နံ့သာကျွန်း
နံ့သာကျွန်း (Nantha Kyun) စွာ မြန်မာနိုင်ငံ၊ ရခိုင်ပြည်နယ်ကမ်းရိုးတန်းမာ တည်ဟိရေ ကျွန်းတစ်ခု ဖြစ်ရေ။
ပထဝီသွင်ပြင်
[တီးဖြတ်ပါ | အရင်းအမြစ်ကိုတီးဖြတ်ပါ]ဒေကျွန်းရေ ၂.၄ ကီလိုမီတာ (၁.၅ မိုင်) ရှည်ပြီးကေ ၁.၇ ကီလိုမီတာ (၁.၁ မိုင်) ကျယ်ရေ။ ၁၆၈မီတာ(၅၅၁ပေ)အမြင့်ဟိရေ။ ရခိုင်ကမ်းရိုးတန်းဟိ မော်ယွန်းကုန်းမြေ (Maw yon) မှ အနောက်တောင်ဘက် ၃၀ ကီလိုမီတာ (၁၉ မိုင်) အကွာတွင် တည်ဟိရေ။
နံ့သာကျွန်းရေ ၁၆၈ မီတာ (၅၅၁ ပေ) အမြင့်ဟိပြီးကေ အလယ်တွင် ရွှံ့နွံထူရေ အသက်ဝင်နီရေ မီးတောင်တစ်ခု တည်ဟိရေ။ ယင်းဧ့ အနောက်ဘက်ကမ်းခြီဘက်မှ လွဲပနာ သစ်တောတိ ထူထပ်လျက်ဟိရေ။ ယင်းအနောက်ဘက်ကမ်းခြီရေ မီးတောင်ဝနန့် ကမ်းခြီအကြားရေ လမ်းခရီးကြမ်းတမ်းရေ။
အနီးအနားဟိကျွန်းတိ
[တီးဖြတ်ပါ | အရင်းအမြစ်ကိုတီးဖြတ်ပါ]နံ့သာကျွန်းဧ့ NNE ဘက် ၄၅ ကီလိုမီတာ (၂၈ မိုင်) အကွာတွင် Unguan ကျွန်း တည်ဟိရေ။ ဒေကျွန်းဧ့ အမြင့်ဆုံးအမှတ်ရေ ၄၀ မီတာ (၁၃၀ ပေ) ဟိရေ။
မှော် ရုံ၊ သံတွဲမြို့က အနောက်တောင်ဖက် ၃၀ကီလိုမီတာမာတည်ဟိရေ။ တောင်ဘက်အစွန်းဆုံးဟိ ရွံ့မီးတောင်တခုဖြစ်ပြီးကေ၊ လောင်ဂျီတွတ် ၉၄°၀၈’၇၉” အရှိနန့် လတ္တီတွတ်၁၈°၀၆’၁၈” မြောက်အရပ်မာ တည်ဟိနိန်ရေ။ တန်းတင်တောင်ထိပ်မာ ဝိုင်းစက်ရေ နဂါးတောင်အ၀ (crater) ဟိရေ။ ကျွန်းဧ့ အောင်ခံ ကျောက် အနေ အထား စွာ လွှာတွန့်ခုံး (anticline) ဖြစ်နီ ပုံရရေ။
၂၀၀၈ခုနှစ်မေလ၂၅ရက် နိ၊ ည ၁၂နာရီ၊၅၀မိနစ်မာ အထမအကြိမ်နန့် မိုးထဖက် ၅နာရီမာ ဒုတိယအကြိမ်ပေါက်ကွဲခရေလို့ သတင်းတိအရသိဟိရရေ။ ပေါက်ကွဲစဉ် ရွံ့ရည်တိ ၄၀မီတာ အမြင့် ထိရောက်ဟိရေလို့ လေ့သိရရေ။ ရွံ့နဂါးတောင်ဧ့ အဝစွာ အချင်းမီတာ၁၀၀လှောက်ဟိပြီးကေ၊ လွှာတွန့်ခုံး (anticline)ဧ့ အလယ်ဗဟို(crest)မာဟိနီပုံ ရရေ။ ပေါက်ကွဲပြီးရွံ့ရည် စီးကြောင်းတိကိုကကောင်း မြင်ရရေ။အနောက်ဘက်ကိုပမာဏတိစွာစီးဆင်းလှားရေ။ ဒုတိယစီးကြောင်းမှာ အနောက်တောင် ဘက်ကိုစီးဆင်း လားရေ။ ဇာကြောင့်ရွံ့ရည်စီးကြောင်းတိအနောက်ဘက် နန့် အနောက်တောင် ဘက်ကိုစီးဆင်းလားရရေ အကြောင်း ကို တိကျစွာမသိရကေလေ့၊ လီထရေလက်ကြား ကြောင့် ဖြစ်နိုင်ဘွယ်ဟိရေဟု တွက်ဖော်နိုင်ရေ။
ယင်းချင့်အပြင် ရွံ့ရည်တိစွာ ပင်လယ်ရီထဲမာ အရှိ မြောက်အရပ်သို့ရွိလားစွာကို တွိ့ရရေ။ ရွိ့ရခြင်းကား ပင်လယ်ရီလှိုင်း(waves) သို့မဟုတ် ကမ်းရောက်လှိုင်း (longshore current) ရို့ကြောင့်ဖြစ်နိုင်ရေ။[၁]