ၊ ဆွစ်ဇာလန် ၊ ဆွီဒင် ၊ ပေါ်တူဂီ ၊ နော်ဝေးစရေ ဥရောပတိုက်ဟိ နိုင်ငံတိကို လှည့်လည်ပြီး နိုင်ငံရီး လှုပ်ရှားမှု တိကို လိ့လာခရေ။

1924

• ၁၉၂၄ -"ဟုမ်းမရူးဒီပနီ" စာအုပ်ကို ထုတ်ဝီ ဖြန့်ချီ ခရေ။
• ၁၉၂၄-သြဂုတ်လ(၁၅)ရက်နိမာ ဂျီစီဘီအေမှ ပင့်လျောက်တွက်နန့် မန္တလေးသို့ကြွရာ အဓိကရုန်း ဖြစ်ပွားသိအတွက် ရန်ကုန်သို့ ပြန်ပို့ခံရရေ။
• ၁၉၂၄-စက်တင်ဘာ(၂၀)မာ မန္တလေးအဓိကရုဏ်းကြောင့် တပည့်တကာတိ သံဃာတိ အဖမ်းခံရကြောင်း သိရရေအခါ ရန်ကုန်မြို့၊ လမ်းမတော်ရပ် ဘုန်းကြီးလမ်းနန့် ကျုံးကြီးလမ်းဒေါင့်ဟိ ရာဖီရှပ်သျှင် နန်းတော်ရုံမာ အစိုးရဆန့်ကျင်ရီး တရားဟောခရေ။
• ၁၉၂၄ ခု အောက်တိုဘာလ (၁၆) ရက်နိမာ ရာဇသတ်ပုဒ်မ ၁၂၄ (က) နန့် အလုပ်ကြမ်းနန့် ထောင်ဒဏ် (၃) နှစ် ထပ်မံအပြစ်ပီးခံရကာ ဒုတိယအကြိမ် အကျဉ်းကျခဲ့ပြန်ရေ။
• ၁၉၂၄ ခုနှစ်မာ ဒုတိယအကြိမ် ရန်ကုန်မြို့မာ ထောင်ဒဏ် ၃ နှစ် အပြစ်ပေးခံခရရေအခါ ဖိုက်စကွဲယားပန်းခြံ (ဗန္ဓုလပန်းခြံ)မာ သွီးမြီကျ လူထုဆန္ဒပြပွဲ ဖြစ်ပွားခပြီးကေ ယင်းမှ အစပြုပနာ ကိုလိုနီနယ်ချဲ့ ဆန့်ကျင်ရီး စိတ်ဓာတ်တိ လွှမ်းမိုးပြန့်ပွား လားကတ်ပြန်ရေ။

1925

• ၁၉၂၅- ဥရောပခရီးစဉ် အခန်းဆက်ဆောင်းပါး ကိုထုတ်ဝီဖြန့်ချီခရေ။

1927

• ၁၉၂၇- ဖေဖော်ဝါရီလမာ အကျဉ်းက ပြန်ပနာ လွတ်မြောက်လာပြန်ရေ။
• ၁၉၂၇- မတ်လ (၂၀)ရက်နိမာ ပြန်ပနာ လွတ်မြောက်လာရေအခါ ပဲခူးနယ်မာ ကျင်းပရေ သံဃာ-သဝါဒခံ ဉီးစိုးသိမ်း၏ (၁၄) ကြိမ်မြောက် မြန်မာအသင်းချုပ်အစည်း အဝေးသို့ တက်ရောက်ပြီးကေ တရားဟောစင်မြင့်ထက်ကနီပနာ သင်္ကန်းကိုလှန်ကာ အကျဉ်းသားဝတ်စုံနန့် ၎င်း၏ရုပ်သွင်ကို ပရိသတ်အား (၅) မိနစ်ခန့်ပြသခရေ။
• ၁၉၂၇ -ဒိန်းဒလိန်းနတ် စာအုပ်ကိုထုတ်ဝီဖြန့်ချီခရေ။

