မာလာလာ

မာလာလာ ယူဆပ်ဇိုင်ယာ
Yousafzai at Girl Summit 2014
မွီးသက္ကရာဇ်	၁၂ ဂျူလိုင် ၁၉၉၇ မင်ဂိုရာ၊ ခီဘာ ပတ်တွန်ခဝါပြည်နယ်၊ ပါကစ္စတန်
ဌာနေ	ဘာမင်ဂမ်မြို့, အင်္ဂလန်
နိုင်ငံလူမျိုး	တမ်းပလိတ်:Country data ပါကစ္စတန်နိုင်ငံ
လူမျိုး	Pashtun
အလုပ်အကိုင်	ဘလော့ဂါ၊ အမျိုးသမီး အခွင့်အရီးနန့် ပညာသင်ကြားခွင့်ရဟိရီးလှုပ်ရှားသူ
ကျော်ကြားမှုအရင်းခံ	အမျိုးသမီးပညာသင်ကြားခွင့်ရဟိရီး လှုပ်ရှားသူ
ဆွီမျိုးသားချင်း	Toorpekai Yousafzai (မိခင်) ဇီယာအူဒင် ယူဆပ်ဇိုင်ယာ (ဖခင်)
ရဟိခရေဘွဲ့တံဆိပ်တိ	ငြိမ်းချမ်းရီး နိုဘယ်ဆု စက်ခါရော့ဗ်ဆု Simone de Beauvoir Prize Honorary Canadian citizenship အမျိုးသားလူငယ်ငြိမ်းချမ်းရီးဆု

သူမနာမည် အပြည့်အစုံက မာလာလာ ယူဆပ်ဇိုင်ယာ ဖြစ်တေ။ ယကေလေ့ တကမ္ဘာလုံးကတော့ သူ့ကို မာလာလာ လို့ ရာ ချစ်စနိုးခေါ်ကတ်တေ။ ၁၉၉၇ ခုနှစ် ဂျူလိုင် ၁၂ ရက်နိမာ မွီးဖွားခရေ။ အချေ တယောက်လှောက်သာ ဟိသိမ့်ကေလေ့ မကြာသိမ့်ခင် သူမ အသက် ၁၆ နှစ်ပြည့်မြောက်တေနိမာ ကုလသမဂ္ဂသို့တက်ပြီး စကားပြောခွင့်ရရေ။ ကုလသမဂ္ဂ၏ အထူးအာဂန္တုတော်ကြီးတိရာ ထိုင်ရလိ့ဟိရေ အတွင်းရီးမှူးချုပ် ဘန်ကီမွန်း နားမာ ထိုင်ခွင့်ရပြီး ကမ္ဘာ့ဂေါင်းဆောင်တိနန့် တတန်းတည်းထားကာ ဆက်ဆံခြင်းခံခရရေ။

မာလာလာရေ ပါကစ္စတန် အနောက်မြောက်ပိုင်း ခီဘာ ပတ်တွန်ခဝါပြည်နယ်၊ ဆွပ်ဒေသအထဲဟိ မင်ဂိုရာမြို့ချေတခုမာ မွီးဖွားခရေ သာမန် ကလိန့်မေသျှေတဦးရာ ဖြစ်တေ။ ဆွပ်တောင်ကြားဒေသမာ တာလီဘန်ရို့ စိုးမိုးဗျာယ် ဟိပြီးအမျိုးသမီးများ ကျောင်းတက်ခွင့်ကို ပိတ်ပင်ထားရာ ဒေသမာ သူမ လူဖြစ်လှာရခြင်းဖြစ်တေ။

၂၀၀၉-ခုနှစ် အစောပိုင်း၊ မာလာလာ အသက် ၁၂ နှစ်သမီးအရွယ်မာ ဘီဘီစီ blog သို့ နာမည်ဝှက်ဖြင့် တာလီဘန်ရို့ အုပ်စိုးမှုအောက်မာ နီထိုင်ရရေ အမျိုးသမီးရို့ဘဝအကြောင်း ရီးသားပီးပို့လိုက်ရေ။ တာလီဘန်ရို့ အုပ်စိုးမှုအောက်မာ အမျိုးသမီးရို့စွာ ပညာသင်ကြားခွင့်မရသိလို့ အမျိုးသမီးများ ပညာသင်ကြားခွင့်ရရီးကို သူမအမြင်နန့် စာရီးကာ ပီးပို့လိုက်ခြင်းဖြစ်တေ။

