မာတီ အာတစ်ဆရီ
 |
မာတီ အွိုင်ဗာ ကာလဗ်ဗီ အာတစ်ဆရီ (၁၉၃၇ ဂျုန်လ ၂၃ မွီး) သည် ဖင်လန်နိုင်ငံ၏ ဒဿမမြောက် သမ္မတ (၁၉၉၄-၂၀၀၀) ဖြစ်ပြီးကေ ငြိမ်းချမ်းရီး နိုဘယ်ဆုရှင် တဦးလေ့ ဖြစ်တေ။ ကုလသမဂ္ဂ၏ သံတမန် တဦးဖြစ်ရေအပြင် စီစပ်ညှိနှိုင်းသူ တဦးလေ့ ဖြစ်ကာ သူ၏ နိုင်ငံတကာ ငြိမ်းချမ်းရီးနန့် ပတ်သက်တေ လုပ်ဆောင်ချက်တိကြောင့် ထင်ရှားရေ။
အာတစ်ဆရီသည် ၂၀၀၈ ခုနှစ်မာ ဆားဘီးယားနိုင်ငံ မှ သီးသန့်နိုင်ငံအဖြစ် ခွဲထွက်ကြောင်း ကြေညာခရေ ကိုဆိုဗိုနိုင်ငံ၏ ရပ်တည်မှုနန့် ပတ်သက်ရေကိစ္စအတွက် ကုလသမဂ္ဂ၏ အထူးသံတမန် တဦးအဖြစ် ဆောင်ရွက်ခပြီးကေ ကာလရှည်ကြာ အဆံရှည်နှိုင်ရေ အငြင်းပွားမှုကို ပြေလည်စီရန် ဦးတည်ဆောင်ရွက်ခရေ။ ၂၀၀၈ ခုနှစ် အောက်တိုဘာလမာ သူ့အား "ဆယ်စုနှစ် ၃ ခုအထဲ ကမ္ဘာ့ပေါ်ဟိ တိုက်ကြီးတချို့မာ ဖြစ်ပွားနီရေ အပြည်ပြည်ဆိုင်ရာ အငြင်းပွားမှုတိကို ပြေလည်စီရန် ဆောင်ရွက်ခရေအတွက်" ငြိမ်းချမ်းရီး နိုဘယ်ဆု အပ်နှင်း ချီးမြှင့်ခံခရရေ။ နိုဘယ်ဆုချီးမြှင့်ရီး ကော်မတီမှ ထုတ်ပြန်ကြေညာချက်မာ အာတစ်ဆရီသည် နမီးဘီးယားနိုင်ငံ၊ အင်ဒိုနီးရှားနိုင်ငံ၊ ကိုဆိုဗိုနိုင်ငံ၊ အီရတ်နိုင်ငံ ရို့မာ ဖြစ်ပွားခရေ ပဋိပက္ခမားကို ဖြီယှင်းရာမာ အရေးပါရေ နီရာမှ ပါဝင်ခကြောင်း ရီးသားထားရေ။