ဘားရက် အိုဘားမား
တမ်းပလိတ်:Infobox နိုင်ငံ့ဝန်ထမ်း ဘာရက်ဟူစိန်အိုဘားမား ၂ [၁] (အင်္ဂလိပ်: Barack Hussein Obama II၊ မွီးရက် - ၄ သြဂတ် ၁၉၆၁) စွာ အမေရိကန် ဆီးနိတ်လွှတ်တော်အမတ်တဦး (senator) ဖြစ်ပြီးကေ၊ အမေရိကန် ၂၀၀၈ ခုနှစ် သမ္မတရွီးကောက်ပွဲ မာ ဒီမိုကရက်တစ်ပါတီမှ သမ္မတလောင်း တဦးအဖြစ် ဝင်ရောက်နိူင်းပြိုင်ရာ ပြိုင်ဖက်အား မဲအပြတ်ဖြင့် နှိုင်ခပြီး အမေရိကန် ပြည်ထောင်စု၏ (၄၄)ကြိမ်မြောက် သမ္မတအဖြစ် ၂၀၀၉ ခုနှစ် ဂျန်နဝါရီ ၂၀ ရက်နိမှ ၂၀၁၇ ခုနှစ် ဂျန်နဝါရီ ၂၀ အထိ တာဝန်ထမ်းဆောင်ခရေ။ သူစွာ အမေရိကန်နိုင်ငံ၏ ပထမဆုံးအနိန်နန့် အာဖရိကန်-အမေရိကန် သမ္မတအဖြစ် အရွီးချယ်ခံ ခရပြီး ၂၀၀၉ ခုနှစ် ဇန္နဝါရီလ ၂၀ ရက်နိမာ ကျမ်းသစ္စာကျိန်ဆို ရာထူးတက်ခရေ။ ရာထူးတက်ပနာ ၈ လကျော် ကြာရားနောက် ယင်း၏ အပြည်ပြည်ဆိုင်ရာ အရီးကိစ္စတိအား သံခင်းတမန်ခင်း ဖြီယှင်းနိုင်ဖို့နန့် လူ့အသိုင်းအဝိုင်းအကြား ပူးပေါင်းဆောင်ရွက်မှုတိ ပိုပြီးကေအားကောင်းလာစီရန် ကြိုးပမ်းချက်တိအတွက်[၂] ၂၀၀၉ အောက်တိုဘာလ ၉ ရက်နိမာ နိုဘယ်ဆုရန်ပုံဖေသာအဖွဲ့က အိုဘားမားအား ၂၀၀၉ ခုနှစ်၏ ငြိမ်းချမ်းရီး နိုဘယ်ဆုရှင်အဖြစ် ရွီးချယ်လိုက်ရေ။ [၃]
ကိုလမ်ဘီယာ တက္ကသိုလ် (Columbia University) နန့် ဟားဗတ်ဥပဒေကျောင်း (Harvard Law School) မှ ကျောင်းပြီးရေအခါ community organizer နန့် နိုင်ငံသား အခွင့်အရီး ရှိနိန်(civil rights attorney) အဖြစ် အလုပ်လုပ်ခရေ။ ၁၉၉၇ ခုနှစ်မှ ၂၀၀၄ ခုနှစ်အထိ အီလီနွိုင်းပြည်နယ် ဆီးနိတ်လွှတ်တော်မာ အမတ်ဖြစ်လာရေ။ ၁၉၉၂ ခုနှစ်မှ ၂၀၀၄ အထိ ချီကာဂိုတက္ကသိုလ် ဥပဒေကျောင်း မာ ဖွဲ့စည်းပုံအခြီခံဥပဒေကို သင်ကြားပို့ချခရေ။ ၂၀၀၀ ခုနှစ်မာ အမေရိကန်ကိုယ်စားလှယ်ရုံးတော် (U.S. House of Representatives) အတွက် အမတ်နီရာ နိူင်းပြိုင်ရာမာ အနိုင်မရဟိခကေလေ့ ၂၀၀၃ ခုနှစ် ဂျန်နဝါရီလ အိုဘားမားစွာ အမေရိကန်ဆီးနိတ် (အမေရိကန်အထက်လွှတ်တော်) ကန်ပိန်း ကိုကြေညာရေ။ ၂၀၀၄ ခုနှစ် မာ့ခ်ျလမာ ဆီးနိတ်ရွီးကောက်ပွဲအား မဲရာနှုန်း မကန်မဝှန်နန့်နှိုင်ရား ၂၀၀၄ ခုနှစ် ဂျူလိုင်လမာ ဒီမိုကရက်တစ်ပါတီအမျိုးသားညီလာခံ (Democratic National Convention) မာ အဓိကမိန့်ခွန်း ပြောကြားသူဖြစ်လာခရေ။ ၂၀၀၄ ခုနှစ် နိုဗန်ဘာလမာ မဲရာခိုင်နှုန်း ၇၀% ဖြင့် နှိုင်ခပြီး ဆီးနိတ်လွှတ်တော်အမတ် ဖြစ်လာခရေ။
၁၀၉ ကြိမ်မြောက်ကွန်ဂရက် ဒီမိုကရက်တစ်ပါတီလူနည်းစုသာ ပါဝင်ရေအချိန်မာ အိုဘားမားစွာ သမားရိုးကျလက်နက်များ ချုပ်တည်းချက်နန့် ဖယ်ပြားဆတ်ရန်ပုံဖေသာအသုံးပြုရာမာ ပိုပြီးကေ တာဝန်ယူမှုဟိစီရီးနန့် ဆိုင်ရေ အက်ဥပဒေတိကို ထောက်ခံခရေ။ အရှိဥရောပ၊ အရှိအလယ်ပိုင်း နန့် အာဖရိက သို့လည်း လိ့လာခရီးများလားခီရေ။ ၁၁၀ မြောက်ကွန်ဂရက်မာ ဥပဒေပြုသူတိအား ပြင်ပမှ လွှမ်းမိုးခြင်းကိစ္စ၊ ရွီးကောက်ပွဲမာ မရိုးသားမှုတိကိစ္စ၊ ရာသီဥတုပြောင်းလဲမှု၊ နျူးကလီယား၊ အကြမ်းဖက်မှု နန့် စစ်ပြန်တိအား စောင့်ယှောက်ရီးရို့နန့် ဆိုင်ရေ အက်ဥပဒေတိကို ထောက်ခံခရေ။ ၂၀၀၇ ခုနှစ် ဖေဖဝါရီလ မာ သမ္မတရွီးကောက်ပွဲ ကမ်ပိန်း ကိုကြေညာခပြီးကေ အီရတ်နိုင်ငံမာ စစ်တိုက်နိန်ရေ အမေရိကန်တပ်များဆုတ်ခွာရီး၊ စွမ်းအင်ကို အရာနိုင်ငံတိအား မှီခိုမှု လျော့နည်းစီရေေး၊ ဥပဒေပြုသူတိအား ပြင်ပမှလွှမ်းမိုးသူရို့၏ အရိပ်အဖေသာ့ လျော့နည်းစီရေေး နန့် အားလုံးနန့်ဆိုင်ရေ ကျန်းမာရီးစောင့်ယှောက်မှု ကြီးပွားရီးကို ဇောင်းပီးနိန်ရေ။
ငယ်ဘဝနန့် လုပ်ငန်း
