ပုရာဏစီဝရသိက္ခာပုဒ်

၄-ပုရာဏစီဝရသိက္ခာပုဒ်

၅၀၃။ ဘုန်းတော်ကြီးရေ မြတ်စွာဘုရားစွာ သာဝတ္ထိမြို့ အနာထပိဏ်သဌီး၏ အရံဖြိုက်ရေ ဇေတဝန်ကျောင်း၌ သီတင်းသုံး နေတော်မူသော အခါ အသျှင်ဥဒါယီ၏ မယားဟောင်းစွာ ဘိက္ခုနီမရို့အထံ၌ ရဟန်း ပြုရေ၊ ထိုဘိက္ခုနီမစွာ အသျှင်ဥဒါယီ၏ အပါးကို မပြတ်လာ၏၊ အသျှင်ဥဒါယီကလည်း ထိုဘိက္ခုနီမ၏ အပါးကို မပြတ်လား၏၊ ယင်းခါ အသျှင်ဥဒါယီစွာ ထိုဘိက္ခုနီမ၏ အထံ၌ ဆွမ်းကိစ္စကို၁ ပြုရေ၊ ယင်းခါ အသျှင်ဥဒါယီစွာ စီာစီာသား၌ သင်္ကန်းကို ပြင်ဝတ်ပနာ သပိတ်သင်္ကန်းကို ယူဆောင်ကာ ထိုဘိက္ခုနီမပါးကို ချိုင်းကပ်ပြီးနောက် ထိုဘိက္ခုနီမ၏ ရှေ့၌ အင်္ဂါဇာတ်ကို ဖော်ပနာ နီရာမာ ထိုင်ရေ၊ ထိုဘိက္ခုနီမစွာလည်း အသျှင်ဥဒါယီ၏ ရှေ့၌ အင်္ဂါဇာတ်ကို ဖော်ပနာ နီရာမာ ထိုင်ရေ၊ ယင်းခါ အသျှင်ဥဒါယီစွာ ပြင်းစွာ တပ်မက်စွာဖြိုက်ပနာ ထိုဘိက္ခုနီမ၏ အင်္ဂါဇာတ်ကို တစိန်းစိန်းကြည့်ရေ၊ ဥဒါယီအားသုက်လွှတ်၏၊ ယင်းခါ အသျှင်ဥဒါယီစွာ ထို ဘိက္ခုနီမကို "နှမ လားလီဖိ၊ ရီကို ဆောင်ယူခလော့၊ သင်းပိုင်ကို ဖွတ်လျှော်အံ့"ဟု ဆို၏၊ အသျှင် ဆောင်ယူခပါ၊ အကျွန်ုပ်စွာရာကေ ဖွတ်လျှော်ပါဖို့"ဟု (ဆိုပနာ သင်္ကန်းကို ယူဖိကေ) ထိုသုက်တချို့ကို ပါးဇာ့နန့် စုပ်ယူရေ၊ တချို့ကို အင်္ဂါဇာတ်၌ ထည့်၏၊ ထိုဘိက္ခုနီမစွာ ထိုသုက်နန့် ကိုယ်ဝန်ယူရေ။

ဘိက္ခုနီမရို့စွာ "ဒေဘိက္ခုနီမစွာ မမြတ်သော (မေထုန်) ဝသီကို ကျင့်ပနာ ဝမ်းပူ၏"ဟု ဆိုကတ်ကုန်၏၊ "အသျှင်မရို့ အကျွန်ုပ်စွာ မမြတ်သော (မေထုန်) ဝသီကို မကျင့်ပါ"ဟု ဘိက္ခုနီမရို့အား ဒေအကြောင်းကို ပြောကြား၏။

ဘိက္ခုနီမရို့စွာ "အသျှင်ဥဒါယီစွာ ဘိက္ခုနီမအား သင်္ကန်းဟောင်းကို အဇာကြောင့် ဖွတ်လျှော်စီဘိသနည်း"ဟု သရော်ကုန်၏၊ ရှုတ်ချကုန်၏၊ အပြစ်ပြ ပြောဆိုကတ်ကုန်၏၊ ယင်းခါ ထိုဘိက္ခုနီမရို့စွာ ရဟန်းရို့အား ဒေအကြောင်းကို လျှောက်ကတ်ကုန်၏၊ အလိုနည်းသော ရဟန်းရို့စွာ"အသျှင် ဥဒါယီစွာ ဘိက္ခုနီမအား သင်္ကန်းဟောင်းကို အဇာကြောင့် ဖွတ်လျှော်စီဘိသနည်း"ဟုသရော်ကုန်၏၊ ရှုတ်ချကုန်၏၊ အပြစ်ပြ ပြောဆိုကတ်ကုန်၏။

