လေးဝတီခိုင်ကျော်

ငယ်ဘဝ

ဆရာလေးဝတီခိုင်ကျော်ကို အဘဦးဖြူပန်းအောင်(ကွယ်)၊ အမိ ဒေါ်ဦးကြာဇံ(ကွယ်)ရို့မှ ၁၆/၁၀/၁၉၆၁ တနင်္လာနိ ပေါက်တောမြို့နယ် တောင်ညိုရွာမာ မွီးဖွားပါရေ။ နာမည်ရင်းမာ ကျော်ရွှေမောင် ဖြစ်ပါရေ။ မောင်နှမနှစ်ယောက်ဟိပါရေ။ နှမအမည်မာ မသန်းရွှေ ဖြစ်ပါရေ။ အသငယ်ဘဝခါ ခမောက် သျှေဆောင်းလို့ ကျုတ်တပျောင်းပျောင်းလမ်းမာ ဖိနပ်မပါဘဲ ကျောင်းစာသင် ခရေ။ ဗကပတိ ရွာကျောင်းကိုပိတ်ပစ်လို့ (၁၁)နှစ်အရွယ် (၄) တန်းကျောင်း သားဘဝကပင်စလို့ (၁၀)တန်းထိ ဘဝမ်း၊ ပေါက်တောမှာ စာဆက်သင်ရရေ။ ပြင်ပစာပီတိလိုက်စား၊ ကဗျာ၊ ဝတ္ထုရီးယင်းနန့် (၁၀)တန်း တစ်နှစ်ရေ။ နောက်တစ်နှစ်ခါ သဝင်ချောင်းရွာ (တွဲဖက် အ-ထ-က)က (၁၀)တန်း အောင်ရေ။

ဘဝဇာတ်ခုံ သရုပ်စုံ

၁၉၈၀ ခုနှစ်မှာ ဆယ်တန်းအောင်ပြီးကေ မူလတန်းပြဆရာဝင်လုပ်တေ။ ၁၉၈၅ ၁၉၈၆ ခုနှစ်မှာ စာပီးစာယူနန့် ဥပဒေဘွဲ့ရရေ။ ၁၉၈၆ မှာ အလယ်တန်းဆရာဖြစ်ပြီးကေ ပေါက်တောမြို့နယ်၊ မြင့်ဂါ (အ-လ-က)မှာ တာဝန်ကျရေ။ မြင့်ဂါရွာဟောင်းသူ ဆရာမ စံယဉ်ဦး (အ-လ-ပြ)နန့် အကြောင်းပါလို့ ကြင်ရာဖြစ်ကတ်တေ။ ၁၉၉၆ ခုနှစ်မှာ ဌာနပြောင်းဗျာ ဥပဒေအရာဟိဖြစ်လှာရေ။ ဘူးသီးတောင်မြို့မှာ ပထမဆုံးတာဝန်ကျပြီးကေ ဆရာကြီးမောင်ဗသိန်းရို့နန့် “စိုင်းတင်မဂ္ဂဇင်း’” လုပ်ခကတ်တေ။ ၁၉၉၉ ခုနှစ်မှာ ပေါက်တောမြို့သို့ ပြန်ရောက်တေ။ “ပေါက်တောရွှေမြေမဂ္ဂဇင်း" ထုတ်တေ။ ၂၀၀၅-၂၀၁၆မှာ စစ်တွေ ရောက်တေ။ ၂၀၀ရ ခုနှစ်မှာ မြို့နယ် ဥပဒေအရာဟိတာဝန်နန့် မင်းပြားမြို့ ရောက်တေ။ ၂ဝ၁၁ ခုနှစ်မှာ စစ်တွေ မြို့နယ် ဥပဒေအရာဟိအဖြစ် ပြန်လည်ရောက်ဟိရေ။