[တီးဖြတ်ပါ | အရင်းအမြစ်ကိုတီးဖြတ်ပါ]အိုဘားမားစွာ ၁၉၆၁ ခုနှစ် သြဂတ် ၄ ရက်မာ ဟာဝိုင်အီပြည်နယ် ဟိုနိုလူလူမြို့၏ ပီအိုလာနီဆီးရုံမာ အဖ ကင်ညာနိုင်ငံသား ဇာရက် အိုဘားမားစီနီယာ နန့် ခန်းဇတ်ပြည်နယ်ကလာရေ အမိ အန်းဒန်းနမ်မှ မွီးဖွားရေ။ သူ့ မိဘတိစွာ မနိုအာမြို့၏ ဟာဝိုင်အီတက္ကသိုလ်မာ ပညာသင်ကြားနီစဉ်အချိန်မာ တွိဆုံရည်ငံခရေ။[၄] မိဘတိ အိမ်ထောင်ကွဲချိန်မာ အိုဘားမားမာ ၂ နှစ်သား လှောက်ရာဟိသိရေ။[၅] ဖခင်ဖြစ်သူစွာ ကင်ညာနိုင်ငံကို ပြန်လားခပြီးကေ မသေမီအချိန်အမာ အိုဘားမားနန့် နောက် တခေါက်သာ ထပ်မံတွိဆုံခရရေ။ ၁၉၈၂ ခုနှစ်မာ မော်တော်အက်မှုကြောင့် ဖခင်ဖြစ်သူသီဆုံးခရေ။[၆] သူ၏မိခင်ဒန်ဟမ်စွာ ဖခင်အိုဘားမားစီနီယာနန့် ကွာယှင်းပြတ်စဲပြီးကေ အင်ဒိုနီးရှားလူမျိုး ပိုင်စိုတိုရိုနန့် ပီးစပ်ရေ။ ၁၉၆၇ ခုနှစ်မာ သူရို့၏မိသားစုစွာ အင်ဒိုနီးရှားနိုင်ငံကို ရွှိပြောင်းနီထိုင်ခပြီးကေ အိုဘားမားစွာ ဂျာကာတာမြို့မာ အရွယ် ၁၀ နှစ်အထိပြည်မားကျောင်းတိတက်ခရေ။ ၁၉၇၁ ခုနှစ်မှ ၁၉၇၉ ခုနှစ်အထိ (၅ တန်းမှ အထက်တန်းကျောင်းပြီးရေ အထိ) ဟိုနိုလူလူမြို့ကို ပြန်ပနာပြောင်းရွီ့ပြီး အမိဘက်မှ အဖိုးအဘောင်သျှင်မနန့် တတူနီထိုင်ခရေ။[၇] ၁၉၇၂ ခုနှစ်မာ သုတေသနအတွက် ပြန်ပနာရွှိပြောင်းခြင်း မပြုမီ အိုဘားမား၏ မိခင်စွာ ဟာဝိုင်အီပြည်နယ်သို့ ပြန်ပနာ ပြောင်းရွိနီထိုင်ခရေ။ ၁၉၉၅ ခုနှစ်မာ အမိရေ ဗီဇကင်ဆာဖြင့် သီဆုံးလားခရေ။[၈]
အထက်တန်းပြီးရေအခါ လော့စ်အိန်ဂျယ်လိစ်မြို့ကို ရွှိပြောင်းပြီး အော့စီဒန်းရေလ်ကောလိပ်မာ ၂ နှစ်မျှ တက်ရောက်ပညာသင်ကြားခရေ။[၉] ယပြီးနောက် နယူးယောက်မြို့၏ ကိုလမ်ဘီယာတက္ကသိုလ်ကို ရွှိပြောင်းပြီး ၁၉၈၃ ခုနှစ်မာ နိုင်ငံရီးသိပ္ပံဘွဲ့ (နိုင်ငံတကာဆက်ဆံရီးကို အထူးပြု) နန့် အောင်မြင်ခရေ။[၁၀] အယင်က နိုင်ငံတကာစီးပွားရီးကော်ပိုရီးယှင်း (Business International Corporation) နန့် နယူးယောက်ဘုံဝါသနာသုတေသနအဖွဲ့ (New York Public Interest Research Group) အတွက်လုပ်ခရေ။[၁၁][၁၂]
နယူးယောက်မြို့မာ ၄ နှစ်ကြာမျှနီခပြီးကေနောက် ဘဝလမ်းကြောင်းပြောင်းဖို့အတွက် ရှီကာဂိုမြို့ကို ရွှိပြောင်းရေ။ ၁၉၈၄ ခုနှစ် ဂျုန်လမှ ၁၉၈၈ ခုနှစ် မေလအထိ ရှီကာဂို တောင်ပိုင်းခရိုင်နန့်ဆိုင်ရေ အရပ်အရပ်တိကြီးထွားရီးပရိုဂျက် (Developing Communities Project) အတွက် ညွှန်ကြားရီးမှူးလုပ်ခရေ။[၁၁][၁၃] ညွှန်ကြားရီးမှူးဖြစ်ရေ ထို ၃ နှစ်အထဲ အလုပ်သမားစွာ လူ ၁ ဦးမှနိန်ပနာ ၁၃ ဦးအထိဖြစ်လှာပြီး နှစ်ချုပ်ဘတ်ဂျက်စွာ ဒေါ်လာ ခုနှစ်သောင်းမှနိန်ပနာ ဒေါ်လာ လေးသိန်းအထိတိုးပွားလာခပြီး လုပ်ငန်းသင်တန်းပရိုဂရမ်၊ တက္ကသိုလ်ပျင်ဆင်ရီးပရိုဂရမ်နန့် အိမ်ငှားအခွင့်အရီးအဖွဲ့ကို ထူထောင်ခရေ။[၁၄] ယင်းချိန်တွင် အရပ်စီမံရီးအဖွဲ့ဖြစ်ရေ Gamaliel Foundation အတွက် လက်သပ်ခံနန့် နည်းပြဆရာလုပ်ခရေ။ [၁၅]၁၉၈၈ ခုနှစ်မာ ပထမအကြိမ် ဥရောပတိုက်သို့ ၃ ပတ်မျှလည်ပတ်ခပြီးကေ ကင်ညာဟိ အမျိုးတိကိုတွေ့ ဖို့အတွက် ကင်ညာနိုင်ငံကို ၅ ပတ်မျှလည်ပတ်ခရေ။[၁၆]
၁၉၈၈ နှစ်ဆုံးမာ ဟားဗတ်ဥပဒေကျောင်းကို စတင်တက်ရောက်ခရေ။ ပထမနှစ်မာ ရဟိသောအမှတ်နန့် စာအရီးအသားပြိုင်ပွဲ တိကြောင့် ဟားဗတ်ဥပဒေဝေဖန်ချက်ဂျာနယ်၏ အယ်ဒီတာဖြစ်လာခရေ။[၁၇] ဒုတိယနှစ်မာရွီးချယ်ပြီး ဥပဒေဝေဖန်ချက်ဂျာနယ်သမ္မတနန့် လုပ်အားပီးစာတည်းမှူးဖြစ်ခရေ။[၁၈] ၁၉၉၀ ဖေဖဝါရီလမာ မီဒီယာတိစွာ အိုဘားမား၏ ဟားဗတ်ဥပဒေဝေဖန်ချက်ရေ ပထမဆုံးလူမည်းသမ္မတဖြစ်ကြောင်းကို ကျကျယ်ပြပြန့်သတင်းပို့ကတ်တေ။[၁၈] ၁၉၉၁ ခုနှစ်မာ ဟားဗတ်မာ J.D. magna cum laude (ဒုတိယဂုဏ်ထူး ဥပဒေပါရဂူဘွဲ့) အောင်ခပြီး ရှီကာဂိုမြို့ကို ပြန်ပနာရွှိပြောင်းခရေ။[၁၇][၁၉] ဟားဘတ်ဥပဒေဝေဖန်ဂျာနယ်၏ ပထမဆုံးလူမည်းသမ္မတအဖြစ်အကြောင်း ကြေညာကြောင့် အိုဘားမားစွာ လူမျိုးဆက်ဆံရီးဝထုရီးရန်အတွက်စာချုပ်နိုင်ခရေ။[၂၀]ချီကာဂိုတက္ကသိုလ်ဥပဒေကျောင်းစွာ အိုဘားမားကို ဝထုရီးရန်အတွက်ရုံးခန်းနန့် အမှုဆောင်အသင်းဝင်အဖြစ် ကူညီထောက်ပင့်ခရေ။[၂၀]သူ၏ဝထု. Dreams from My Father ကို ၁၉၉၅ ခုနှစ်မာ စထုတ်ဝီရေ။[၂၀]