နောက်နှစ်နွီရာသီမာ နယူးယော့ခ်တိုင်းမ်းသတင်းစာကြီးက ဖြစ်ရပ်မှန် မှတ်တမ်းတင် ရုပ်ရှင်ဇာတ်လမ်းတိုလေးတခုကို သူမကို အခြီပြုပြီး လာရိုက် လားရေ။ ထိုဒေသကို သတင်းအဖွဲ့က ခက်ခဲစွာလာရောက်ပြီး စွန့်စားရိုက်ကူးသွားရေ သတင်းတိုလေးအား ကမ္ဘာသို့ ထုတ်ရွှင့်ပြရေပိုင်က်ခြင်းကြောင့် မာလာလာနန့် ပါကစ္စတန်နိုင်ငံ တာလီဘန်ရို့လက်အောက်မာ နီထိုင်ရရေ အမျိုးသမီးရို့ အခွင့်အရီးများ ဆုံးယှုံးနေခြင်းကို ကမ္ဘာက သိဟိလားဖိရေ။ ယင်းကနိန်တ်တမ်းရုပ်ရှင်ချေကြောင့် မာလာလာကို လူသိများလားခီရေ။ သတင်းမီဒီယာနန့် ရုပ်သံဌာနတိကလေ့ လာရောက်ပြီး စနည်းနာမီးမြန်းကာ သတင်းမီဒီယာများမာ ရီးသားဖော်ပြခကတ်တေ။

အမျိုးသမီးတိနန့် အချေသူငယ်များဆိုင်ရာ ပညာသင်ခွင့်အတွက် သူမလှုပ်ယှားမှုတိကို ကမ္ဘာက အသိအမှတ်ပြုရေ အနိန်နန့် ဒက်စ်မွန် တူးတူး ပီးအပ်ရေ နိုင်ငံတကာအချေတိ ငြိမ်းချမ်းရီးဆုအတွက် လျာထားခြင်းခံရရေပိုင်၊ ငြိမ်းချမ်းရီး နိုဗယ်ဆုတိလေ့ ပီးဖို့ လျာထားခြင်းခံရရေ။ ကမ္ဘာ့သမိုင်းမာ အသက်အငယ်ဆုံး ထိုဆုတိကို လျာထား ခြင်းခံရလေ့ ဖြစ်တေ။ ပါကစ္စတန်နိုင်ငံ၏ အမျိုးသားလူငယ်ငြိမ်းချမ်းရီးဆုကိုလေ့ ပထမဆုံးအနိန်နန့် ရဟိခရေ။

၂၀၁၂ ခုနှစ် အောက်တိုဘာ ၉ ရက်နိမာ မာလာလာနန့် သူငယ်ချင်းများ ကျောင်းမှအိမ်ကိုပြန်လာရေ ဘတ်စ်ကားကို တာလီဘန်ရို့စွာ ရပ်ခိုင်းပြီး မာလာလာ၏ အဂေါင်းနန့် လိုင်ဖင်းရို့ကို သီနတ်ဖြင့်ပစ်ကာ လုပ်ကြံသတ်ဖြတ်ခရေ။ အဂေါင်းသီနတ်ဒဏ်ရာကြောင့် သတိမိလားပြီး အသက်အန္တရာယ် စိုးရိမ်ရရေ အနိန်အထားသို့ ရောက်ခရေ။ ပါကစ္စတန် ဆီးရုံးကတဆင့် အခြီအနီစိုးရိမ်ရရေအတွက် ဗြိတိန်နိုင်ငံ၊ ဘာမင်ဟမ်ဟိ ကွင်း အဲလိဇဘတ်ဆီးရုံကြီးသို့ ပီးပို့လိုက်ရ ရေ။ အောက်တိုဘာ ၁၂ ရက်နိမာ ပါကစ္စတန်ဟိ အစ္စလမ်မစ် ဘာသာရီးဂေါင်းဆောင် ၅၀ သည် သူမကို သတ်ရန် အားထုတ်ခရေ တာလီဘန်ရို့ကို အစ္စလမ် ဓမ္မသတ်နန့် ဆန့်ကျင်သူတိဟု ကြေညာခရေ။ တာလီဘန်ရို့ကလေ့ မာလာလာကို မသီမချင်း ထပ်လုပ်ကြံဖို့အပြင် သူမ၏ ဖခင်ကိုပါ သတ်ပစ်ဖို့လို့ ခြိမ်းခြောက်ခကတ်တေ။

