ရမ်းဗြဲကျွန်း
ရမ်းဗြဲကျွန်း | |
|---|---|
| Coordinates: 19°4′N 93°50′E / 19.067°N 93.833°E | |
| နိုင်ငံ | |
| ပြည်နယ် | ရခိုင် |
| Area | |
| • Total | ၁,၃၅၀ km2 (၅၂၀ sq mi) |
| Elevation | ၂၇၅ မီတာ (၉၀၂ ပေ) |
| Time zone | UTC+6:30 (မြန်မာစံတော်ချိန်) |
ရခိုင်ကမ်းရိုးတန်းဟိ အကြီးဆုံးကျွန်းမှာ ရမ်းဗြဲကျွန်းဖြစ်ရေ။ ရခိုင်မာမကဘင်္ဂလားပင်လယ်အော် အရှိမြောက်ကမ်းခြီတလျှောက်မာလည်း အကြီးဆုံးကျွန်း ကြီး ဖြစ်ရေ။ ကျွန်းဧရိယာမှာ စတုရန်းမိုင် ၇ဝဝ ကျော်ဟိရေ။ အလျား မိုင်၅ဝ ခန့် ဟိပြီးကေ အလယ်မာ မိုင် ၂ဝ ခန့်အထိ ကျယ်ပြန့်ပနာ တောင်ဘက်သို့ ချွန်ထွက်လားရေ။ ရခိုင်ရိုးမတောင်ခြီမှ အနောက်ဘက် ၁၂ မိုင်အကွာ ပင်လယ်ထဲမာ ဟိရေ။
ကျွန်း၏ မြောက်ပိုင်း အရှိဘက်မာ ဒီရေတောပေါတိပြီး အနောက်ဘက်မာ တောင်ကုန်းငယ် ပေါတိရေ။ ကျွန်း၏တောင်ပိုင်းရေ တောတောင်ထူပြီး အမြင့်ဆုံးတောင်မှာ ဇီးခါး တောင် (၉၆၄ ပေ) ဖြစ်ရေ။ မြောက်ပိုင်းမာ မင်းရပ်မြစ်၊ တောင်ပိုင်းမာ ရမ်းဗြဲချောင်း၊ ဟုန်းချောင်း၊ ရမ်းပေါက်ချောင်းရို့မှာ ထင်ရှားရေ။ ကျွန်းပေါ်မာ နဂါးပွက်တောင်ဟု ခေါ်ဆိုလေ့ဟိရေ ရွှံ့မီးတောင် အများအပြားဟိရေ။ ရီနံ လက်ယက်မားတိ ဟိရေ။ ရမ်းပေါက်ချောင်းဝမှ အနောက်ဘက် ၁၀ မိုင်အကွာမာ မာန်အောင်ကျွန်းဟိပြီး မာန်အောင်ရီလက်ကြားနန့် ပိုင်းခြားထားရေ။ စကုကျွန်းမှာ ရမ်းဗြဲကျွန်းအရှေ့ဘက် ကလိန်တောင်မြစ်ဝမာ ဟိရေ။ ရမ်းဗြဲ၊ သံတွဲ၊ မာန်အောင်၊ တောင်ကုတ်လား ရေလမ်း ကြောင်းပေါ်မာ ဟိရေ။ စကုကျွန်းမှ ၄ မိုင်ခန့်အကွာမာ မန်ကျည်းကျွန်း ဟိရေ။ မာန်အောင်ကျွန်း၊ ရဲကျွန်းရို့နန့် မလှမ်းမကမ်း၌ ဟိရေ။[၁]
အဟိဖက်မာရက္ခိုင်ရိုးမတောင်တန်းပေါ်မှစီးဆင်း လာရေမြစ်တိရို့နန့်ပေါင်းစပ်ပြီး၊မြစ်ဝကျွန်းပေါ်ဒေသကိုဖြစ်ပေါ်နိန်ရေ။ ရွံ့နဂါးတောင် ပေါ် ထွက်နီရာအများဆုံးတွိ့ရရေ။အဓိကနီရာသုံးခုကိုဖေါ်ပြပါဖို့။ (က)ဆိုင်ခြုံမီးတောင်(Saichon) (ခ)ရောက်ချောင်းမီးတောင် Yauk chaung နန့် (ဂ)ဇင်ချောင်းမီးတောင် Zin chaung ရို့ဖြစ်ကတ်တေ။ ဆိုင်ခြုံ နန့် ရောက်ချောင်းရို့ စွာကီလိုမီတာစိကေသျှေသာကွာဝီးကေလေ့၊ ဇင်ချောင်းနန့် ကီလိုမီတာ အများကြီးကွာဝီးရေ။[၂]
ကိုးကား
[တီးဖြတ်ပါ | အရင်းအမြစ်ကိုတီးဖြတ်ပါ]- ↑ မြောက်ဦးစစ်တမ်း -မောင်မောင်စိုး
- ↑ မျိုးမြင့်၊ဒေါက်တာ၊ ရခိုင်ကမ်းရိုးတန်းကိုလေ့လာခြင်း (Study of Arakan Coast) အပိုင်း(၁)