၁၉၉၂ ခုနှစ် ဧပြီလမှ အောက်တိုဘာလအထိ အီလီနွိုင်းပြည်နယ်၏မဲပီးပရိုဂျက် (Illinois Project Vote) ကြီးမှူးပြီး ၁၅၀ မဲပီးစာရင်းသွင်းမထားရေ လူမည်း လူမည်း ၄သိန်း မှ ၁ သိန်းခွဲကို စာရင်းသွင်းနိုင်ခရေ။[၂၁][၂၂] ထို့အတွက်ကြောင့် ခရိန်း ရှီကာဂို စီးပွားရီး သတင်းစာမှ ၁၉၉၃ ခုနှစ် အသက်၄၀အောက် ဩဇာအာဏာကြီးထွားလာဖို့သူ ၄၀ စာရင်းမာ ထည့်သွင်းဖော်ပြခြင်း ခံခရရေ။
၁၉၉၂ ခုနှစ်အစောပိုင်းမှ စပြီးကေ အိုဘားမားစွာ ရှီကာဂို တက္ကသိုလ် ဥပဒေကျောင်းမာ ဖွဲ့စည်းပုံ အခြီခံဥပဒေ နန့်ပတ်သက်ပနာ ၁၂ နှစ်တိုင် သင်ကြားပို့ချခရေ။ ၁၉၉၂ ခုနှစ်မှ ၁၉၉၆ ခုနှစ်အထိ ကထိက အဖြစ် ဆောင်ရွက်ခပြီးကေ ၁၉၉၆ ခုနှစ်မှ ၂၀၀၄ ခုနှစ်အထိ ဦးဆောင် ကထိက အဖြစ် ဆောင်ရွက်ခရေ။
ပြည်နယ်ဥပဒေပြုသူ (၁၉၉၇-၂၀၀၄)
[တီးဖြတ်ပါ | အရင်းအမြစ်ကိုတီးဖြတ်ပါ]အိုဘားမားစွာ ၁၉၉၆ ခုနှစ်မာ အီလီနွိုင်းပြည်နယ် ဆီးနိတ်လွှတ်တော် အမတ်အဖြစ် ရွီးကောက် တင်မြှောက်ခြင်းခံရရေ။ အီလီနွိုင်း နယ်မြီ၁၃ မှ ပြည်နယ်ဆီးနိတ်လွှတ်တော် အမတ် ယင်းပိုင်က်စ် ပါးမားကို ဆက်ခံခြင်းဖြစ်တေ။ ရွီးကောက်တင်မြှောက်ခြင်း ခံရယားရေအခါ ကိုယ်ကျင့်တရား နန့် ကျန်းမာရီးစောင့်ယှောက်မှု ဆိုင်ရာ ဥပဒေတိကို ပြင်ဆင်ခြင်းအတွက် ရီပတ်ဘလစ်ကင် နန့် ဒီမိုကရက် ပါတီနှစ်ခုစလုံးမှ ထောက်ခံခြင်းခံရသူဖြစ်လာရေ။ သူစွာ ဝင်ငွီနည်းသော အလုပ်သမားတိအတွက် အခွန်လျော့ပေါ့ရေနှုန်းကို တိုးမြှင့်ပီးခပြီး လူမှုရီး စောင့်ယှောက်မှု ပြုပျင်ပြောင်းလဲရီးအတွက် ဆွေးနွေးညှိနိုင်းခြင်းပြုပြီး အချေသူငယ်များစောင့်ယှောက်မှုအတွက် ထောက်ပံကြီးတိကို မြှင့်တင်ပီးခရေ။ ၂၀၀၁ ခုနှစ်မာ ပါတီနှစ်ခုစလုံး ပူးပေါင်းဆောင်ရွက်သော အုပ်ချုပ်ရီး စည်းမျှိုင်းစည်းကမ်းများ နန့်ဆိုင်ရေ ပူးတွဲကော်မတီမာ ဒု-ဥက္ကဋ္ဌအဖြစ် ဆောင်ရွက်ခရေ။ အိုဘားမားစွာ ရီပတ်ဘလစ်ကင် ပြည်နယ်အုပ်ချုပ်ရီးမှူး ရိုင်ယန်၏ လခထုတ်ရက် ချီးဖေသာဆိုင်ရာ စည်းကမ်းဥပဒေ နန့် အိမ်ဝယ်သူတိကို သားကောင်ဖြစ်စီရေ အပေါင်ခံဖေသာချီးခြင်း နန့်ပတ်သက်ရေ စည်းကမ်းဥပဒေကို ထိုသူရို့ အိမ်သိမ်းခံရဖို့အရီးမှ စောင့်ကြပ် ကြည့်ရှုဖို့အတွက် ထောက်ခံခရေ။
အိုဘားမားစွာ အီလီနွိုင်းပြည်နယ် ဆီးနိတ်လွှတ်တော်အမတ်အဖြစ် ၁၉၉၈ ခုနှစ်မာ ထပ်မံရွီးကောက်ခြင်းခံရယား ၂၀၀၂ ခုနှစ်မာ နောက်တခေါက် ထပ်မံရွီးကောက်ခြင်း ခံရပြန်ရေ။ ၂၀၀၀ ခုနှစ်မာ သူစွာ အမေရိကန် အထက်လွှတ်တော်အတွက် ဒီမိုကရက်တစ်ပါတီ အကြိုရွီးကောက်ပွဲမာ လက်ဟိအမတ်ဖြစ်ပြီးကေ သက်တမ်း ၄ ကြိမ်ဟိရေ ဘော်ဘီ ရပ်ရှ်သို့ ၂ ဆ ၁ ဆဖြင့် ယှုံးနိမ့်ခရေ။
၂၀၀၃ ခုနှစ် ဂျန်နဝါရီလမာ ဒီမိုကရက်တစ်ပါတီဝင်ရို့ ဆယ်စုနှစ်အထဲ ဆီးနိတ်လွှတ်တော်မာ အနည်းစု အဖြစ်မှ အများစု ဖြစ်လာခရေ။ ယင်းချိန်တွင် အိုဘားမားစွာ အီလီနွိုင်းပြည်နယ် ဆီးနိတ်လွှတ်တော်၏ ကျန်းမာရီးနန့် လူမှုရီးဆိုင်ရာ ဝန်ဆောင်မှုကော်မတီမာ ဥက္ကဋ္ဌ ဖြစ်လာခရေ။ သူစွာ လူမျိုးရီးအရခွဲခြား ဆက်ဆံခြင်းကို စောင့်ကြည့်ရေအနေနန့် ရဲရို့အား သူရို့ဖမ်းဆီးထိန်းသိမ်းရေ ယာဉ်မောင်းသူ၏ လူမျိုးကို မှတ်တမ်းတင်ရန် လိုအပ်ရေ ဥပဒေ နန့် အီလီနွိုင်းပြည်နယ်မှ ပထမဆုံးအနေနန့် စတင်ရေ လူသတ်မှုနန့် ပတ်သက်ပြီးကေ စစ်ကြောမီးမြန်းခြင်းကို ဗွီဒီယိုဖြင့် မဖြစ်မနီမှတ်တမ်းတင်ရန် လိုအပ်ရေ ဥပဒေရို့ကို ကမကထပြုပြီး ဦးဆောင်ခရေ။ ၂၀၀၄ ခုနှစ် အမေရိကန်ဆီးနိတ်လွှတ်တော်အတွက် အထွေထွေရွီးကောက်ပွဲ ကမ်ပိန်းမာ သီဒဏ်ချမှတ်မှု ပြုပျင်ပြောင်းလဲရီးကို ဥပဒေပြုရီးအတွက် တက်ကြွစွာပါဝင်လုပ်ဆောင်မှုကြောင့် ရဲကိုယ်စားလှယ်တိက အိုဘားမားအား ချီးကျူးဂုဏ်ပြုခရေ။ အိုဘားမားစွာ အမေရိကန်ဆီးနိတ် သို့ရွီးကောက်တင်မြှောက်ခြင်း ခံရယားနောက် ၂၀၀၄ ခု နိုဗန်ဘာလမာ အီလီနွိုင်းပြည်နယ် ဆီးနိတ်လွှတ်တော်မှ နုတ်ထွက်ခရေ။