အယင် ဗြိတိန် ဝန်ကြီးချုပ်ဖြစ်ခပြီးကေ၊ အဂု ကုလသမဂ္ဂ ပညာရီးအထူးသံတမန်အဖြစ် တာဝန်ထမ်းဆောင်နိန်ရေ ဂေါ်ဒန် ဘရောင်းကလေ့ ကုလသမဂ္ဂ၏ ပန်ကြားလွှာမာ မာလာလာ၏နာမည်ကို ၂၀၁၅ ခုနှစ်မာ အချေတိအားလုံး ကျောင်းသို့ရောက်ဖို့ မြှောက်ပင့်ပီးရေ ဆောင်ပုဒ်အဖြစ်သုံးရန် တင်ပြခရေ။ ထိုဆောင်ပုဒ်မာ I am Malala ဖြစ်တေ။ ထိုဆောင်ပုဒ်ကို ပါကစ္စတန် သမ္မတ အဆစ် အလီ ဇာဒါရီထံ ဂေါ်ဒန် ဘရောင်းက လာဖို့ နိုဗန်ဘာလမာ လွှဲပြောင်းပီးအပ်ဖို့ ဖြစ်တေ။ ကုလသမဂ္ဂ အတွင်းရီးမှူးချုပ် မစ္စတာ ဘန်ကီမွန်းကလေ့ ဂျူလိုင်လ ၁၂ ရက်နိ (မာလာလာမွီးနိ) ကို “မာလာလာနိ” အဖြစ်ကျင်းပရန် ကြေညာခရေ။ အဓိကဦးတည်ချက်မာ အချေတိအတွက် ပညာရီးပန်းတိုင် မပျောက်ရီးကို ဦးတည်လုပ်ဆောင်ကတ်ရန်ဖြစ်တေ။

၂၀၁၃ ခုနှစ် ဧပြီလ ၂၉ ရက်နိ Time မဂ္ဂဇင်း မျက်နှာဖုံးမာ ကမ္ဘာကို အလွှမ်းမိုးဆုံး ပုဂ္ဂိုလ် ၁၀၀ စာရင်းဝင်အဖြစ် မာလာလာကို ဂုဏ်ပြုဖော်ပြခရေ။ သူမကို ဂုဏ်ပြုရေဆောင်းပါးကိုလေ့ ယင်းမဂ္ဂဇင်းမာ အမေရိကန် သမ္မတဟောင်း ဘီလ် ကလင်တန်၏ သမီးဖြစ်သူ ချဲလ်ဆီးလ် ကလင်တန်က ရီးသား ခရေ။

၂၀၁၃ ခုနှစ် ဂျူလိုင်လ ၁၂ ရက်နိ မာလာလာ ၁၆ နှစ်ပြည့် မွီးနိမာပြန်ပနာမြန်စင်ရေ မာလာလာကို ကုလသမဂ္ဂ လူငယ်ညီလာခံမာ တက်ရောက် မိန့်ခွန်းပြောကြားခွင့်ပြုခရေ။

ကုလသမဂ္ဂ အထွေထွေညီလာခံသို့ ဆရာအသစ်များ၊ ကျောင်းတိ၊ စာအုပ်တိနန့်ရဟိရီးအတွက် ထောက်ပင့်ရန်နန့် ၂၀၁၅ ခုနှစ် ဒီဇန်ဘာလမာ အချေတိုင်း ကျောင်းတက်ခွင့်ရရီး၊ ပညာသင်ခွင့်ရရီးကို တိုက်တွန်းတောင်းဆိုခရေ။