စာပန်းရဂုံ လက်ရာစုံ

၈ တန်း ၉ တန်း ကျောင်းသားအရွယ်ကစလို့ ကဗျာပိုးဝင်ရေ။ လယ်/ထက် ကျောင်းသားဘဝမှာ စာစီကုံး၊ ကဗျာ၊ ဝတ္ထုတို ဆုတိ အကြိမ် ကြိမ်ရဖူးရေ။ ကျောင်းနံရံကပ်စာစောင်တို့ ဖန်တီးရေး၊ လေးဝတီခိုင်ကျော် ကလောင်နန့်ရီးရေ ပညာတန်ဆောင်မဂ္ဂဇင်းပါ “မျှော်လင့်ကြိုနေမယ်” ဝထုတိုနန့် စာပီနယ်ထဲဝင်လာရေ။ ပထမဆုံးဖော်ပြခံရရေဆောင်းပါးက ဓညဝတီ မောင်ရွှေရိုး ကလောင်နာမည်နန့် “ကျင်သန်ကြီးဦးမောင်နီ၏ကျင်လောက အတွေ့အကြုံများ” (ရခိုင်ပြည်နယ်စာစောင်/ ၁၉၈၄)။ ပထမဆုံးဖော်ပြခံရ ကဗျာတိက “သမိုင်းပီးတာဝန်”” (ရခိုင့်ယဉ်ကျေးမှုမဂ္ဂဇင်း - ၁)၊ “မှိုကောက် လားကတ်ပေါ် (ဦးရာဇ်မြေမဂ္ဂဇင်း - ၂)။ ၂ဝဝ၁ ခုနှစ်မှာ "စုန်’"ဝတ္ထု တိုနန့် “လခြမ်း' ဝတ္ထုတိုဆု ရပါရေ။ ကလောင်ခွဲတိက နီရိုင်းနီ(တောင်ရင်းကျွန်း)၊ မောင်ခိုင်နှိုး၊ ခိုင်ကျော်(ဥပဒေ)၊ ဓညဝတီမောင်ရွှေရိုး၊ မေမိုးသီး၊ အိမ့်လှိုင်းရို့ ဖြစ်ပါရေ။ မဂ္ဂဇင်း/စာစောင်တိမှာ ကဗျာ၊ ဆောင်းပါး၊ ဝတ္ထု၊ သ စာတမ်း အစုံရီးပါရေး ရီးခရေ ရီးနီရေစာစောင်/ဂ္ဂဇင်းတိက = ရခိုင်၊ ရခိုင်သဟာယ၊ ရခိုင့်တန်ဆောင်၊ ရခိုင့်ယဉ်ကျေးမှု၊ ရခိုင်ညွန်ဖူး ရခိုင်ပြည် နယ်စာစောင်၊ ရခိုင်ကြေးမုံ၊ ရိုးမလှိုင်း၊ မေဃဝတီ၊ ဒွါရာဝတီ၊ သန္တာမြေ ရွှေကျွန်းသန္တာ၊ ရတနာမြေပုံ၊ ကျိန်းရိပ်မြေ၊ ဦးရာဇ်မြေ၊ လခြမ်းမြေ၊ မုနိမြေ၊ ပေါက်တောရွှေမြေ၊ မေယု၊ စိုင်းတင်၊ မောင်တော၊ ဝံသရက္ခိတ မဂ္ဂင်းရို့နန့် လခြမ်းသံစဉ်စာစောင်၊ နန္ဒာရာမငွေရတုစာစောင်၊ ပညာတန်ဆောင်၊ ရုပ်ရှင် အမြုတေ၊ ရယ်စရာမဂ္ဂဇင်း၊ ရွက်နုပြန်ချိန်ကဗျာပေါင်းချုပ်(စုပေါင်း)၊ ဒေသ ထုတ်စုပေါင်းစာအုပ်တိနန့် အခြား . . . ။ စိုင်းတင်မဂ္ဂဇင်း စာတည်း၊ ပေါက်တောရွှေမြေမဂ္ဂဇင်း ဥက္ကဋ္ဌ၊ တာဝန် ခံစာတည်း တာဝန်တိထမ်းခရေ။

လက်ဟိ ဘဝသမုဒ္ဒရာ

ချစ်မယားက ၂၀၀၉ ခုနှစ် ဒီဇင်ဘာ ၂၀ မှာ ကွယ်လွန်ရေ။ အဂု ချစ်သား မင်းခိုင်ကျော်၊ အောင်သူကျော်၊ ခိုင်လင်းကျော်၊ ခိုင်အောင်ကျော်နန့်အတူ ရန်ကုန်မြို့၊ ကြည့်မြင်တိုင်မာ ဘဝသမုဒ္ဒရာကို ဆက်ဖြတ်သန်းနီပါရေ။