1928

• ၁၉၂၈ -တရုတ်ပြည်ခရီးစဉ်ဆောင်းပါး ကိုထုတ်ဝီဖြန့်ချီခရေ။
• ၁၉၂၈ ခုနှစ်တွင် တတိယအကြိမ် အဖမ်းခံရပြန်ရေ။
• ၁၉၂၈-ဒီဇင်ဘာလ(၂၆)ရက်နိ တရုတ်ကူမန်တန်ခေါင်ဆောင်၏ ဖိတ်ကြားချက်အရ တရုတ်ပြည်သို့ ကြွရောက်ခရေ။

1929

• ၁၉၂၉-မတ်လ(၂၈)နန်ကင်းမာ ကွယ်လွန်ရေ တရုတ်အမျိုးသားခေါင်းဆောင် ဒေါက်တာဆွန်ယက်ဆင်အတွက် အိန္ဒိယ အမျိုးသားလွတ်တော် ကိုယ်စားလှယ်အနိန်နန့် လွမ်းသူ့ပန်းခွီ ချခရေ။
• ၁၉၂၉-စက်တင်ဘာလ (၁၀)ရက်နိမာ ဆရာတော်ဦးဥတ္တမ၏ သာသနာ့အာဇာနည် အသျှင်ဝိစာရစွာ ထောင်တွင်(၁၆၆)ရက်အစာငတ်ခံပနာ ပျံလွန်တော်မူရေ။

1930

• ၁၉၃၀-စစ်တွေဝင်္ဂဘာကွင်းမာ ဆရာတော် နိုင်ငံရီးတရားဟောရေ။
• ၁၉၃၀-တွင်အိန္ဒိယနိုင်ငံလုံးဆိုင်ရာ ကွန်ကရက်ပါတီ ကွန့်ဖရင့်သို့ ဘုရားဖူးခရီးသည် ၂၀နန့်အတူ ကြွခလီရေ။

1931

• ၁၉၃၁-မေလ-၂ရက်နိ Lalibuhai Samaldas, Anandrao L. Nair, M. R. Jayakar, unnamed servant, Madgaonkar, C. A. Muehhala, K. A. Padhye, Prof. Phadines ရို့နန့်တွိ့ဆုံခရေ။

1935

• ၁၉၃၅ ခုနှစ်မာ မြန်မာနိုင်ငံကို အိန္ဒိယ နိုင်ငံနန့်ခွဲကာ ၉၁ ဋ္ဌာန အုပ်ချုပ်ရီးပီးချိန်လည်းဖြစ်ရေ။
• ၁၉၃၅-မြန်မာနန့်အိန္ဒိယကိုခွဲကာ ၉၁ဌာနအုပ်ချုပ်ရီးကြောင့် အကွဲအပြဲဖြစ်လာတွက်နန့် လေးစားကြည်ညိုသူတိက ဆရာတော်ကို အမျိုးမျိုးစွပ်စွဲလာခကတ်ရေ။
• ၁၉၃၅-နိုဝင်ဘာ(၁၁)ရက်တွင် ရန်ကုန်မြို့ ဂျူဗလီဟောမာ ပြည်လုံးကျွတ် အစည်းအဝီးကျင့်ပရာ ဆရာတော်က ဥက္ကဌအဖြစ်ဆောင်ရွက်ပြီး တရားဟောခရေ။

1936

• ၁၉၃၆ ခု၊ နိုင်ဝင်ဘာလမာ မြန်မာပြည်ကို အိန္ဒိယပြည်က ခွဲထွက်ပြီးကေ အထွီထွီရွီးကောက်ပွဲ ကျင်းပဖို့ စီစဉ်နီကတ်ရေ။
• ၁၉၃၆- နိုဝင်ဘာလမာ ရွီးကောက်ပွဲကျင်းပရာ ငါးပွင့်ဆိုင်အဖွဲ့၏ ပင့်ဖိတ်ချက်အရ ဆရာတော်စွာ အမြို့အမြို့အနယ်နယ် လှည့်လည်ပနာ တရားဟောကြားခဲ့ရရေ။

1937

• ၁၉၃၇ -ဘုန်းဘုန်းကိုယ်တွိ့ ဘုံဓလေ့ စာအုပ်ကို ထုတ်ဝီဖြန့်ချီခရေ။

1938

• ၁၉၃၈-ခုနှစ်တွင်ဆရာတော်စွာ တရုပ် နန့် ဂျပန် အမည်ဟိ စာအုပ်ကို ထုတ်ဝီဖြန့်ချီခရေ။
• ၁၉၃၈ -တရုတ်နန့် ဂျပန်စာအုပ်ကို ခုနှစ်မာ စတုတ္ထအကြိမ် ပုံနှိပ်ခရေ။