မာလာလာကို ဖခင်ဖြစ်သူ ဇီယာအူဒင် ယူဆပ်ဇိုင်ယာက အိမ်မာခိုးပြီး ပညာသင်ကြားပီးခရေ။ သူ့ဖခင်သည် ကဗျာဆရာ တယောက်ဖြစ်ပြီး၊ ကျောင်းတကျောင်းလေ့ ဖွင့်ထားရေ။ သူစွာ ပညာရီးနန့်ပတ်သက်ပြီး အစိုင်အလာကို ဆန့်ကျင် သော တက်ကြွရေ လှုပ်ရှားသူတဦးလေ့ဖြစ်တေ။ သူ့ကျောင်းနာမည်မာ ခူရှာလ်ပြည်သူ့ကျောင်း ဖြစ်တေ။ မာလာလာ သည် ဒက်တင်ဖြစ်ချင်ကေလေ့ ဖခင်က နိုင်ငံရီးသမား ဖြစ်စီချင်ခရေ။ သို့တွက်နန့် ညမအိပ်မီ သမီးနန့် နှစ်ယောက်သား နိုင်ငံရီးအကြောင်းတိကို ညဉ့်နက်သည်အထိ ပြောဆိုဆွေးနွေး ငြင်းခုံခကတ်တေ။

၂၀၀၈ ခုနှစ်လောက်မာ မာလာလာကိုယ်တိုင်က အမျိုးသမီးများ ပညာသင်ကြားခွင့်ရဟိရီးအတွက် စတင်ပြောကြားပါလတ်တေ။ သူမဖခင်က ပတ်ရှ်ဝါမြို့ဟိ သတင်းဌာနတခုသို့ ခေါ်လားပြီး သမီးကို စကားပြောစီခခြင်းဖြစ်တေ။

“တာလီဘန်တိက အကျွန်ပါးကနေ ပညာသင်ကြားပိုင်ခွင့်ကို သိမ်းပိုက်ထားလို့ရလား” ဆိုရေ သူမ၏ ရဲရဲတောက် ပြောကြားမှုတိသည် သတင်းစာတိနန့် ရုပ်မြင်သံကြားများမာ ဖော်ပြခြင်း ခံလိုက်ရပြီဂ ဒေသတလုံးသို့ပြန့်နှံ့လားကာ တာလီဘန်ရို့ကိုလေ့ စိန်ခေါ်လိုက်တေပိုင် ဖြစ်လားခရေ။

၂၀၀၉ ခုနှစ်မာ မာလာလာရေ ဘီဘီစီ အူရ်ဒူအစီအစိုင်သို့ စာတစောင်ရီးပို့လိုက်ရေ။ ဘီဘီစီသတင်းထောက် အဘဒူဟိုင် ကာကာအား မာလာလာ၏ဖခင်က တာလီဘန်ရို့လက်အောက်ဟိ အမျိုးသမီးရို့၏ ပညာသင်ကြားရရေဘဝကို စာဖြင့် ရီးသားပီးပို့ရန် ဖိတ်ခေါ်ခိုင်းခရေ။

ယင်းခါက တာလီဘန်စစ်ရီးဂေါင်းဆောင်မာ မော်လာနာ ဖာဇ်လူလာဖြစ်ရေ။ မော်လာနာရေ ဆွပ်တောင်ကြားဒေသကို သိမ်းပိုက်ပြီး စိုးမိုးနီသူလေ့ဖြစ်တေ။ သူက ရုပ်မြင်သံကြားကြည့်ခွင့်၊ တေးခြင်းနားထောင်ခွင့်၊ ကလိန့်မေသျှေများ ပညာသင်ကြားခွင့်နန့် ကလိန့်မေသျှေများ စျီးပြုထွက်ခွင့်ရို့ကိုပါ ပိတ်ပင်တားမြစ်ခရေ။ ပြည်သူတိကို ခြိမ်းခြောက်ရေ အနိန်နန့် ခေါင်းဖြတ်ထားရေ ရဲတိ၏ အလောင်းတိကို မြို့လယ်ဟိ ကွက်လပ်မာ ချိတ်ဆွဲပြသထားခရေ။

မာလာလာဖခင်ကျောင်းမှ အီရှာဆိုသူက ဘီဘီစီထံ စာတစောင်ရီးရန် သဘောတူခကေလေ့ မိဘတိက တာလီဘန်ရို့ သတ်ဖြတ်မည်ကို စိုးရိမ်သဖြင့် အစီစိုင် ပျက်လားခရရေ။ ယင်းအတွက်နန့် မာလာလာက ဘီဘီစီထံစာရီးရန် သဘောတူလိုက်ပြီး စာရီးပီးခခြင်းဖြစ်တေ။

