တမ်းပလိတ်:Today's featured article
၂၀၂၆ ဖီဖာ ကမ္ဘာ့ဖလား (အိန်းဂလိချ်: 2026 FIFA World Cup) စွာ ဖီဖာ (FIFA) မှ ကျင့်ပရေ အကြီးဆုံး ဘောလုံးပြိုင်ပွဲဖြစ်ရေ ဖီဖာ ကမ္ဘာ့ဖလားဧ့ ၂၃ ကြိမ်မြောက် အကြိမ်ဖြစ်တေ။ ယင်းကို ၂၀၂၆ ခုနှစ် ဂျုန်လ ၁၁ ရက်မှ ဂျူလိုင်လ ၁၉ ရက်အထိ ကနေဒါ၊ မက္ကစီကိုနန့် အမေရိကန်ပြည်ထောင်စုရို့မာ ပူးတွဲကျင်းပရန် စီစိုင်ထားရေ။ အဂုပြိုင်ပွဲစွာ ကမ္ဘာ့ဖလားသမိုင်းမာ ပထမဆုံးအကြိမ်အဖြစ် နိုင်ငံသုံးနိုင်ငံက စုပေါင်းအိမ်သျှင်အဖြစ် လက်ခံကျင်းပခြင်းဖြစ်ပြီးကေ၊[၁] ပြိုင်ပွဲဝင်အသင်းအရွီအတွက်ကိုလေ့ ၃၂ သင်းမှ ၄၈ သင်းသို့ ပထမဆုံးအကြိမ် တိုးမြှင့်ကျင်းပခြင်းလည်းဖြစ်တေ။[၂]
အိမ်သျှင်သုံးနိုင်ငံမာ ကနေဒါနိုင်ငံစွာ ပထမဆုံးအကြိမ် ကမ္ဘာ့ဖလားကို လက်ခံကျင်းပခြင်းဖြစ်ပြီးကေ၊ မက္ကစီကိုနိုင်ငံမာ ၁၉၇၀ နန့် ၁၉၈၆ ပြိုင်ပွဲတိကို ကျင်းပခဖူးပြီးပေ သုံးကြိမ်မြောက် လက်ခံကျင်းပခြင်းဖြစ်ကာ၊ အမေရိကန်ပြည်ထောင်စုမာ ၁၉၉၄ ပြိုင်ပွဲနောက်ပိုင်း ဒုတိယအကြိမ်မြောက် အိမ်သျှင်အဖြစ် ဆောင်ရွက်ခြင်းဖြစ်တေ။[၁] ဗိုလ်လုပွဲကို နယူးယောက်/နယူးဂျာစီဟိ မက်လိုက်ဖ် အားကဇပ်ကွင်း (MetLife Stadium) မာ ကျင်းပရန် စီစိုင်ထားရေ။ (ဆောင်းပါးအပြည့်အစုံ...)