1939

• ၁၉၃၉ ဆရာတော်၏ဩဇာ အရှိန်အဝါနန့် ငါးပွင့်ဆိုင်အဖွဲ့စွာ အမတ် ဦးရေ ၄၆ နီရာနန့် အနိုင်ရဟိခရေ။ ယကေလေ့ ဘုရားပြီးငြမ်းဖျက်ပိုင် ဆရာတော်အား စွန့်ပစ်လိုက်ကတ်ရေ။
• ၁၉၃၉- သြဂုတ်လ တစ်ရက်မာ သိမ်ဖြူလမ်းနန့် ဗိုလ်ချုပ်လမ်းထောင့်မာ မိုးသည်းထဲမာ သတိလစ် မိမြောလားခရေ။
• ၁၉၃၉-သြဂုတ်လ(၇)ရက်နိမာ ရန်ကုန်မြို့ ရခိုင်ကျောင်းသားရဟန်းတော်များ စွာ ၄ကြိမ်မြောက်အစည်းအဝီးက ဆရာတော်အား စောင့်ရှောက်ဖို့ ဆုံးဖြတ်ကတ်ရေ။
• ၁၉၃၉-သြဂုတ်လ၂၅ရက်နိမာ သူရိယဦးဘကလေး၊ မြို့တော်ဝန်ဦးဘဝင်း၊ ကပ္ပတိန် ဘဖူး ရို့ ဆီးရုံလာတွိ့ ကတ်ရေ။
• ၁၉၃၉-သြဂုတ်လ၂၇ရက်နိမာ ဦးဘကလေး အကူအညီနန့် ကုသိုလ်ခန်းက အထူးခန်း၁၃ ကုတင်နံပါတ်၁၁-သို့ပြောင်းရွိ့ရေ။
• ၁၉၃၉ ခု၊ စက်တင်ဘာလ ၉ ရက်(စနီနိသို့ အဝင် ညဉ့်သန်းခေါင်ကျော် ၁ နာရီ ၃၅ မိနစ်အချိန်) မာ သက်တော် ၆ဝ အရွယ်မာ ပျံလွန်တော်မူရေ။ ပျံလွန်တော်မူစဉ်က ဆရာတော်၏ သက်တော်မာ (၆၀) နှစ် ဟိပြီးကေ သိက္ခာတော်မှာ (၄၁) ဝါ ဟိရာ ဖြစ်ရေ။(ပျံလွန်တော်မူရေ အခါကပင် ယိုကိုဟာမာစပိစိဘဏ်တိုက်မာ သူ့ပိုင်ရံပုံငွေ ယန်း- ၂၀၀၀၀ ဟိရေ။

ယင့်အခါက ဗမာဖေသာ (၂၅၀၀၀) မျှ တန်သိမ့်ရေ)

• ၁၉၃၉ ခု၊ စက်တင်ဘာ (၁၁) ရက်နိမာ ဆရာတော်ရုပ်ကလာပ်ကို ရွှေတိဂုံခြီရင်းသို့ ပို့ဆောင်ရေ။
• ၁၉၃၉ ခု၊ စက်တင်ဘာ (၁၁) ရက်နိမာ ရန်ကုန်မြို့တော်ဝန် ဦးဘ ဦးစီးပနာ ဆရာတော်၏ အန္တိမဈာပနကို စည်ကားစွာ ကျင်းပခလီရေ။
• ၁၉၃၉ ခုနှစ် စက်တင်ဘာလ (၁၁)ရက်၊ တနင်္လာနိမာ ကျင်းပရေ အောက်လွှတ်တော်အစည်းအဝေးမာ မင်းတိုင်ပင်အမတ်တိက ဆရာတော်ဦးဥတ္တမ ပျံလွန်တော်မူခြင်းအတွက် ဝမ်းနည်းကြောင်းနန့် ကျန်ရစ်သူ မိသားစုထံ ဝမ်းနည်းသဝဏ်လွှာပို့ရန်၊ ဝမ်းနည်းခြင်းအထိမ်းအမှတ်အဖြစ် လွှတ်တော်ကို ငါးမိနစ်ရွိ့ဆိုင်းရန် အဆိုကို ဟံသာဝတီမြီ၏ မင်းတိုင်ပင်အမတ် ဦးသင်းမောင်က တင်သွင်းပြီးကေ လွှတ်တော်တက်ရောက်သူ မင်းတိုင်ပင် အမတ်အားလုံးက တညီတညွှတ်တည်း အတည်ပြုကတ်ရေ။

