ဦးကျော်ခင်

ဦးကျော်ခင်

ဦးကျော်ခင်၊ ရန်ကုန်တက္ကသိုလ် စာသင်သားတိသမဂ္ဂ ပထမဆုံးဥက္ကဋ္ဌ

ဦးကျော်ခင် စွာ ရန်ကုန်တက္ကသိုလ် စာသင်သားတိ သမဂ္ဂ ၏ ပထမဆုံး ဥက္ကဋ္ဌ (ယာယီ) ဖြစ်ရေ။

ရက္ခိုင် အမျိုးသား တဦး ဖြစ်ပနာ သံတွဲ မြို့တွင် ဖွားမြင်ခ၏။ သံတွဲမြို့ အစိုးရ အထက်တန်း ကျောင်းတွင် သတ္တမတန်းထိ ပညာ လိ့လာ ဆည်းပူး ခရေ။ ရန်ကုန်မြို့ ဗဟို အစိုးရ အထက်တန်း ကျောင်းသို့ ပြောင်းရွိပညာ ဆည်းပူးပြီး၊ ၁၉၂၅ ခုနှစ်မာ၊ ၁၀ တန်း စာမိန်းပွဲကို အောင်မြင် ခရေ။ ရန်ကုန် တက္ကသိုလ်တွင် ဆက်ပနာ ပညာ သင်ကြား ခရေ။

၁၉၂၉ ခုနှစ်မာ သဌီး ဦးညိုက သမဂ္ဂ အဆောက်အဦ ဆောက်လုပ် လှူဒါန်းရာ၊ ၁၉၃၀ ခုနှစ်မာ ပြီးစီး ခ၏။ သမဂ္ဂ အဆောက်အဦ ဟိကေလေ့ သမဂ္ဂ အဖွဲ့အစည်း မဟိ ဖြစ်နိန်ရေအတွက်၊ ဦးကျော်ခင်စွာ သမဂ္ဂ ဖြစ်မြောက်ရီး အတွက် ကြိုးပမ်းမှုတွင် ဂေါင်းဆောင်ခသူ တဦး ဖြစ်ရေ။

သမဂ္ဂ အဖွဲ့အစည်း မပေါ်ပေါက် စီရန်၊ ချော့၊ မြှောက်၊ မျောက်ခြောက်ခြောက်ခြင်းကို ခံခဲ့ရ၏။ တက္ကသိုလ် စာသင်သား ပညာတတ် တိ၏ “မက်လုံး” ဖြစ်ရေ အိန္ဒိယ ပဋိညာဉ်ခံ ဝန်ထမ်း အိုင်-စီ-အက်စ် ရာထူး ဖြင့်လည်း ချော့မြူ ဖြားယောင်းခြင်း ခံခဲ့ ရ၏။ ဦးကျောင်ခင်ကား မယိမ်းမယိုင်၊ သမဂ္ဂ ဖြစ်မြောက်ရီး အတွက် ခေါင်းမာစွာ ကြိုးပမ်း ခသူသာ ဖြစ်ရေ။

သမဂ္ဂ ဖြစ်မြောက် စီရန် ရန်ကုန်တက္ကသိုလ်ရှိ စာသင်သားကြီး တိစွာ ပထမဆုံး ဆွေးနွေး လက်သပ် ခ၏။ ထို ဆွေးနွေးပွဲတွင် ဦးကျော်ခင်စွာ သဘာပတိ ဖြစ်၏။ သမဂ္ဂ စည်းမျဉ်း ရီးဆွဲရီး ကော်မတီ ဖွဲ့စည်းရန်၊ တက္ကသိုလ် ကိုယ်စား အဓိပတိနန့် ဆွေးနွေးပွဲတွင်၊ ကိုယ်စားလှယ် သုံးဦး ထဲက ပါဝင်သူ တဦးလည်း ဖြိုက်လီရေ။

သမဂ္ဂ စည်းမျဉ်း ရီးဆွဲရီး ကော်မတီ ဖွဲ့စည်းသော အခါ ဦးကျော်ခင်စွာ သဘာပတိ အဖြစ် တာဝန်ယူ လုပ်ဆောင် ခ၏။ သမဂ္ဂ စည်းမျဉ်း ရီးဆွဲ ယပြီးနောက် တက္ကသိုလ် အုပ်ချုပ်ရီး အဖွဲ့နန့် တွိ့ဆုံ ဆွေးနွေးပွဲတွင် ကိုယ်စားလှယ် အဖြစ်ဖြင့် ပါဝင် ခရေ။ သမဂ္ဂ စည်းမျဉ်းကို အတည်ပြုသော ၁၉၃၁ ခု၊ ဂျန်နဝါရီလ ၉ ရက်နိတွင် ကျင်းပရေ စာသင်သားထု အစည်းအဝီးမှ၊ တကသ အမှုဆောင် ၉ ဦး ရွီးချယ်သော အခါ၊ ဦးကျော်ခင်စွာ ယာယီ တကသ ဥက္ကဋ္ဌ ဖြိုက်လှာ ခလီရေ။

၁၉၃၁ ခုနှစ်မာ ဥပဒေ သင်တန်းတိကို အောင်မြင် ခရေ။ မိမိ ဇာတိမြို့ ဖြိုက်ရေ သံတွဲမြို့တွင် ရှိနိန် အဖြစ် လုပ်ဆောင်ရင်း၊ မြူနီစီပယ် အဖွဲ့ဝင်၊ မြူနီစီပယ် ဥက္ကဋ္ဌ အဖြစ် မြို့ပြ ရီးရာ တိကို ဆောင်ရွက် ခရေ။ စစ်ပြီးခေတ် ၁၉၅၁ ခုတွင် ပြည်သူ့ လွှတ်တော် အမတ် အဖြစ် ရန်အောင် မဲဆန္ဒနယ်မှ ရွီးကောက် တင်မြှောက်ခြင်း ခံရရား၊ ဆွစ်ဇာလန်ပြည် ဘန်းမြို့၌ ကျင်းပသော ကမ္ဘာ့ လွှတ်တော်တိ ညီလာခံသို့ မြန်မာ ကိုယ်စားလှယ် အဖွဲ့ကို ဂေါင်းဆောင်ကာ တက်ရောက်ခ ဖူးလီရေ။

ဦးကျော်ခင်စွာ အဂု ရန်ကုန်မြို့တွင် လွှတ်တော် ရှိနိန် အဖြစ် လုပ်ဆောင်လျက် ရှိလီရေ။