၂၀၀၄ ခုနှစ် အမေရိကန်ဆီးနိတ် ကင်န်ပိန်း
[တီးဖြတ်ပါ | အရင်းအမြစ်ကိုတီးဖြတ်ပါ]၂၀၀၂ ခုနှစ်အလယ်ပိုင်းမာ အိုဘားမားစွာ အမေရိကန် ဆီးနိတ်အတွက် ရွီးကောက်ပွဲဝင်ရန် စိုင်းစားခပြီး နိုင်ငံရီး နည်းဗျူဟာပညာသျှင်အဖြစ် ဒေးဗစ်အိတ်ဇယ်ရော့ဒ် အားခန့်အပ်ခီရေ။ ဒေးဗစ်အိတ်ဇယ်ရော့ဒ်မှ အိုဘားမားအား နိူင်းပြိုင်အရွီးခံဖို့အကြောင်းကို ၂၀၀၃ ခုနှစ် ဂျန်နဝါရီလမာ တရားဝင်ကြေညာခရေ။ လက်ဟိ ရာထူးရဟိထားသူ ရီပတ်ဘလစ်ကင်အမတ် ပီတာ ဖစ်ဇ်ဂါရယ် နန့် ယင်းသူမရောက်ခင် ရာထူးရဟိခသူ ဒီမိုကရက်တ အမတ် ကာရိုး မော်စလီ ဘရောင်န် ရို့က ပြိုင်ပွဲဝင်မည်မဟုတ်ဟု ဆုံးဖြတ်ခကြယင့်အတွက် ရီပတ်ဘလစ်ကင် နန့် ဒီမိုကရက်တ ပါတီဝင် မကန်မဝှန် ဝင်ရောက်နိူင်းပြိုင်ခရာ အကြိုရွီးကောက်ပွဲမာ နိူင်းပြိုင်အရွီးခံသူ ၁၅ ဦးအထိ ဟိခရေ။ အိုဘားမား၏ နိူင်းပြိုင်အရွီးခံမှု ကို ကွယ်လွန်ပြီးရေ ချီကာဂိုမြို့တော်ဝန် ဟာရိုးဝါရှင်တန်၏ ပုံတိကို အထူးပြသတင်ဆက်ထားရေ အိတ်ဇယ်ရော့ဒ်၏ ကြော်ငြာကင်န်ပိမ်းမှ ပင်ဖြစ်ဖြစ်၊ ကွယ်လွန်ပြီးဖြစ်ရေ အယင်အီလီနွိုင်းမှ အမေရိကန်ဆီးနိတ်လွှတ်တော်အမတ် ပေါလ်ဆိုင်မွန်၏ သမီးမှ ထောက်ခံမှု ရို့မှ ပင်ဖြစ်ဖြစ် မြှင့်တင်ပီးခရေ။ သူစွာ အကြိုရွီးကောက်ပွဲမာ မဲရာခိုင်နှုန်း ၅၂ ရာခိုင်နှုန်းမျှရဟိခပြီးကေ သူ၏ နောက်ခါလိုက်သော ဒီမိုကရက်တစ်ပါတီ ပြိုင်ဖက်နန့် ၂၉ ရာခိုင်နှုန်းမျှ သာလွန်ခရေ။
အိုဘားမားနန့် အထွေထွေရွီးကောက်ပွဲမာ နိူင်းပြိုင်အရွီးခံဖို့ ရီပတ်ဘလစ်ကင်ပါတီမှ အကြိုရွီးကောက်ပွဲ အနိုင်ရဟိသူ ဂျက်ရိုင်ယန်စွာ ၂၀၀၄ ခုနှစ် ဂျုန်လမာ ပြိုင်ပွဲမှ နုတ်ထွက်လားခရေ။
၂၀၀၄ ခုနှစ် ဂျူလိုင်လမာ မက်ဆာချူးဆက်ပြည်နယ် ဘော့စတွန်မြို့မာ ကျင်းပသော ဒီမိုကရက်တ ပါတီ၏ အမျိုးသား ညီလာခံမာ အိုဘားမားစွာ အဓိကမိန့်ခွန်းကို ရီးသားပြောကြားခရေ။ သူ၏ အမင်ဖက်မှ အဖိုးတော်စပ်သူ၏ ဒုတိယကမ္ဘာစစ် စစ်ပြန်အတွိအကြုံ နန့် နယူးဒီး ဖက်ပြားဆတ်အိမ်ရာ စီမံခန့်ခွဲမှုနန့် G.I. Bill ဟုခေါ်ရေ ဒုတိယကမ္ဘာစစ်ပြန်တိအား ကောလိပ်ပညာရီးအထောက်အပံပီးမှု အစီအစိုင် မှ သူ၏အဖိုး အကျိုးအမြတ်ရခဲ့ပုံ ရို့အား ဖော်ပြထားခရေ။ အိုဘားမားစွာ အမေရိကန်အစိုးရ၏ စီးပွားရီး နန့် လူမှုရီးဆိုင်ရာ အတွက် ဦးစားပီး အစီအစိုင်ကို ပြောင်းလဲရန် ပြောကြားခရေ။ သူစွာ ဘွရှ် အစိုးရ၏ အီရတ်စစ်ပွဲနန့် ပတ်သက်ပြီးကေ စီမံခန့်ခွဲပုံကို မီးခွန်းထုတ်ခပြီးကေ အမေရိကန်မှ သူရို့၏ စစ်သားတိအတွက် တာဝန်ဝတ္တရားဟိပုံကို ဗွေယူ ပြောကြားခရေ။ မဲဆန္ဒနယ်တိနန့် ပတ်သက်ပြီး အလွန်အကျွံပါတီစွဲထားကတ်ခြင်းကို အမေရိကန်သမိုင်းကြောင်းမှ နမူနာတိကို ဆွဲထုတ်ပနာ ဝေဖန်ခပြီးကေ အမေရိကန်ရို့အား အမျိုးမျိုးအစားစားကွဲပြားခြင်း မဟိဘဲ ညီညွတ်ကတ်ရန် တိုက်တွန်းခရေ။ "ဒီမိုကရေစီကျပြီး ပြုပျင်ပြောင်းလဲလိုရေ လစ်ဘရယ်အမင်ရိကား နန့် ရှီးရိုးစွဲသော ကွန်ဆာဗေးတအမင်ရိကားဆိုစွာမာ မဟိပါ။ " ဟု ပြောကြားခရေ။ အဓိကသတင်းဌာနတိက မိန့်ခွန်းကို ထုတ်ရွှင့်မှုကြောင့် အိုဘားမားအား တနိုင်ငံလုံးနန့် ဆိုင်ရေ နိုင်ငံရီး ပြယုဂ်တခု ဖြစ်လှာစီခပြီး သူ၏ အမေရိကန် ဆီးနိတ် ကင်န်ပိန်းကို မြှင့်တင်ပီးခရေ။