1940

• ၁၉၄၀ ခု၊ မတ်လ ၂၂ ရက်၊ တပေါင်းလပြည့်နိမာ ဆရာတော်၏ နောက်ဆုံးခရီး အန္တိမ ဈာပနကို ရွှေတိဂုံခြီတော်ရင်းမာ စည်ကားသိုက်မြိုက်စွာနန့်ပင် သဂြိုဟ်ခကတ်လီရေ။

1947

• ၁၉၄၇ ခု စက်တာဘာ (၉) ရက်နိမာ -စစ်တွေမြို့ဟိ သမဂ္ဂအဖွဲ့က ဦးစီးကာ အခမ်းအနားတရပ်ကို ရွှေတိဂုံခြီရင်းဟိ ပုလိပ်သမဂ္ဂ အဆောက်အအုံမာ ကျင်းပခကတ်ရေ။ ယင့်နိကိုပင် “ဦးဥတ္တမအထိမ်းအမှတ်နေ့” အဖြစ် သတ်မှတ်ကာ နှစ်စဉ်နှစ်တိုင်း ကျင်းပလာခကတ်ရေ။

1954

• ၁၉၅၄ -ခုနှစ် စက်တင်ဘာလက ကျင်းပရေ ပြည်ထောင်စုမြန်မာနိုင်ငံ ပါလီမန်မာလည်း ဦးဥတ္တမ၏ ဂုဏ်ကျေးဇူးရို့ကို ချီးကျူးသတိရရေ အထိမ်းအမှတ်နန့် ပြောဆိုကတ်လီရေ။

1962

• 1962-ဇန်နဝါရီလ(၁၇)ရက်နိ၊ ဗုဒ္ဓဟူးနိမာ မြန်မာနိုင်ငံအစိုးရက ရန်ကုန်တိုင်း၊ ဒဂုံမြို့နယ်ရှိ ကန်တော်မင်ပန်းခြံအား ဦးဥတ္တမပန်းခြံအဖြစ် သတ်မှတ်ခွင့် ခွင့်ပြုပြီးကေ ကျမ္မာရီးနန့် သာသနာရီးဝန်ကြီးဌာန ဝန်ကြီးဘစော ကိုယ်တိုင် ဖွင့်လှစ်ခရေ။
• ၁၉၆၂-ခုနှစ်မတ်လ(၂)ရက်နိ တော်လှန်ရီးကောင်စီလက်ထက်မာ ဆရာတော်ဦးဥတ္တမပန်းခြံ ဆိုင်းဘုတ်နန့် ဆရာတော်ရုပ်တုကို ဖယ်ရှားကာ ကန်တော်မင်္ဂလာဆိုင်းဘုတ်ကို တင်ထားခရေ။

1963

• ၁၉၆၃ ဇန်နဝါရီလ (၁၀) ရက် ကြာသပတေးနိမာ စစ်တွေမြို့ဟိ ဦးဥတ္တမပန်းခြံမာ ဆရာတော် ဦးဥတ္တမ ကြေးရုပ်တုကို သွန်းလုပ် စိုက်ထူခလီရေ။

1976

• ၁၉၇၆-မြန်မာ့စွယ်စုံကျမ်းအတွဲငါး ကိုလိုနီခေတ်မြန်မာ့သမိုင်းအဘိဓာန်ရို့မာ ဆရာတော်ဦးဥတ္တမအတ္ထုပ္ပတ္တိကို ဂုဏ်ပြုဖော်ပြခကတ်ရေ။