၂၀၀၉ ခုနှစ် ဂျန်နဝါရီ ၃ ရက်နိမာ မာလာလာ၏ စာကို ဘီဘီစီ အူရ်ဒူပိုင်းအစီအစိုင်ကို ရွှင့်ထုတ်ဖတ်ပြခရေ။ ဆွပ်နယ် မာ တာလီဘန်ရို့ရေ ကျောင်းတက်နီရေ အမျိုးသမီးတိကို လိုက်လံတားမြစ်ခရေအပြင် မာလာလာတက်နီရေ ကျောင်းကိုလေ့ ပိတ်လိုက်လီရေ။

၂၀၀၉ ခုနှစ် ဂျန်နဝါရီ ၁၅ ရက်နိမာ တာလီဘန်ရို့က မင်ဂိုရာမာ ဇာ ကလိန့်မေသျှေမှ ကျောင်းမတက်ရအမိန့်ထုတ်လိုက်ရေ။ ယင်းအပြင် အမျိုးသမီး ကျောင်းပေါင်း ၁၀၀ လောက်ကိုလေ့ ဗုံးတိနန့် ဖောက်ခွဲဖျက်ဆီးခရေ။ မာလာလာတက်နီ ရေကျောင်းမှ ကျောင်းအုပ်ကြီးကလေ့ ကျောင်းသူတိကို ကျောင်းလာကေ ကျောင်းဝတ်စုံဝတ်မလာဘဲ သာမန်ဝတ်စုံတိနန့်သာ လာကတ်ရန်ပြောခရေ။ မာလာလာက ထိုအကြောင်းနန့်ပတ်သက်ပြီး “သမီးကတော့ သမီးအကြိုက်ဆုံး ပန်းရောင် ဝတ်စုံသျှေကို ဝတ်ဖို့ ဆုံးဖြတ်လိုက်တေ။ အရာ ကလိန့်မေသျှေတိလေ့ ကျောင်းကို အဝတ်အစား အမျိုးမျိုးတိနန့် ရောက်လှာကတ်ရေ။ ကျောင်းက ကျောင်းနန့် မတူရာ အိမ်ပိုင် ဖြစ်လားရေ” လို့ သူ့ blog မာ ရီးသားခရေ။

မာလာလာရေ ၂၀၀၉ ခုနှစ်မှ စတင်ပြီး အမျိုးသမီးများ ပညာသင်ကြားခွင့် ရရီးကို သူမ၏ blog ကလေ့ကောင်း၊ ကျောင်းတိ ဒေသများအတွင်းကို လှည့်လည်လားလာလို့ပင်ဖြစ်ဖြစ် ဟောပြောစည်းရုံး လှုပ်ရှားခရေ။ သူမအတွက် ဖခင်ကရာ နောက်ခါ မားမားပဒရပ်တည်ပီးရား လှုပ်ယှားမှုတိုင်းမာ လိုက်ပါ ကူညီခရေ။

၂၀၀၉-ခုနှစ် ဒီဇန်ဘာလနှောင်းပိုင်းမာ မာလာလာရေ “စစ်နန့်ငြိမ်းချမ်းရီးအစီအစာခံစာအဖွဲ့” မာ ပါဝင်ခွင့်ရခရေ။ ထိုပရောဂျက်သည် သတင်းမီဒီယာသင်တန်း တခုဖြစ်ပြီးကေ ပါကစ္စတန်နိုင်ငံအထဲဟိ ကျောင်းပေါင်း ၄၂ ကျောင်းနန့်ပတ်သက် ပြီးလိ့လာသုံးသပ် ဆွေးနွေးခကတ်တေ။ သူရို့ဆန်းစစ်ချက်တိကို ပြည်မားထုတ် သတင်းစာတိမာ ဖော်ပြခွင့်များ ရဟိခရေ။ ထိုသင်တန်းမာ တက်ရောက်ရေ အမျိုးသမီးတိထဲမာ မာလာလာရေ အငယ်ဆုံးနန့် အတက်ကြွဆုံးဖြစ်ခရေ။

သူ့ဖခင်က မျှော်မှန်းနီစွာမာ မာလာလာဖောင်ဒေးရှင်း တခုထောင်ပြီး ဆင်းရဲရေ ကလိန့်မေသျှေတိကို ကျောင်းပို့ပီးနိုင်ရီး ဆောင်ရွက်ရန်ဖြစ်တေ။ မာလာလာကလေ့ ဖော်ဒေးရှင်းတခု ထူထောင်နိုင်ဖို့ အပြင်းအထန် ကြိုးစားနိန်ပြီးကေ ၂၀၁၂ ဧပြီလမာ အမျိုးသမီးများပညာရီးအတွက် ဗီဒီယိုအစီအစိုင် တခုကို ထုတ်ရွှင့်ခရေ။