ရိုင်ယန် နုတ်ထွက်ပြီး ၂လာအကြာ နန့် ရွီးကောက်ပွဲအတွက် ၃လလှောက်ပင် မလိုတော့သော အချိန်ဖြစ်ရေ ၂၀၀၄ ခုနှစ် သြဂတ်လမာ အလန် ကီးရက်စ်စွာ အီလီနွိုင်း ရီပတ်ဘလစ်ကင်ပါတီမှ ရိုင်ယန်၏ နီရာတွင် အစားထိုးရန် ရွီးချယ်မှု ကို လက်ခံခရေ။ မေရီလန်း ပြည်နယ်မာ အနီကြာသူဖြစ်ကေလေ့ ကီးရက်စ်စွာ ရွီးချယ်ခံရယားနောက်မာ အီလီနွိုင်းပြည်နယ်မာ တရားဝင်နီထိုင်သူ အဖြစ်ပြောင်းလဲခရေ။ ၂၀၀၄ ခုနှစ် နိုဗန်ဘာလ ရွီးကောက်ပွဲမာ အိုဗားမားစွာ မဲအရွီအတွက်၏ ၇၀ ရာခိုင်နှုန်းမျှ ရဟိခပြီးကေ ကီးရက်စ်မာ ၂၇ ရာခိုင်နှုန်းသာ ရဟိခဲ့သဖြင့် အီလီနွိုင်းပြည်နယ်၏ သမိုင်းမာ ပြည်နယ်တခုလုံး နိူင်းပြိုင်မှုမာ အများဆုံးကွာခြားချက်ဖြင့် အနိုင်ရဟိမှု ဖြစ်ခရေ။
အမေရိကန်ဆီးနိတ်လွှတ်တော်အမတ် (၂၀၀၅-အဂု)
[တီးဖြတ်ပါ | အရင်းအမြစ်ကိုတီးဖြတ်ပါ]အိုဘားမားစွာ ၂၀၀၅ ခုနှစ် ဂျန်နဝါရီလ ၄ ရက်နိမာ ဆီးနိတ်လွှတ်တော်အမတ်အဖြစ် ကျမ်းသစ္စာကျိန်ဆိုခရေ။ အိုဘားမားစွာ အမေရိကန်သမိုင်းကြောင်းမာ ၅ ယောက်မြောက် အာဖရိကန်-အမေရိကန် ဆီးနိတ်လွှတ်တော်အမတ်ဖြစ်ပြီးကေ တတိယမြောက် မဲမကန်မဝှန်ဖြင့် ရွီးချယ်ခံရသူဖြစ်တေ။ သူစွာ အမေရိကန်နိုင်ငံ အာဖရိကန်-အမေရိကန် ကွန်ဂရက် အဖွဲ့ဝင်များ အစည်းအရုံးမှ ပထမဆုံးဆီးနိတ်အဖွဲ့ဝင် အဖြစ် ရွီးချယ်ခံရသူလေ့ ဖြစ်တေ။ ပါတီစွဲမဟိရေ စီကျူ အပတ်စိုင်သတင်းစာမှ သူ့အား ၂၀၀၅မှ ၂၀၀၇ ခုနှစ်အထိ ဆီးနိတ်လွှတ်တော် မဲတိအပေါ် ခွဲခြမ်းစိတ်ဖြာ တွိဟိချက်အရ ဒီမိုကရက်တစ်ပါတီကို သစ္စာဟိသူအဖြစ် သတ်မှတ်ခပြီး အမျိုးသားဂျာနယ်မှ သူ့အား ၂၀၀၇ ခုနှစ်အထဲ ရွီးချယ်စိစစ်ထားရေ မဲတိအပေါ်မူတည်ပနာ လစ်ဘရယ်အဖြစ်ဆုံး ဆီးနိတ်လွှတ်တော်အမတ်အဖြစ် အဆင့်သတ်မှတ်ခရေ။ ၂၀၀၅ ခုနှစ်မာ အဆင့် ၁၆ ဟိခပြီး ၂၀၀၆ ခုနှစ်မာ အဆင့် ၁၀ အဖြစ် သတ်မှတ်ခရေ။ ၂၀၀၈ ခုနှစ်မာ Congress.org မှ ၁၁ ယောက်မြောက် ဩဇာလွှမ်းမိုးမှု အဟိဆုံး ဆီးနိတ်လွှတ်တော်အမတ် အဖြစ် သတ်မှတ်ခရေ။
ဥပဒေတိ
[တီးဖြတ်ပါ | အရင်းအမြစ်ကိုတီးဖြတ်ပါ]အိုဘားမားစွာ ၂၀၀၅ ခုနှစ် စွမ်းအင်ပေါ်လစီ အက်ဥပဒေကို ထောက်ခံမဲပီးခပြီးကေ လုံခြုံစိတ်ချရရေ အမင်ရိကား နန့် စနစ်ကျသော လူဝင်မှုကြီးကြပ်ရီး အက်ဥပဒေကို တွဲဘက်လို့ ကမကထပြုခရေ။ ၂၀၀၆ ခုနှစ် စတ်တင်ဘာလမာ အိုဘားမားစွာ ပုံစံတူဖြစ်ရေ လုံခြုံစိတ်ချရရေ နယ်စပ်တပ်ခြံ အက်ဥပဒေကို ထောက်ခံခရေ။ အိုဘားမားစွာ သူ၏နာမည်ပါဝင်ရေ အက်ဥပဒေ ၂ခုကို အစပျိုးခရေ။ တခုမာ လူဂါ-အိုဘားမားဖြစ်ပြီးကေ သမာရိုးကျ လက်နက်တိ၏ မျောက်ခြောက်ခြောက်မှု ကို ပူးပေါင်းလျှော့ချရီး ဥပဒေဖြစ်ရေ နန်း-လူဂါ အက်ဥပဒေကို ထပ်မံတိုးချဲ့ဖော်ဆောင်ထားခြင်းဖြစ်ပြီးကေ နောက်တခုမာ ကိုဘန်း-အိုဘားမား ပွင့်လင်းမှု အက်ဥပဒေဖြစ်ကာ ထိုအက်ဥပဒေမာ ဖက်ပြားဆတ်ဆိုင်ရာ သုံးစွဲမှုတိကို ရှာဖွီနှိုင်ရေ USAspending.gov အိန်တာနက် ရှာဖွေရီး စနစ်ကို တည်ထောင်ရန် အာဏာအပ်နှင်းခခြင်းဖြစ်တေ။ ၂၀၀၈ ခုနှစ် ဂျုန်လ ၃ရက်နိမာ အိုဘားမားစွာ ဆီးနိတ်လွှတ်တော်အမတ်များ ဖြစ်ကတ်သော သောမတ်စ် အာ ကာပါး၊ တွမ် ကိုဘန်း နန့် ဂျွန် မက်ကိန်းရို့နန့်အတူ နောက်ဆက်တွဲ အက်ဥပဒေကို စတင်မိတ်ဆက်ခပြီးကေ ၂၀၀၈ ခုနှစ် ဖက်ပြားဆတ် သုံးစွဲမှု နန့် သက်ဆိုင်ရေ ဥပဒေမာ ပွင့်လင်းမှု နန့် တာဝန်ခံမှု ကို ပိုပြီးကေနနောင်းစီရန်အတွက် ဖြစ်တေ။