ယင်းခါ ထိုရဟန်းရို့စွာ အသျှင်ဥဒါယီကို အများကြီးသော အကြောင်းနန့် သရော်ပြစ်တင်ကတ်ပြီးကေ မြတ်စွာဘုရားအား ဒေအကြောင်းကို လျှောက်ကတ်ကုန်၏။ပ။

"ဥဒါယီ သင်ရေ ဘိက္ခုနီမအား သင်္ကန်းဟောင်းကို ဖွတ်လျှော်စီ၏ဟူစွာ မှန်သလော"ဟု စိစစ်မီးမြန်းတော်မူ၏။

မှန်ပါရေ မြတ်စွာဘုရားဟု (လျှောက်၏)။

ဥဒါယီ သင်နန့် အမျိုးတော်သလော၊ ဆွီမျိုးမတော်စပ်သလောဟု (မေးတော်မူရာ)

မြတ်စွာဘုရား ဆွီမျိုးမတော်စပ်ပါဟု (လျှောက်၏)။

(မဂ်ဖိုလ်မှ) အချည်းနှီးဖြိုက်ရေ ယောက်ျား ဆွီမျိုးမတော်စပ်သော ယောက်ျားစွာ ဆွီမျိုးမတော်စပ်သော မိမ၏ သင့်တင့်စွာကိုလိ့ကောင်း၊ မသင့်တင့်စွာကိုလိ့ကောင်း၊ ကြည်ညိုဖွယ်ရှိစွာကိုလိ့ကောင်း ကြည်ညိုဖွယ် မဟိစွာကိုလိ့ကောင်း မသိနှိုင်၊ (မဂ်ဖိုလ်မှ) အချည်းနှီးဖြိုက်ရေယောက်ျား ထိုသင်ရေ၂ ဆွီမျိုးမတော်စပ်သော ဘိက္ခုနီမအား သင်္ကန်းဟောင်းကို ဖွတ်လျှော်စီဘိ၏၊ (မဂ်ဖိုလ်မှ) အချည်းနှီးဖြိုက်ရေ ယောက်ျား ဒေ (သင်ပြုမိသောအမှု) စွာ မကြည်ညိုသေးသော သူရို့အားကြည်ညိုစီခြင်းငှါလိ့ကောင်း။ပ။

ရဟန်းရို့ ဒေပိုင်ဆိုကေ ဒေသိက္ခာပုဒ်တော်ကို ပြကတ်ကုန်လော့။

၁။ ဘတ္တဝိဿဂ္ဂန္တိ ဘတ္တကိစ္စံ။ တေရသကဏ်ဋီကာ (၉၃)၊ သာရတ္ထ-၂၊ ၃၉၈။

၂။ တတ္ထ နာမ တွန္တိ ဣမဿာပိ သော နာမ တွန္တိအတ္ထော ဝေဒိတဗ္ဗော။ တေရသကဏ်ဋီကာ (၉၃) သာရတ္ထ-၂၊ ၃၉၈။

ပညတ်သိက္ခာပုဒ်

၅၀၄။ "အကြင် ရဟန်းစွာ ဆွီမျိုးမတော်စပ်သော ဘိက္ခုနီမအား သင်္ကန်းဟောင်းကို ဖွတ်လျှော်စီမူလည်း ဖွတ်လျှော်စီငြားအံ့၊ ဆိုးမူလည်း ဆိုးစီငြားအံ့၊ ရိုက်နယ်မူလည်းရိုက်နယ်စီငြားအံ့၊ (ထိုရဟန်းအား) နိဿဂ္ဂိ ပါစိတ်အာပတ် သင့်၏" ဧပိုင် (ပြကတ်ကုန်လော့ဟုမိန့်တော်မူ၏)။