နောက်ပိုင်းမာ မာလာလာကို မီဒီယာတိက အလေးပီးလာယား ကမ္ဘာကသိလာစွာကို စိုးရိမ်ထိတ်လန့်လာရေ တာလီဘန်တိက သီနတ်ဖြင့် ပစ်ခတ်ပြီး လုပ်ကြံသတ်ဖြတ်ရန် ဆုံးဖြတ်ခကတ်တေ။ သို့တွက်နန့် သူမအိမ်ကို စာတိပို့ကာ ခြိမ်းခြောက်ခြင်း၊ ဖေ့စ်ဘွတ်ခ် ထက်မာ သူမအကြောင်းနန့် ပတ်သက်ပြီး လုပ်ကြံရီးသားချက်တိတင်ခြင်းအစဟိစွာရို့နန့် ရှိဆိုင်ခရရေ။ ယကေလေ့ အမျိုးသမီးများ ပညာသင်ခွင့်ရရီးကို ဇာအကြောင်းပြချက်နန့်မျှ မရပ်နားရန် ဆုံးဖြတ်ချက် ပိုပြီးကေခိုင်မြဲစီခရေ။ ခြိမ်းခြောက်တိုင်း မထီရေ မာလာလာကို တာလီဘန်ရို့က အပြိန်းဖတ်သတ်ဖြတ်ရန် ဆုံးဖြတ်လိုက်ကတ်ောင်း ကြေညာလိုက်ရေ။

တရက် ပါကစ္စတန် ဆွပ်တောင်ကြားမာ ဘတ်စ်ကားတစီး မောင်းလာနီရေ။ ထိုကားထက်မာ စာမီးပွဲဖြီပြီး ပြန်လာ ရေ ကျောင်းသားချေတိ ပါလာကတ်တေ။ ကားကို မျက်နှာဖုံးစွပ် လက်နက်ကိုင်သူပုန်တိက ရပ်ခိုင်းပြီး ကားပေါ်တက်လာခကတ်တေ။ သီနတ်ကိုင်ထားရေ တယောက်က “ဇာသူ မာလာလာ လဲ” လို့ အော်ပြောလိုက်ရေ။ ပြီးကေ “ပြောကေပြော မပြောကေ အားလုံးကို ပစ်သတ်မေ” လို့လေ့ အော်လိုက်ရေ။ မာလာလာက သူမဖြစ်ကြောင်း ရပ်စောက်ထပြီး ပြောလိုက်ရေ။ တာလီဘန်သူပုန်တိက သူမ မျက်နှာကို သီနတ်ဖြင့် တချက်ပစ်ခရေ။ ပြီးကေ လိုင်ဖင်းကို နောက်တချက် ထပ်ပစ်ခပြန်ရေ။ နောက်တချက် ပက်ခုံးကို ထပ်ပစ်ခရေ။ ပစ်ခတ်မှုမာ အရာ ကလိန့်မေသျှေနှစ်ဦးကိုလေ့ ကျည်တိ ထိကုန်ရေ။ ထိုတိုက်ခိုက်မှုအကြောင်းကို မာလာလာအားပစ်ခတ်စဉ် ထိခိုက်ခရေ ရီရာ့ဇ်နန့် ရမ်ဇမ်ဆိုရေ ကလိန့်မေသျှေနှစ်ဦးက ဒဏ်ရာရနီရေကြားမှ သတင်းထောက်တိကို ပြောပြနီခြင်း ဖြစ်တေ။

သီနတ်ဒဏ်ရာတိနန့် တုံးဖြစ်နိန်ရေ မာလာလာကို ပတ်ရှာဝါစစ်ဆီးရုံကြီးသို့ ယင်းယာဉ်ဖြင့် အဂု ခေါ်ဆောင်လားခရေ။ ဝဏှောက်ကို ထိထားရေ အပိုင်းကလွဲပြီးကေ ခွဲစိတ်ကုသပီးခရေ။ ကျည်ဆန်က ဂေါင်းကို ဖောက် ထွက်လားခြင်းဖြစ်တေ။ သုံးနာရီအကြာ ခွဲစိတ်ပြီး လိုင်ဖင်းနန့် ပက်ခုံးထဲက ကျည်တိကို ထုတ်ခရရေ။