အိုဘားမားစွာ နျူးကလီးယားစက်ရုံပိုင်သျှင်ရို့ အနေနန့် လေဒီအိုသတ္တိကြွ ယိုစိမ့်မှုဖြစ်ပေါ်ပါက ပြည်နယ်နန့် နယ်မြီအာဏာပိုင်ရို့ကို အကြောင်းကြားဖို့လိုအပ်ရေ ဥပဒေကို ကမကထပြုခရေ။ ၂၀၀၆ ခုနှစ် ဒီဇန်ဘာလမာ အမေရိကန် သမ္မတ ဘုရှ်စွာ ကွန်ဂို ဒီမိုကရက်တ သမ္မတနိုင်ငံ ကယ်ဆယ်ရီး၊ လုံခြုံရီး နန့် ဒီမိုကရေစီ မြှင့်တင်ရီး အက်ဥပဒေကို လက်မှတ်ရီးထိုးခပြီးကေ ပထမဆုံး အိုဘားမား အဓိက ကမကထပြုရေ ဖက်ပြားဆတ်ဥပဒေကို အတည်ပြုပြဋ္ဌာန်းခခြင်း ဖြစ်တေ။ ဂျန်နဝါရီလမာ အိုဘားမား နန့် ဆီးနိတ်လွှတ်တော်အမတ် ဖိန်းဂိုးရို့စွာ ဖြောင့်မတ်သော ဂေါင်းဆောင်မှု နန့် ပွင့်လင်းသော အစိုးရ အက်ဥပဒေကို ပူးပေါင်းပနာ အထောက်အကူပီး မိတ်ဆက်ခပြီးကေ ထိုအက်ဥပဒေမာ ၂၀၀၇ ခုနှစ် စတ်တင်ဘာလမာ ဥပဒေအဖြစ် လက်မှတ်ရီးထိုး အတည်ပြုခရေ။ သူစွာ ဖက်ပြားဆတ်ဆိုင်ရာ ရွီးကောက်ပွဲများမာ ဝါသော အလိအထတိကို ရာဇဝတ်မှု အဖြစ်သတ်မှတ်ဖို့အတွက် ဝါသော အလိအထတိနန့် မဲပီးသူအား မျောက်ခြောက်ခြောက်မှုတိမှ ကာကွယ်ရီး အက်ဥပဒေကို စတင်မိတ်ဆက်ပီးခရေ။ အိုဗားမားစွာ အီရတ်စစ်ပွဲ မြှင့်တင်မှုမှ လျှော့ချရီး အက်ဥပဒေကို ၂၀၀၇ ခုနှစ်မာ မိတ်ဆက်ပီးခရေ။
၂၀၀၇ ခုနှစ်နောက်ပိုင်းမာ လူတဦးချင်းစီ ကမောက်ကမဖြစ်ပါက စစ်တပ်မှထုတ်ပယ်ရန် အကာအကွယ်ပီးထားရေ ကာကွယ်ရီးဆိုင်ရာ အာဏာအပ်နှင်းရေ အက်ဥပဒေကို ကမကထပြုခရေ။ သူစွာ အီရန် စီးပွားရီးထီးမှု အတည်ဖြစ်ရီး အက်ဥပဒေကို ကမကထပြုခပြီး နိုင်ငံ၏ ပင်စင် ရန်ပုံဖေသာတိကို ထုတ်ပယ်ရန် အက်ဥပဒေကို ကမကထပြုခရေ။ ယင့်လောက်ရာမက အိုဘားမားစွာ ပြည်နယ်ဆိုင်ရာ ကောင်မချေျား၏ ကျန်းမာရီးအာမခံအစီအစိုင်ကို ဆီးနိတ်လွှတ်တော်မှ ပျင်ဆင်ချက်ကို လည်း ကမကထပြုဆောင်ရွက်ခရေ။ ထိုပရိုဂရမ်မှ စစ်ပွဲနန့်ဆိုင်ရေ အနာတရများရဟိထားရေ စစ်သားရို့၏ မိသားစုဝင်တိအတွက် အလုပ်ပြုတ်ဖို့ရန်မှ ၁ နှစ်အကာအကွယ်ပီးဖို့ ဥပဒေကိုလေ့ ကမကထပြုခရေ။
ကော်မတီများ
[တီးဖြတ်ပါ | အရင်းအမြစ်ကိုတီးဖြတ်ပါ]အိုဘားမားစွာ ဒီဇန်ဘာလ ၂၀၀၆ ခုနှစ်မှစပြီးကေ နိုင်ငံခြားဆက်ဆံရီး၊ ပတ်ဝန်းကျင်ထိန်းသိမ်းရီး၊ ပြည်သူ့လုပ်ငန်းနန့် စစ်ပြန်များရီးရာ ဆီးနိတ်ကော်မတီများ မာ တာဝန်ယူ ဆောင်ရွက်ဗျာယ် ဟိရေ။ ၂၀၀၇ ခုနှစ် ဂျန်နဝါရီလမာ သူစွာ ပတ်ဝန်းကျင်ထိန်းသိမ်းရီး နန့် စစ်ပြန်များရီးရာ ကော်မတီရို့မှ နုတ်ထွက်ခပြီး ကျန်းမာရီး၊ပညာရီး၊ အလုပ်သမားရီးရာ နန့် ပင်စင်ရီးရာ နန့် နိုင်ငံလုံခြုံရီး နန့် အစိုးရရီးရာ ကော်မတီများမာ တာဝန်အသစ်တိကို ရယူခရေ။ သူစွာ ဥရောပရီးရာ ဆိုင်ရာ ဆီးနိတ်ဆပ်ကော်မတီမာလည်း ဥက္ကဋ္ဌ အဖြစ်ဆောင်ရွက်ခရေ။ ဆီးနိတ် နိုင်ငံခြားဆက်ဆံရီး ကော်မတီ၏ အဖွဲ့ဝင်အနေနန့် အိုဘားမားစွာ အရှိဥရောပ၊ အရှိအလယ်ပိုင်း၊ အာသျှအလယ်ပိုင်း နန့် အာဖရိကရို့သို့ အစိုးရကိစ္စဖြင့် ခရီးများလားခီရေ။ သူစွာ မာမွတ် အာဘတ်စ် ကို ပါလက်စတိုင်း သမ္မတမဖြစ်မီအချိန်က တွိဆုံခပြီးကေ နိုင်ရိုဘီတက္ကသိုလ်မာ ကင်ညာအစိုးရ၏ အကျင့်ပျက်ခြစားမှုတိနန့် ပတ်သက်ပြီးကေ မိန့်ခွန်းပြောခရေ။
၂၀၀၈ ခုနှစ် သမ္မတရွီးကောက်ပွဲ
[တီးဖြတ်ပါ | အရင်းအမြစ်ကိုတီးဖြတ်ပါ]ဒီမိုကရက်တ သမ္မတလောင်း ဇာရက် အိုဘားမားစွာ ပထမအချီ စကားစစ်ထိုးပွဲအပြီးမာ ပြိုင်ဘက်ဖြစ်ရေ ရီပတ်ပလစ်ကန် သမ္မတလောင်း မက်ကိန်းအား အသာရနိန်ယာဟု ဆိုနှိုင်ရေ။ ရွီးကောက်ပွဲအစမာ နိုင်ငံရီးကိစ္စများအား အဓိကထား ယှဉ်ပြိုင်ရဖို့ဟု အတိကထင်မှတ်ခကတ်ကေလေ့ အမေရိကန်၏ ငွေရီးကြေးရီး လုပ်ငန်း၏ အချက်အချာ ဝေါလ်စထရိစ်မာ ဘဏ်များဒေဝါလီခံရေ အရီးကိစ္စများ၊ ရီနံဈီးတက်မှုတိနန့်တကွ စီးပွားရီးပြဿနာရေ အဓိကဖြစ်ခရေ။
လက်တွိမာလည်း တိုင်းပြည်စီးပွားရီးကိုမှန်ကန်လို့ ဦးဆောင်နိုင်သူကိုရာ အမေရိကန်ပြည်သူရို့က ရွီးချယ်ခကတ်တေ။ ကမ္ဘာအဝှမ်းမှ မျက်စိဒေါက်ထောက်ကြည့်နီသော ၂၀၀၈ ခုနှစ် အမေရိကန် သမ္မတရွီးကောက်ပွဲမာ အိုဘားမား အနိုင်ရဟိခရေကြောင့် အိုဘားမားစွာ အမေရိကန်သမိုင်းမာ ပထမဆုံးအနိန်နန့် အာဖရိကနွယ်ဖွား လူမည်းသမ္မတဖြစ်လာရေ။
