Jump to content

အင်ဂိုလာနိုင်ငံ၏ အောင်လံတော်

ဝီကီးပီးဒီးယား က
အင်ဂိုလာ သမ္မတနိုင်ငံ
အသုံးပြုခြင်းNational flag
အချိုးအစား2:3[၁]
Adopted၁၁ နိုဝင်ဘာ ၁,၉၇၅; ၅၁ နှစ် အကြာက (၁,၉၇၅-၁၁-11)[၂]
Designအလျားလိုက် အနီနန့် အနက်စင်းမှာ အလယ်၌ စက်သွားနန့် ပြားခွတ်ဓားတိ ပါဝင်ရေ။

အင်ဂိုလာနိုင်ငံ၏ အောင်လံတော်ကို အင်ဂိုလာနိုင်ငံ လွတ်လပ်ရီးရရှိခရေ ၁၉၇၅ ခုနှစ် နိုဝင်ဘာလ ၁၁ ရက်နိမှစတင်အသုံးပြုခစွာဖြစ်တေ။ အောင်လံမှာ အပေါ်တစ်ပိုင်းမှာ အနီရောင်နန့် အောက်တစ်ပိုင်းမှာ အနက်ရောင်ဖြင့် အလယ်ကနိန်ပနာ နှစ်ပိုင်းခွဲထားပြီး အလယ်ဗဟိုမှာ အထိမ်းအမှတ်တံဆိပ်တစ်ခုပါဝင်ရေ။ ထိုတံဆိပ်စွာ အဝါရောင် အသွားစက်ဝိုင်းတစိပ်ကာကို ပြားခွတ်ဓားကန့်လန့်ဖြတ်ထားရေပုံဖြစ်ပြီး ကြယ်တစ်ပွင့်နန့် တန်ဆာဆင်ထားရေ။


အင်ဂိုလာနိုင်ငံအောင်လံစွာ ပေါ်တူဂီကိုလိုနီအုပ်ချုပ်ရီးအား တွန်းလှန်ခရေ အင်ဂိုလာပြည်မှားစစ်ကာလမှာ အုပ်ချုပ်ခသော ပါတီဖြစ်ရေ အင်ဂိုလာလွတ်မြောက်ရီးပြည်သူ့လှုပ်ယှားမှုပါတီ(People's Movement for the Liberation of Angola)၏ အောင်လံကို အခြီတည်ထားစွာဖြစ်တေ။[၁] MPLA ၏ အောင်လံစွာ အင်ဂိုလာနိုင်ငံအောင်လံနန့်တူသော်လည်း အလယ်မှာ ကြယ်တစ်လုံးတည်းရာ ပါဟိရေ။[၁]

အဓိပ္ပာယ်ဖော်ပြချက်

[တီးဖြတ်ပါ | အရင်းအမြစ်ကိုတီးဖြတ်ပါ]