ခွဲစိတ်မှုတိ မလုပ်မီအချိန်အထိ စိတ်ဓာတ်ခိုင်မာရေ မာလာလာစွာ လက်နန့် ခြီထောက်တိကို လှုပ်နိုင်ခရေ။ သီနတ်ဖြင့် ပစ်ခတ်ခံရပြီးစမာလေ့ ဆရာကို စကားပြောလားခသိရေ။ ၂၀၁၂ ခုနှစ် အောက်တိုဘာ ၁၅ ရက်နိမာ မာလာလာကို ပါကစ္စတန်စစ်ဆီးရုံကြီးမှ ဗြိတိန်သို့ ပို့ဆောင်ကုသရန် ဆုံးဖြတ်ခကတ်တေ။ အောက်တိုဘာ ၁၇ ရက်နိမာ မာလာလာ တုံးဖြစ်နိန်ပြီးကေ ဝဏှောက်မပျက်စီးရန် ကုသဖို့လိုကြောင်း အဲလိဇဘတ်ဆီးရုံကြီးက ကြေညာ ခရေ။ ၂၆ ရက်နိမာ အခြီအနီပြန်ကောင်းလာရေ။ နိုဝင်ဘာ ၈ ရက်နိမာ အခြီအနီကောင်းလာသဖြင့် ညောင်စောင်းပေါ်ထိုင်ပနာ ဓာတ်ပုံအရိုက်ခံနိုင် ခရေ။

မာလာလာရေ အမျိုးသမီးများ ပညာသင်ကြားခွင့်ရရီး၊ ကျောင်းနေအရွယ်ကျောင်းသားတိုင်း ပညာသင်ကြားခွင့်ရရီးကို စိတ်ဓာတ်နနောင်းစွာဖြင့် ဆက်ပနာ လုပ်ဆောင် နီခရေ။ သီလောက်ရေဒဏ်ရာတိနန့် မမာ့ောနီခထိအောင် သူမစိတ်ကူးထဲမာ အချေဒိန်မာို စာတိသင်နိန်ရေ။ အမျိုးသမိန်းတိကို ကျောင်းပို့နိန်ရေ။

မာလာလာရေ ထိုအချိန်က အသက် ၁၆ နှစ်သာဟိသိမ့်ရေ။ အသက် ၁၆ နှစ်အရွယ် အချေတယောက်၏ လှုပ်ရှား ဆောင်ရွက်ခမှုတိကား အံ့ဩစရာပင်။ လူတယောက် တခါသာ သီရေဟု ဆိုရေ။ သူမသည် အမှန်က တခါသီခပြီးရာ။ မသေမီ အားလုံးအတွက် ပညာရီးကို ဟစ်ကြွီးပီးခရေ။ “အကျွန် မာလာလာ” ဆိုရေ ဆောင်ပုဒ်ဖြင့် ကျောင်းနေအရွယ် အချေတိုင်းကို ကျောင်းပို့ပီးခရေ။ သူမနောက်တခေါက် ပြန်နိုးထလှာရေ။ အဂုတခေါက် သူမ ကြွီးကြော်ချက်က ကြက်သီးထစရာဖြစ်တေ။

“အချေတယောက်၊ ဆရာတယောက်၊ စာအုပ်တအုပ်နန့် ကလောင်တချောင်းစွာ ကမ္ဘာကြီးကို ပြောင်းလဲနှိုင်ပါရေ” ဆိုပနာဖြစ်တေ။

မာလာလာရေ ၂၀၁၄ ခုနှစ်အတွက် ငြိမ်းချမ်းရီး နိုဘယ်ဆုကို ဆတ္တရာသီနန့်အတူ ပူးတွဲချီးမြှင့်ခြင်း ခံခရရေ။ ယင်းချိန်တွင် သူမ၏အသက်မာ ၁၇-နှစ်ရာ ဟိပြီး ကမ္ဘာ့ အငယ်ဆုံး ငြိမ်းချမ်းရီး နိုဘယ်ဆုရှင်အဖြစ် မှတ်တမ်းတင်ရဖို့ဖြစ်တေ။