ပေါ်လစီနန့် နိုင်ငံရီးဝါဒ
[တီးဖြတ်ပါ | အရင်းအမြစ်ကိုတီးဖြတ်ပါ]မိသားစုနန့် ကိုယ်ပိုင်ဘဝ
[တီးဖြတ်ပါ | အရင်းအမြစ်ကိုတီးဖြတ်ပါ]ဝထ္ထုတိ
[တီးဖြတ်ပါ | အရင်းအမြစ်ကိုတီးဖြတ်ပါ]Dreams of my Father
[တီးဖြတ်ပါ | အရင်းအမြစ်ကိုတီးဖြတ်ပါ]ဒေစာအုပ်စွာ အိုဘားမား အချေဘဝတိကို ထင်ဟပ်ထားရေ စာအုပ်ကောင်း တအုပ်ဖြစ်တေ။
The Audacity of Hope
[တီးဖြတ်ပါ | အရင်းအမြစ်ကိုတီးဖြတ်ပါ]ရည်ညွှန်းကိုးကား
[တီးဖြတ်ပါ | အရင်းအမြစ်ကိုတီးဖြတ်ပါ]- ↑ The truth about Barack's birth certificate။ my.barackobama.com။ 26 October 2008 မာ မူရင်းအား မော်ကွန်းတင်ပြီး။ 2008-06-13 မာ ပြန်စစ်ပြီး။
- ↑ The Nobel Peace Prize 2009။ Nobel Foundation။ 2009-10-09 မာ ပြန်စစ်ပြီး။
- ↑ Surprise Nobel for Obama Stirs Praise and Doubts - The New York Times
- ↑ Obama (1995), pp. 9–10. For book excerpts, see "Barack Obama: Creation of Tales"၊ East African၊ November 1, 2004။ 2008-04-13 တွင် ပြန်စစ်ပြီး။ Archived from the original on 27 September 2007။
- ↑ Obama (1995), pp. 125–126. See also: Jones၊ Tim။ "Obama's Mom: Not Just a Girl from Kansas"၊ Chicago Tribune၊ March 27, 2007။ 2008-04-13 တွင် ပြန်စစ်ပြီး။ Archived from the original on 29 July 2012။
- ↑ Merida၊ Kevin။ "The Ghost of a Father"၊ Washington Post၊ December 14, 2007။ 2008-06-24 တွင် ပြန်စစ်ပြီး။ ဆက်ရှုရန်: Ochieng၊ Philip။ "From Home Squared to the US Senate: How Barack Obama Was Lost and Found"၊ East African၊ November 1, 2004။ 2008-06-24 တွင် ပြန်စစ်ပြီး။ Archived from the original on 27 September 2007။ ၂၀၀၆ ခုနှစ် သြဂတ်လမာ အိုဘားမား၊ သူ၏ဇနီး နန့် သမီးနှစ်ယောက်ရို့ ဖခင်၏ဌာနေ ဖြစ်ရေ(ကင်ညာနိုင်ငံ ကီစူမူနားမာ ဟိရေရွာ) သို့ လားရောက်လည်ပတ်ကတ်တေ။ Gnecchi၊ Nico။ "Obama Receives Hero's Welcome at His Family's Ancestral Village in Kenya"၊ Voice of America၊ August 27, 2006။ 2008-06-24 တွင် ပြန်စစ်ပြီး။ Archived from the original on 16 January 2008။
- ↑ Serafin၊ Peter။ "Punahou Grad Stirs Up Illinois Politics"၊ Honolulu Star-Bulletin၊ March 21, 2004။ 2008-04-13 တွင် ပြန်စစ်ပြီး။ Archived from the original on 18 September 2008။ See also: Obama (1995), Chapters 3 and 4.
- ↑ Ripley၊ Amanda။ "The Story of Barack Obama's Mother"၊ Time၊ April 9, 2008။ 2008-06-24 တွင် ပြန်စစ်ပြီး။ Archived from the original on 1 April 2012။ See also: Suryakusuma၊ Julia။ "Obama for President... of Indonesia"၊ Jakarta Post၊ November 29, 2006။ 2008-06-24 တွင် ပြန်စစ်ပြီး။ Archived from the original on 29 September 2007။
- ↑ Oxy Remembers "Barry" Obama '83။ Occidental College (January 29, 2007)။ 28 August 2008 မာ မူရင်းအား မော်ကွန်းတင်ပြီး။ 2008-04-13 မာ ပြန်စစ်ပြီး။
- ↑ Boss-Bicak, Shira။ "Barack Obama '83"၊ Columbia College Today၊ January 2005။ 2008-06-09 တွင် ပြန်စစ်ပြီး။ Archived from the original on 5 September 2008။
- 1 2 Chassie, Karen (ed.) (2007). Who's Who in America, 2008. New Providence, NJ: Marquis Who's Who. p. p. 3468. ISBN 9780837970110. Archived from the original on 20 April 2010. Retrieved 2008-06-06.