အင်ဂိုလာနိုင်ငံ၏ အောင်လံတော်မှာ အနီနန့်အနက် အလျားလိုက် အရောင်တန်းနှစ်ခုမှာ ဆိုဗီယံယူနီယံအောင်လံမှာ အသုံးပြုထားရေ တူ၊ တံစဉ်ပုံကို တုပထားရေ ပြားခွတ်ဓား ကန့်လန့်ဖြတ်ထားသော စက်သွားတစိပ်ကာ၏ အထဲ၌ ငါးဒေါင့်ကြယ်ပါဝင်ရေ။[၂] အင်ဂိုလာနိုင်ငံ၏ ဖွဲစည်းပုံအခြီခံဥပဒေ၌ ဖော်ပြထားချက်အရ အနီရောင်တစ်စိပ်စွာ ကိုလိုနီကာလထဲမှာ လွတ်လပ်ရီးအတွက် ရုန်းကန်လှုပ်ယှားမှုနန့် နိုင်ငံတော်ကာကွယ်ရီးကို ရည်ညွှန်းရေ သွီးထွက်သံယိုမှုလက္ခဏာရပ်ကို ဆိုလိုရေ။ အနက်ရောင်တစိပ်မှာ အာဖရိကကို ရည်ညွှန်းလိုစွာဖြစ်တေ။ အလယ်ဟိ တံဆိပ်မှာပါဝင်ရေစက်သွားစွာ စက်မှုလုပ်သားတိနန့် ထုတ်လုပ်မှုကို ကိုယ်စားပြုကာ ပြားခွတ်ဓားစွာ တောင်သူလယ်သမားတိ၊ စိုက်ပျိုးမွေးမြူရီးထုတ်လုပ်ရေ လုပ်ငန်းနန့် လက်နက်ကိုင်တိုက်ပွဲတိကို ကိုယ်စားပြုပြီး ကြယ်နီနန့် ပုံသဏ္ဌာန်တူညီရေ ကြယ်စွာ နိုင်ငံတကာ စည်းလုံးညီညွတ်မှုနန့် တိုးတက်မှုကို သင်္ကေတဆောင်ခြင်းဖြစ်တေ။ အထိမ်းအမှတ်ပုံ၏ အဝါရောင်မှ နိုင်ငံ၏ ကြွယ်ဝချမ်းသာမှုကို ရည်ညွှန်းလိုခြင်းဖြစ်တေ။ ၁၉၇၅ ခုနှစ် ဖွဲ့စည်းပုံမှာ အနီကြောင်းစွာ ကိုလိုနီကာလ၊ အမျိုးသားလွတ်မြောက်ရီးလှုပ်ယှားမှုနန့် တော်လှန်ရီးကာလအမှား သွီးထွက်သံယိုဖြစ်ပွားမှုကို ရည်ညွှန်းထားစွာဟု ဖော်ပြထားပြီး ၁၉၉၂ ဖွဲ့စည်းပုံမှာ တော်လှန်ရီးဆိုရေ စကားရပ်ကို "နိုင်ငံတော် ကာကွယ်ရီး"ဆိုရေ စကားရပ်နန့် ဖလှယ်ခရေ။ ၁၉၇၅ နန့် ၁၉၉၂ မူတိအကြား အခြားသော ပြောင်းလဲသွားသော စကားရပ်တိမှာ ပြားခွတ်ဓားစွာ "internationalism" မှ "နိုင်ငံတကာ စည်းလုံးညီညွတ်မှု" သို့ ပြောင်းလဲခပြီး "အလုပ်သမားလူတန်းစား"နန့် "တောင်သူလယ်သမားလူတန်းစား"ဟုသော စကားရပ်တိအား "အလုပ်သမား"နန့် "တောင်သူလယ်သမား"ဟူ၍ အစားထိုးခရေ။[၃][၄]

အနီ အဝါ အနက်
CMYK 20/100/90/00/15/100/010/10/10/100
Pantone[၅] 186 C116 CProcess Black C
RGB 204/9/47255/203/00/0/0
Hexadecimal C8102EFFCD00000000

၂၀၀၃ ခုနှစ် အောင်လံသစ်အတွက် အဆိုပြုမှု

[တီးဖြတ်ပါ | အရင်းအမြစ်ကိုတီးဖြတ်ပါ]

၂၀၀၃ ခုနှစ်မှာ ပို၍ "အကောင်းမြင်သော" အောင်လံကို အမျိုးသားလွှတ်တော် ဖွဲ့စည်းပုံအခြီခံဥပဒေဆိုင်ရာ ကော်မရှင်မှ တင်သွင်းခသော်လည်း အသုံးပြုခစွာ မဟိပါ။ အလယ်၌ ရီးဆွဲထားသော နေပုံစွာ Tchitundo-Hulu လိုဏ်ဂူ၌ တွိဟိခရေ ပန်းချီပုံနန့် ဆင်တူယိုးမှားဖြစ်နေရေ။ အောင်လံ၏ အရွယ်အစားမှာလည်း အယင်ကအောင်လံပိုင်ယှောင် 2:3 အချိုးကို အသုံးပြုထားရေ။[၆]

  1. 1 2 3 Flags of the world (2nd ed.). Buffalo, New York: Firefly Books. 2012 [2003]. p. 26. ISBN 978-1-77085-157-3.
  2. 1 2 Flags: The visual guide to more than 300 flags from around the world. New York City: Dorling Kindersley. 1998. p. 96. ISBN 0-7894-4224-8.
  3. ↑ Lei Constitucional da República Popular de Angola (PDF) (in Portuguese). 1975. Article 54. Archived from the original (PDF) on 6 July 2021. Retrieved 28 July 2021.
  4. ↑ Constitutional Law of the Republic of Angola (PDF). 1992. Article 162. Archived from the original (PDF) on 5 July 2021. Retrieved 28 July 2021.
  5. ↑ Símbolos Nacionais da República de Angola: Manual de Normas Gráficas e Protocolares။ 1 September 2019 မာ မူရင်းအား မော်ကွန်းတင်ပြီး။ 28 July 2021 မာ ပြန်စစ်ပြီး။
  6. ↑ Angola - proposals for a new flag။ 2017-07-21 မာ ပြန်စစ်ပြီး။