1988

• ၁၉၈၈ ခုနှစ်နောက်ပိုင်းမာ အာဏာပိုင်ရို့စွာ ရွှေတိဂုံ စေတီတော် အနီးဟိ ဦးဥတ္တမပန်းခြံကို ကန်တော်မင် ပန်းခြံ အဖြစ်ပြောင်းလဲခေါ်ဆိုစီခြင်း၊ စစ်တွေမြို့ ဦးဥတ္တမ ပန်းခြံဟိ ဦးဥတ္တမရုပ်တုကို မွမ်းမံမှု မဟိခြင်း၊ ဆရာတော် ရုပ်တုကို အရိုအသေပီးမှုရို့အား တားမြစ် အရီးယူခြင်းတိ ပြုလုပ်ခရေ။
• ၁၉၈၈-၈၉ -ပညာသင်နှစ် သင်ရိုးညွန်းတမ်း မြန်မာ့သမိုင်း ဖတ်စာစတုတ္ထတန်းမာ ဦးဥတ္တမခေါင်းစဉ်နန့် ဖော်ပြခရေ။

2010

• ၂၀၁၀ခုနှစ်အထိ ဆရာတော်ကို ဂါရဝပြုခွင့် မပီးခ။
• ၂၀၁၁ခုနှစ်မာမှ ပန်းခွီချခွင့်၊ ဆီမီးပူဇော်ခွင့်ရရေ။

2013

• ၂၀၁၃ ဇွန် ၂၀-ရခိုင်ပြည်နယ် စစ်တွေမြို့ ရွှေစေတီကျောင်းမာ ဆရာတော် ဦးဥတ္တမပြတိုက် တစ်ခု ဆောက်လုပ်ရန် ရန်ပုံငွီယှာဖွီရေ အနိန်နန့် ဆရာတော် ဦးဥတ္တမအတ္ထုပတ္တိ သမိုင်း ဗွီစီဒီခွေကို စတင်ပြီး ရောင်းချ ခကတ်ရေ။

• ၂၀၁၃ခုနှစ် ဇွန်လ(၂၂)ရက်နိ(စနိ) နိခင်းဖက် ၂ နာရီအချိန်မာ ဆရာတော် ဦးဥတ္တမ၏ မြန်မာ ဂျပန်(နဂိုယာ) ချစ်ကြည်ရင်းနှီးမှု နှစ်(၁၀၀)ပြည့် အခမ်းအနားကို ရန်ကုန်မြို့ တော်ဝင်နှင်းဆီခန်းမမာ ကျင်းပခရေ။

• ၂၀၁၃-စက်တင်ဘာလ(၉)ရက်နိ ရန်ကုန်တိုင်းဒေသကြီး၊ မရမ်းကုန်းမြို့နယ်၊ မင်းဓမ္မလမ်းဟိ MCC ခန်းမမာ ရန်ကုန်တိုင်း ဒေသကြီးအစိုးရအဖွဲ့၊ ရခိုင်တိုင်းရင်းသားဝန်ကြီးတိ၊ တိုင်းရင်းသားအဖွဲ့အစည်း ပေါင်းစုံပါဝင်ရေ တက်ရောက်ရေ တကြော့ပြန် အခန်းနားဆုံး ဦးဥတ္တမနိကို နိုင်ငံတော်အဆင့်ကျင့်ခရေ။

2015

• ၂၀၁၅-ဇန်နဝါရီလ(၂၃)ရက်မာ ကျင့်ပရေ ပထမအကြိမ် ပြည်သူလွတ်တော်(၁၂)ကြိမ်မြောက် ပုံမှန်အစည်းအဝီးမာ ဦးမောင်ညိုက အဆိုတင်သွင်းခအတွက်နန့် ပြည်သူလွတ်တော်က ဦးဥတ္တမပန်းခြံ နာမည်နန့် ဆုံးဖြတ်ခွင့်ပီးခရေ။

• ၂၀၁၅-ခုနှစ်စက်တင်ဘာလ(၉)ရက်နိမာ ရန်ကုန်တိုင်းဒေသကြီးအစိုးရ အဖွဲ့ချုပ်က ဓာတ်ပုံနန့် ဖော်ပြခရေ ဦးဥတ္တမပန်းခြံကို အသိအမှတ်ပြုပနာ လူပေါင်းငါးသောင်းခန့် ဦးဥတ္တမနိ အခန်းအနားကို ဦးဥတ္တမပန်းခြံ ဒဂုံမြို့နယ်မာ ကျင့်ပနိုင်ခရေ။