{{cite book}}:|author=has generic name (help);|page=has extra text (help) - ↑ Scott၊ Janny။ "Obama's Account of New York Years Often Differs from What Others Say"၊ The New York Times၊ October 30, 2007။ 2008-04-13 တွင် ပြန်စစ်ပြီး။ Obama (1995), pp. 133–140; Mendell (2007), pp. 62–63.
- ↑ Secter, Bob; McCormick, John။ "Portrait of a pragmatist"၊ Chicago Tribune၊ 2007-03-30၊ စာ- 1။ 2008-06-06 တွင် ပြန်စစ်ပြီး။ Archived from the original on 9 February 2008။ Lizza၊ Ryan။ "The Agitator: Barack Obama's Unlikely Political Education" (alternate link)၊ New Republic၊ 2007-03-19။ 2008-04-13 တွင် ပြန်စစ်ပြီး။ Archived from the original on 12 January 2010။ Obama (1995), pp. 140–295; Mendell (2007), pp. 63–83.
- ↑ Matchan, Linda။ "A Law Review breakthrough" (paid archive)၊ The Boston Globe၊ 1990-02-15၊ စာ- 29။ 2008-06-06 တွင် ပြန်စစ်ပြီး။ Archived from the original on 6 June 2008။ Corr, John။ "From mean streets to hallowed halls" (paid archive)၊ The Philadelphia Inquirer၊ 1990-02-27၊ စာ- C01။ 2008-06-06 တွင် ပြန်စစ်ပြီး။ Archived from the original on 3 March 2016။
- ↑ Obama, Barack (August–September 1988). "Why organize? Problems and promise in the inner city". Illinois Issues 14 (8–9): 40–42. Retrieved on 2008-06-06. reprinted in: Knoepfle, Peg (ed.) (1990). After Alinsky: community organizing in Illinois. Springfield, IL: Sangamon State University. pp. pp. 35–40. ISBN 0962087335. Retrieved 2008-06-06.
{{cite book}}:|author=has generic name (help);|pages=has extra text (help) Tayler, Letta; Herbert, Keith။ "Obama forged path as Chicago community organizer"၊ Newsday၊ 2008-03-02၊ စာ- A06။ 2008-06-06 တွင် ပြန်စစ်ပြီး။ Archived from the original on 30 September 2008။ - ↑ Obama (1995), pp. 299–437.
- 1 2 Levenson, Michael; Saltzman, Jonathan။ "At Harvard Law, a unifying voice"၊ The Boston Globe၊ 2007-01-28။ 2008-06-15 တွင် ပြန်စစ်ပြီး။ Kantor, Jodi။ "In law school, Obama found political voice"၊ The New York Times၊ 2007-01-28၊ စာ- 1။ 2008-06-15 တွင် ပြန်စစ်ပြီး။ Kodama, Marie C။ "Obama left mark on HLS"၊ The Harvard Crimson၊ 2007-01-19။ 2008-06-15 တွင် ပြန်စစ်ပြီး။ Mundy, Liza။ "A series of fortunate events"၊ The Washington Post၊ 2007-08-12၊ စာ- W10။ 2008-06-15 တွင် ပြန်စစ်ပြီး။ Heilemann, John (October 22, 2007). "When they were young". New York 40 (37): 32–7, 132–3. Retrieved on 2008-06-15. မော်ကွန်းတင်ပြီးမိတ္တူ။ 4 March 2016 မာ မူရင်းအား မော်ကွန်းတင်ပြီး။ 12 October 2012 မာ ပြန်စစ်ပြီး။ Mendell (2007), pp. 80–92.
- 1 2 Butterfield, Fox။ "First black elected to head Harvard's Law Review"၊ The New York Times၊ 1990-02-06၊ စာ- A20။ 2008-06-15 တွင် ပြန်စစ်ပြီး။ Ybarra, Michael J။ "Activist in Chicago now heads Harvard Law Review" (paid archive)၊ Chicago Tribune၊ 1990-02-07၊ စာ- 3။ 2008-06-15 တွင် ပြန်စစ်ပြီး။ Archived from the original on 9 October 2012။ Matchan, Linda။ "A Law Review breakthrough" (paid archive)၊ The Boston Globe၊ 1990-02-15၊ စာ- 29။ 2008-06-15 တွင် ပြန်စစ်ပြီး။ Archived from the original on 6 June 2008။ Corr, John။ "From mean streets to hallowed halls" (paid archive)၊ The Philadelphia Inquirer၊ 1990-02-27၊ စာ- C01။ 2008-06-15 တွင် ပြန်စစ်ပြီး။ Archived from the original on 3 March 2016။ Drummond, Tammerlin။ "Barack Obama's Law; Harvard Law Review's first black president plans a life of public service" (paid archive)၊ Los Angeles Times၊ 1990-03-12၊ စာ- E1။ 2008-06-15 တွင် ပြန်စစ်ပြီး။ Archived from the original on 9 October 2012။ Pugh, Allison J. (Associated Press)။ "Law Review's first black president aims to help poor" (paid archive)၊ The Miami Herald၊ 1990-04-18၊ စာ- C01။ 2008-06-15 တွင် ပြန်စစ်ပြီး။
- ↑ Aguilar, Louis။ "Survey: Law firms slow to add minority partners" (paid archive)၊ Chicago Tribune၊ 1990-07-11၊ စာ- 1 (Business)။ 2008-06-15 တွင် ပြန်စစ်ပြီး။ Archived from the original on 26 July 2013။ "Barack Obama, a summer associate at Hopkins & Sutter in Chicago"
- 1 2 3 Scott, Janny။ "The story of Obama, written by Obama"၊ The New York Times၊ 2008-05-18၊ စာ- 1။ 2008-06-15 တွင် ပြန်စစ်ပြီး။ Obama (1995), pp. xiii–xvii.
- ↑ White, Jesse (ed.) (2000). Illinois Blue Book, 2000, Millennium ed. Springfield, IL: Illinois Secretary of State. p. p. 83. OCLC 43923973. Archived from the original on 7 May 2009. Retrieved 2008-06-06.
{{cite book}}:|author=has generic name (help);|page=has extra text (help) - ↑ Jarrett, Vernon။ "'Project Vote' brings power to the people" (paid archive)၊ Chicago Sun-Times၊ 1992-08-11၊ စာ- 23။ 2008-06-06 တွင် ပြန်စစ်ပြီး။ Archived from the original on 11 October 2012။ Reynolds, Gretchen (January 1993). "Vote of Confidence". Chicago (magazine) 42 (1): 53–54. Retrieved on 2008-06-06. Anderson, Veronica (September 27–October 3, 1993). "40 under Forty: Barack Obama, Director, Illinois Project Vote". Crain's Chicago Business 16 (39): 43. Retrieved on 2008-06-06.