သတင်းအချက်အလက်နည်းပညာ

အမေရိကန်သတင်းအချက်အလက်နည်းပညာအသင်း (ITAA) ၏သတ်မှတ်ချက်အရ သတင်းအချက်အလက်နည်းပညာဆိုစွာမာ ကွန်ပျူတာအခြီခံ သတင်းအချက်အလက်စနစ်တိ (Information System) အထူးအနိန်နန့် ဆော့ဖ်ဝဲရ်(Software) နန့် ကွန်ပျူတာ ဟတ်ဒ်ဝဲရ် (Hardware)တိကို လိ့လာခြင်း၊ ဒီဇိုင်ဆွဲ၊ ဖွံ့ဖြိုးတိုးတက်ယောင် ရီးသားခြင်း၊ အကောင်အထည်ပေါ်စီခြင်း၊ ပံ့ပိုးခြင်း တနည်း စီမံခန့်ခွဲခြင်းပင်ဖြစ်တေ။ အိုင်တီဆိုစွာမာ သတင်းအချက်အလက်နည်းပညာရို့ကိုပြောင်းလဲဖို့(convert)၊ လှောင် ထားဖို့(Store)၊ ကာကွယ်ဖို့ (Protect)၊ လုပ်ငန်းဆောင်ရွက်ဖို့(Process)၊ လွဲပြောင်းဖို့(Transmit) နန့် လုံခြုံစိတ်ချစွာထုတ်ပီးဖို့(securely retrieve) အီလက်ထရောနစ် ကွန်ပျူတာနန့် က္ငန်ပျူတာဆော့ဖ်ဝဲရို့ကို သုံးစွဲခြင်းဖြစ်တေ။

ဒေနိခေတ် သတင်းအချက်အလက်နည်းပညာ ဟူရေ အသုံးအနှုန်းမာ ကွန်ပျူတာ (computer)နန့် နည်းပညာ (technology) မျက်နှာစာအားလုံးပါဝင်လှာပြီး ထိုအသုံးအနှုန်းကို အယင်ကထက်ပိုပြီးကေလူသိများလာရေ။ သတင်းအချက်အလက် နည်းပညာရပ်ဝန်းစွာ အတော်အသင့်ပင်ကြီးမားနှိုင်ပြီး နယ်ပယ်များစွာပါဝင်နှိုင်ရေ။ အိုင်တီတတ်ကျွမ်း ပညာသျှင် (professional)တိစွာ အသုံးချဆော့ဖ်ဝဲ (application) တိထည့်သွင်းခြင်းကစပြီးကေ သပွတ်အူလိုက် ကွန်ပျူတာကွန်ရက်နန့် သတင်းအချက်အလက် ဒေတာဘေ့စ်(database)တိ ရီးသားခြင်းအစဟိရေ ဗလဗွီသတ်ရေလုပ်ငန်းတိကို လုပ်ကိုင်ကတ်တေ။ ကွန်ပျူတာနန့် ဆက်သွယ်ရီးနည်းပညာရို့ကိုပေါင်းစပ်လိုက်ရေအခါ သတင်းအချက်အလက်နည်းပညာ တနည်း အင်ဖိုတက် (infotech) ဖြစ်လာရေ။ သတင်းအချက်အလက်နည်းပညာဆိုစွာ ယေဘူယျအားဖြင့် သတင်းအချက်အလက်တိကို ထုတ်ပီးဖို့၊ တွက်ချက်ဖို့၊ သိမ်းဆည်းဖို့၊ ဆက်သွယ်ဖို့ တနည်း ဖြန့်ဖြူးဖို့သုံးစွဲရေ ဇာနည်းပညာကိုမဆို ခြုံငုံပြီးကေခေါ်ဆိုခြင်းဖြစ်တေ။ သတင်းအချက်အလက်နည်းပညာ တခုလုံးကိုပြောဆိုရေအခါ ကွန်ပျူတာမာ သတင်းအချက်အလက်သုံးစွဲမှု ရို့လေ့ ပါဝင်ပတ်သက်နီဖို့ဖြစ်တေ။

ကိုးကား

Adelman, C. (2000). A Parallel Postsecondary Universe: The Certification System in Information Technology. Washington, D.C.: U.S. Department of Education.
Allen, T., and M.S. Morton, eds. 1994. Information Technology and the Corporation of the 1990s. New York: Oxford University Press.
Shelly, Gary, Cashman, Thomas, Vermaat, Misty, and Walker, Tim. (1999). Discovering Computers 2000: Concepts for a Connected World. Cambridge, Massachusetts: Course Technology.
Webster, Frank, and Robins, Kevin. (1986). Information Technology—A Luddite Analysis. Norwood, NJ: Ablex.