၄-ပုရာဏစီဝရသိက္ခာပုဒ်အဖွင့်

၅၀၅။ အကြင်ဟူစွာ အကြင်သို့သဘောဟိရေ။ပ။

ရဟန်းဆိုရေ။ပ။ ဒေအရာမာ ဒေဉတ္တိစတုတ္ထကံနန့် ရဟန်းအဖြိုက်သို့ ရောက်သူကို "ရဟန်း"ဟုအလိုရှိအပ်၏။

ဆွီမျိုးမတော်စပ်သော ဘိက္ခုနီမ ဆိုစွာ အမိဘက်မှသော်လိ့ကောင်း၊ အဖဘက်မှသော်လိ့ကောင်း၊ ခုနှစ်ဆက်မြောက် ဘိုးဘေးအစုံထိတောင် မဆက်စပ်သော။

ဘိက္ခုနီမ ဆိုစွာ ဥဘတောသံဃာ၌ ပဉ္စင်းဖြိုက်ရေ မိမတည်း။

သင်္ကန်းဟောင်း ဆိုစွာ တစ်ချိန်းပင် ဝတ်အပ် တစ်ချိန်းပင် ရုံအပ်ရေ သင်္ကန်းတည်း။

ဖွပ်လျှော်လော့ဟုစီစပ်အံ့၊ ဒုက္ကဋ်အာပတ် သင့်၏။ ဖွပ်လျှော်အပ်ပြီးမူ စွန့်ခြင်း (ဝိနည်းကံ) ဟိ၏။ ဆိုးလော့ဟုစီစပ်အံ့၊ ဒုက္ကဋ်အာပတ် သင့်၏။ ဆိုးအပ်ပြီးမူ စွန့်ခြင်း (ဝိနည်းကံ) ဟိ၏။ ရိုက်နယ်လော့ဟုစီစပ်အံ့၊ ဒုက္ကဋ်အာပတ် သင့်၏။ တစ်ချိန်း လက်နန့် တုံစပ်အပ်သော်လိ့ကောင်း၊ ရိုက်တုတ်နန့်ရိုက်အပ်သော်လိ့ကောင်း စွန့်ခြင်း (ဝိနည်းကံ) ဟိ၏။ သံဃာအားသော်လိ့ကောင်း၊ ဂိုဏ်းအားသော်လိ့ကောင်း ၊ ပုဂ္ဂိုလ်အားသော်လိ့ကောင်း စွန့်ရဖို့။

ရဟန်းရို့ ဧပိုင် စွန့်ရဖို့။ပ။

"အသျှင်ဘုရားရို့ အကျွန်ုပ်၏ ဒေသင်္ကန်းဟောင်းစွာ ဆွီမျိုးမတော်စပ်သော ဘိက္ခုနီမကိုဖွပ်လျှော်စီအပ်အနိန်နန့် စွန့်ခြင်း (ဝိနည်းကံ) ဟိပါရေ၊ အကျွန်ုပ်စွာ ဒေသင်္ကန်းကို သံဃာအားစွန့်ပါ၏"ဟု။ပ။ ပီးရာ၏ဟု။ပ။ ပီးကုန်ရာ၏ဟု။ပ။ အသျှင့်အား ပီးပါ၏ဟု (ပီးရဖို့)။

၅၀၆။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကိုဖွပ်လျှော်စီအံ့၊ နိဿဂ္ဂိပါစိတ်အာပတ် သင့်၏။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟုထင်မှတ်ပနာ သင်္ကန်းဟောင်းကို ဖွပ်လျှော်စီအံ့၊ ဆိုးစီအံ့၊ နိဿဂ္ဂိနန့် ဒုက္ကဋ်အာပတ် သင့်၏၊ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ဖွပ်လျှော်စီအံ့၊ ရိုက်နယ်စီအံ့၊ နိဿဂ္ဂိနန့် ဒုက္ကဋ်အာပတ် သင့်၏၊ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ဖွပ်လျှော်စီအံ့၊ ဆိုးစီအံ့၊ ရိုက်နယ်စီအံ့၊ နိဿဂ္ဂိနန့်ဒုက္ကဋ်အာပတ် နှစ်ချက်သင့်၏။

ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ဆိုးစီအံ့၊ နိဿဂ္ဂိပါစိတ်အာပတ် သင့်၏။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာသင်္ကန်းဟောင်းကို ဆိုးစီအံ့၊ ရိုက်နယ်စီအံ့၊ နိဿဂ္ဂိနန့် ဒုက္ကဋ်အာပတ် သင့်၏။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ဆိုးစီအံ့၊ ဖွပ်လျှော်စီအံ့၊ နိဿဂ္ဂိနန့်ဒုက္ကဋ်အာပတ် သင့်၏၊ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟုထင်မှတ်ပနာ သင်္ကန်းဟောင်းကို ဆိုးစီအံ့၊ ရိုက်နယ်စီအံ့၊ ဖွပ်လျှော်စီအံ့၊ နိဿဂ္ဂိနန့် ဒုက္ကဋ်အာပတ်နှစ်ချက်သင့်၏၊

ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ရိုက်နယ်စီအံ့၊ နိဿဂ္ဂိပါစိတ်အာပတ် သင့်၏။ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟုထင်မှတ်ပနာ သင်္ကန်းဟောင်းကို ရိုက်နယ်စီအံ့၊ ဖွပ်လျှော်စီအံ့၊ နိဿဂ္ဂိနန့် ဒုက္ကဋ်အာပတ် သင့်၏၊ ဆွီမျိုး မတော်စပ်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်ပနာ သင်္ကန်းဟောင်းကို ရိုက်နယ်စီအံ့၊ ဆိုးစီအံ့၊ နိဿဂ္ဂိနန့် ဒုက္ကဋ်အာပတ် သင့်၏၊ ဆွီမျိုးမတော်စပ်သော ဘိက္ခုနီမ၌ ဆွီမျိုးမတော်စပ်ဟုထင်မှတ်ပနာ သင်္ကန်းဟောင်းကို ရိုက်နယ်စီအံ့၊ ဖွပ်လျှော်စီအံ့၊ ဆိုးစီအံ့၊ နိဿဂ္ဂိနန့် ဒုက္ကဋ်အာပတ်နှစ်ချက်သင့်၏၊

ဆွီမျိုးမတော်စပ်သော ဘိက္ခုနီမ၌ ယုံမှားရှိအံ့။ပ။ ဆွီမျိုးမတော်စပ်သော ဘိက္ခုနီမ၌ အမျိုးတော်ရေလို့ ထင်မှတ်အံ့။ပ။ အခြားရဟန်း၏ သင်္ကန်းဟောင်းကို ဖွပ်လျှော်စီအံ့၊ ဒုက္ကဋ်အာပတ်သင့်၏။ နိသီဒိုင် အိပ်ရာခင်းကို ဖွပ်လျှော်စီအံ့၊ ဒုက္ကဋ်အာပတ် သင့်၏။ တစ်ဖက်သံဃာ၌ ပဉ္စင်းဖြိုက်ရေဘိက္ခုနီမအား ဖွပ်လျှော်စီအံ့၊ ဒုက္ကဋ်အာပတ် သင့်၏။ အမျိုးတော်သော ဘိက္ခုနီမ၌ ဆွီမျိုးမတော်စပ်ဟု ထင်မှတ်အံ့၊ ဒုက္ကဋ်အာပတ် သင့်၏။ အမျိုးတော်သော ဘိက္ခုနီမ၌ ယုံမှားရှိအံ့၊ ဒုက္ကဋ်အာပတ် သင့်၏။ အမျိုးတော်သော ဘိက္ခုနီမ၌ အမျိုးတော်ရေလို့ ထင်မှတ်အံ့၊ အာပတ်မသင့်။

၅၀၇။ အမျိုးတော်သော ဘိက္ခုနီမ ဖွပ်လျှော်ရာမာ ဆွီမျိုးမတော်စပ်သော ဘိက္ခုနီမစွာအဖေါ်ဖြိုက်အံ့၊ မဆို (မခိုင်း) အပ်ဘဲ ဖွပ်လျှော်အံ့၊ မသုံးဆောင်အပ်သေးသော အသစ်ကို ဖွပ်လျှော်စီအံ့၊ သင်္ကန်းမှ တပါး အခြားပရိက္ခရာကို ဖွပ်လျှော်စီအံ့၊ အာပတ်မသင့်၊ သိက္ခမာန်ကို မောင်သျှင်မကို (ဖွပ်လျှော်စီအံ့၊ အာပတ် မသင့်)။ ရူးသော ရဟန်း၊ အစလက်ဦး လွန်ကျူးသော ရဟန်းအား အာပတ်မသင့်။

စတုတ္ထ ပုရာဏစီဝရသိက္ခာပုဒ် ပြီး၏။